註冊 登入



打印

越諗越激氣

越諗越激氣 E-mail 此主題給朋友

[隱藏]
越諗越激氣上黎嗔下
話說之前(而家已經冇係果間公司做)有份工轉左部門,佢地請左個男仔,之後我地因工作認識,佢一見我已經問我攞電話仲問我可唔可以一齊放工,目的好明顯啦。我出黎做野之後圈子越來越窄,諗住識多個朋友就答應了,而且反正所有同事都會交換電話方便聯絡。佢好進取,日日都whatsapp我約我出街/食飯,我對佢冇意思,而且佢人品都幾差,我都成日拒絕佢,但佢就好似get唔到咁繼續約,有時真係推無可推就只好應約。

講返重點先,第一次出街佢帶我去食米線三十幾蚊碗。我唔係嫌cheap,不過第一次就帶你追緊嘅女仔去d咁嘅地方真係好唔得囉。埋單個陣我攞張$100出黎(我最細張都係得$100)佢即刻話唔洗啦~跟住就等我埋單我冇話請佢喎!不過算啦,反正戲飛錢都未俾番佢。有次傾計我話我覺得冇本事嘅女人先要男人養,佢雙眼就發晒光咁,之後搵得我更密。第二次同佢睇戲佢上網買左飛先,我問佢幾錢,佢收我$80,當我攞到張飛嘅時候張飛寫住$7x😒 追我已經係咁,如果同佢一起咪要養埋佢!講返d背景,我住私樓佢住公屋,人工我又高過佢,平時跟d同事去食飯又豪過佢平時,佢一d都唔自卑仲猛咁追我,搞到我好覺得佢想食軟飯。而且睇親嘅戲我都好冇興趣睇,
搞到我次次都覺得我好似係度貼錢陪仔

佢成日夜晚十點幾十一點叫我出去食宵夜,第二朝仲要返工架,我採佢都傻啦。試過過左15分鐘先睇到佢msg,佢話佢已經返左屋企,姐係佢suppose佢一call我我就要扑到出去啦 佢約親我都係放工後,星期六日永遠有節目,好有搵我攝時間之嫌。

佢又成日係我臨訓個陣打俾我,我已經猛咁話好眼訓、聽日要好早返工、要收線⋯佢都仲要講成個鐘,返到去就同d同事講我地成日臨訓前傾電話😒我真係好想cut佢線,只怪我太有禮貌。 而且從言談間知道我地次次出街d舊同事=佢嘅同事都知,佢講到我好冧佢咁,d人仲起晒哄其實我唔想佢地知,因為我唔想我男神誤會(我知我男神唔會鍾意我但係我都唔想佢誤會,可以話係一種執念吧)我明示暗示過咁多次佢都係要誤會我阻止唔到,但係佢搞到連我男神都誤會就唔得!之後我就block左佢一了百了,唔洗俾佢煩又唔洗諗點推佢。只係唔知佢會點唱我⋯ 其他人點諗我唔care, 我只係唔想我係男神心目中更差⋯⋯

p.s. 佢聖誕節仲約我上佢屋企,話教我打機喎,有冇人信吖😒



實用相關搜尋: 朋友 電話 傾計 睇戲
唔想出街可以話屋企人唔鍾意, 萬用擋箭牌
臨訓打比你可以扮訓咗, 第一次打比你就話唔知佢想點啫, 第二三次咩都醒水啦掛



實用相關搜尋:
引用:
原帖由 箍麻 於 2018-3-12 07:51 PM 發表

唔想出街可以話屋企人唔鍾意, 萬用擋箭牌
臨訓打比你可以扮訓咗, 第一次打比你就話唔知佢想點啫, 第二三次咩都醒水啦掛
佢就係唔醒水
都唔知係真唔醒水定假唔醒水






引用:
原帖由 深夜腳毛的手邊 於 2018-3-12 07:52 PM 發表


佢就係唔醒水
都唔知係真唔醒水定假唔醒水
話你唔醒水呀
做咩次次都聽佢電話呀



實用相關搜尋: 電話
[隱藏]
引用:
原帖由 箍麻 於 2018-3-12 07:58 PM 發表



話你唔醒水呀
做咩次次都聽佢電話呀
我有好多次都冇聽,whatsapp都有好多次唔覆,但有時佢打俾我我唔知係佢



實用相關搜尋: 電話
引用:
原帖由 深夜腳毛的手邊 於 2018-3-12 07:34 PM 發表

越諗越激氣上黎嗔下
話說之前(而家已經冇係果間公司做)有份工轉左部門,佢地請左個男仔,之後我地因工作認識,佢一見我已經問我攞電話仲問我可唔可以一齊放工,目的好明顯啦。我出黎做野之後圈子越來越窄, ...
只能話佢自我感覺異常良好,同埋想食軟飯?
你有米線食咪算好囉,我之前戈個第一次約我食飯,話佢搵食咩,點知原來無諗過,仲帶我去旺角掃街!!
其實唔奢望食什麼好西,但求大家坐低慢慢食慢慢傾姐...



實用相關搜尋: 電話
引用:
原帖由 深夜腳毛的手邊 於 2018-3-12 07:34 PM 發表

越諗越激氣上黎嗔下
話說之前(而家已經冇係果間公司做)有份工轉左部門,佢地請左個男仔,之後我地因工作認識,佢一見我已經問我攞電話仲問我可唔可以一齊放工,目的好明顯啦。我出黎做野之後圈子越來越窄, ...
好典型的垃圾女招惹垃圾男故事。



實用相關搜尋: 電話
引用:
原帖由 東方默默的救星 於 2018-3-12 08:55 PM 發表


只能話佢自我感覺異常良好,同埋想食軟飯?
你有米線食咪算好囉,我之前戈個第一次約我食飯,話佢搵食咩,點知原來無諗過,仲帶我去旺角掃街!!
其實唔奢望食什麼好西,但求大家坐低慢慢食慢慢傾姐...
係反映你嘅條件都係麻麻。






引用:
原帖由 阿華留言 於 2018-3-12 09:24 PM 發表




好典型的垃圾女招惹垃圾男故事。
你條毒撚有幾好啊

[ 本帖最後由 狼wolf 於 2018-3-12 10:07 PM 編輯 ]







[隱藏]
引用:
原帖由 東方默默的救星 於 2018-3-12 08:55 PM 發表


只能話佢自我感覺異常良好,同埋想食軟飯?
你有米線食咪算好囉,我之前戈個第一次約我食飯,話佢搵食咩,點知原來無諗過,仲帶我去旺角掃街!!
其實唔奢望食什麼好西,但求大家坐低慢慢食慢慢傾姐...
條仔對你都好唔上心喎



熱門搜尋: 激光脫毛 甩頭髮 腋毛 防脫髮
引用:
原帖由 阿華留言 於 2018-3-12 09:26 PM 發表




係反映你嘅條件都係麻麻。
係嘅係嘅



熱門搜尋: 激光脫毛 甩頭髮 腋毛

回覆 引用 TOP

引用:
原帖由 狼wolf 於 2018-3-12 09:31 PM 發表


條仔對你都好唔上心喎
唔係,佢主動add我,次次佢都秒覆,又會自報行蹤,如果我戈日無出聲,佢就會喪搵我,問我做咩去左邊,成日想約我出街...
重點佢好鍾意掃街食立雜野,不好正餐,再加上佢第一次拍拖,唔識做呢啲野,可能佢認為掃街是最正最好的,所以帶我掃街...但我真係麻麻地咁囉



實用相關搜尋: 拍拖

回覆 引用 TOP

引用:
原帖由 狼wolf 於 2018-3-12 09:29 PM 發表


你條毒燃有幾好啊
好奇。咩叫「毒燃」?

「毒品被磨成粉末並散佈在空氣中恰巧遇上火花於是在一瞬間爆發性地被點燃」?







引用:
原帖由 阿華留言 於 2018-3-12 21:46 發表




好奇。咩叫「毒燃」?

「毒品被磨成粉末並散佈在空氣中恰巧遇上火花於是在一瞬間爆發性地被點燃」?
串人之前,記得要小心打字



實用相關搜尋: 空氣

回覆 引用 TOP

[隱藏]
引用:
原帖由 東方默默的救星 於 2018-3-12 08:55 PM 發表


只能話佢自我感覺異常良好,同埋想食軟飯?
你有米線食咪算好囉,我之前戈個第一次約我食飯,話佢搵食咩,點知原來無諗過,仲帶我去旺角掃街!!
其實唔奢望食什麼好西,但求大家坐低慢慢食慢慢傾姐...
我都覺得佢自我感覺好良好,佢仲成日send d自拍照俾我,都係dup低頭望住手上嘅野,見唔到樣,我以為個focus係佢手上嘅野,點知有次我唔知講左咩,佢話:我仲以為依張最型

我🙄原來個d都係佢chok晒嘅型仔相,我不知幾想串佢個頭殼頂好型😂



實用相關搜尋: 拍照

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。