註冊 登入



打印

小三重生support 區 - 2018

[隱藏]
我都好想斬攬成功呀!成呢一兩個月,鬧交鬧得好西利。
自己又唔捨得⋯⋯其實感情都唔會返返去以前咁,有時自己都好理智咁同自己講,段感情都搞成咁,放手好過。
我恨自己唔夠硬淨,唔夠堅持。



回覆 引用 TOP

熱賣及精選
引用:
原帖由 destinyku 於 2018-2-16 12:41 AM 發表


、勁!三年甘奈。
我已經開始冇耐性
對住你個情況,只可以講人心不足...



回覆 引用 TOP

佢老婆有左,今次我真係要走,初時以為佢地無感情,而家事實擺在眼前,只怪自己太蠢太執著,佢今年犯太歲,對佢黎講可能真係一喜擋三災


引用:
原帖由 hfccw 於 2018-2-19 01:49 AM 發表

佢老婆有左,今次我真係要走,初時以為佢地無感情,而家事實擺在眼前,只怪自己太蠢太執著,佢今年犯太歲,對佢黎講可能真係一喜擋三災
可能對你嚟講都係一種解脫



[隱藏]
大家好
今日係我同佢分左手既第五日...我好難受,呢段時間亦都不停搵唔同既朋友去傾訴,不過依然好傷心,未接受到事實。其實一直都知道有香討呢個平台,有呢個post,有好多同路人既分享。而我都好想打出黎...去發泄好...去迫自己接受好...令自己無咁辛苦。

講返我地,我同佢(B)一齊就黎一年,B未婚,一個拍近10年拖既女朋友。我同B識左3年幾,大家係同事(返Shift,唔會成日見到)大家一直關係止於朋友,有時大家都會Whatsapp傾下計,但絕對係無任何野,都好肯定大家係對大家都無感覺。

一直到上年4月,我地約左出黎飲野(同埋其他幾個同事),果晚玩得好開心,亦都係果晚我地飲多左,一齊跳舞,然後我同佢玩得好埋,到離開既時候,我地一齊搭的士,然後o係佢落車既時候,我錫左佢一淡,於是就開始左呢段感情。

o係呢件事發生之後既幾日,我地多左搵大家,言談之間都有小小flirty。傾傾下,佢知道我想買保險,然後佢話不如介紹個好朋友我識,可以o係呢方面幫我,於是,我地就搵左一日約出黎。果日我地食早餐,然後佢朋友都係度,我簽完單佢朋友就走左。我地唔知去邊到好,於是佢就帶左我去一個佢話佢都未去過既地方,我地係果到傾左好耐計,好開心。然後上左佢屋企一陣(乜都無做)就去食野。我地好似好唔想走咁,係咁問大家"點啊?想去邊" "無啊"但大家又唔想返屋企。最後我地一齊去左做運動(我同佢都好鐘意做gym)
做完之後我地就搭的士返去,係車上,我地又再錫左...今次錫左好耐。

果時我地對大家既關係都未係好清晰,不過會keep住搵大家,有時都會好flirty。如是者一直落去。o係個令星期後,我覺得對佢既感覺越黎越強烈,於是我問佢,其實大家係點?我都話佢知道其實我鐘意左佢,但我唔係想要D咩...佢話...佢都係鐘意我,佢同我一齊好開心,佢只係想跟住自己既感覺走。跟住我地確定左大家既"關係"。直至有一日,佢問我去唔去佢屋企過夜(佢同屋企人住,但屋企人去左旅行),我話好,於是果晚,我比左我既第一次佢。之後既幾日都好開心,我地日日見(大家果幾日唔洗返工,佢女朋友亦離左港),好似拍拖咁...真係好甜蜜。

日子一直過,佢對我都好好。基本上我地一日期都會見2-3次。我地共同興趣好多,會做運動、打機、打波,而呢D我都相信係佢可能係佢女朋友身上搵唔到既野。我地通常做既都係行街食飯做運動。佢都經常會去我屋企一齊訓教、一齊煮下飯,好開心。日子耐左,我地大家對彼此既感情都深厚左,我想要既變得更加多。除左愛,好想做到佢女朋友。直至有一日我問佢,佢係咪唔會"揀"我。佢話唔係,佢有諗過同女朋友分手,佢同我一齊真係好開心,但係佢仲未知道呢樣係咪真係佢所想,因為有好多顧慮。(佢同佢女朋友其實感情好好,咁耐以來無鬧過大交,相處好和平,只係平淡左。佢女朋友條件亦好好,都對佢好好。佢地之間有好多好多共同朋友,亦都已經見過曬家長,係好穩定既情侶)佢話,佢需要D時間去考慮,但唔知係幾耐。

o係呢段日子,我不停因為同佢為呢個問題嘈。直到有一日我話不如算啦...然後佢不停氹返我...話唔想我走,因為而家仲係大家都好鐘意大家既時候,況且佢真係未有答案,唔想放棄。佢第二日仲係我屋企樓下等我,喊住希望我唔好走。於是,我留低左。

其實我知道佢對我好好,佢亦會因為我而推左同佢女朋友見面去搵我,但係我都會因為佢搵女朋友而好唔開心,亦發過無數次牌氣...慢慢,我對佢既要求亦越來越多。例如...佢同我出街唔可以覆/搵女朋友,同佢女朋友出街要搵下我...whatsapp要第一時間覆我等等...佢亦都因為我而無同佢女朋友去旅行...但我比佢既壓力從來都無減少過,仲不停咁增加。我知道佢亦開始攰....接著落黎既日子,我地都分過好幾次手,但次次都因為唔捨得而一齊返。o係呢段日子入面approach過我既異性我都無理過,即使有試過約食飯果D,但我知道佢唔開心,我都無去...我既心,係完全留比佢一個。

我地依然keep住一星期見2-3次,我地又會每晚facetime住訓到第二朝叫大家起身,佢亦都會每日送我返工...我地去過好多地方,亦有好多好開心既回憶。我以為呢D慢慢小小堆砌既積木...會慢慢令到佢同女朋友分手。當然,原來都係唔得。佢都依然係好緊張女朋友,keep住有見面,即使我有幾唔開心都好....佢既電話仲用住佢地既合照做wallpaper。然後,佢有一日同我講,佢想試下唔見佢女朋友,試下可唔可以無左佢既感覺,如可可以,即係可以分手,反之,即係唔可以無左佢。最後,佢兩個星期都無見過佢女朋友(但一直有whatsapp)然後同我講"我要見佢..."原來,佢話我知佢呢2星期以來都係好唔開心,亦因為拒絕佢女朋友同見到佢女朋友唔開心而好唔開心。佢話佢同我一齊既時候的而且確係好開心,但其實當佢自己一個既時候就會好唔開心...好狐獨,掛住佢女朋友。於是佢果日都見左佢,而我地又鬧左場交。

多次既鬧交、分手、唔捨得然後復合呢個cycle不斷loop。有一日,佢同我講其實佢已經有左答案,就係佢唔會同佢女朋友分手。我好傷心,不停問佢係咪真係要放棄我...

於是我地又一齊返。

直至呢幾個星期,我地都係keep住一直既pattern,佢對我做既事都無變過,見面既時候都係好開心。而佢都繼續佢既pattern,搵女朋友...到到年29果日,都係好開心,下午既時候我地都仲係一如以往咁好sweet...點知夜晚既時候,我地鬧左一場大交。最後係我氹返佢。果晚係情人節,最後佢話佢會見一見佢女朋友然後搵我。就係果場大交之後,佢可能改變左佢主意....

我搵佢唔到,然後我打比佢,佢接左,話同緊女朋友一齊,我問佢"你唔係話攞一攞野就走咩?"佢全程支唔以對,佢收左我線。我再打比佢既時候,佢話,佢同緊佢女朋友講我地既事,陣間打比我。o係果一刻,我知道呢件事都就黎要結束...隔左幾個鐘後,佢打返比我,佢話佢已經有左決定,就係唔可以再咁樣,我地唔可以再見。我好崩潰....點解呢一切黎得咁突然?我叫佢黎搵我...佢最後都黎左...見面既時候,我再問佢,係咪真係要咁?佢話佢無得揀,因為佢決定左揀女朋友就唔可以再同我咁,我好傷心。o係果一刻我同佢講...我想了結自己生命(因為我唔想再咁唔開心.............)。佢好難受,求我唔好....我話我淨係想好似之前咁....纏擾左3個幾鐘後,佢同意左...

佢返左屋企之後無搵過我,直到第二日我地都好小聯絡...佢同我講,如果佢同我繼續咁樣,就會無左女朋友,佢會好唔開心,同我一齊都唔開心,我係咪都想?我無答佢...果一日既夜晚,佢黎左搵我,但傾既都係無結果既野...走左之後我同佢只係得零星既幾個message,佢對我,都好似已經唔再重視。

到前日我同佢講,我唔會做做傻事...叫佢唔洗擔心。之後我都有再嘗試過搵佢,想好似以前咁溝通,但換來都係冷淡既回覆,佢話"我唔可以再咁喇..."最後我send左一個""既emoji後,佢都無再覆過。

我好傷心,點解佢可以變得咁快?只係一日...中午既時候仲係好開心,夜晚就發生D咁突然既事...
當初佢講過既"有諗過同女朋友分手"、"你係我最重要既女人"、"我淨係想見到你,我都會把握所有時間去搵你"好似乜都係假....點解可以變得咁快?

我不停自責,係咪我迫得佢太緊要?比得佢太多壓力?
如果大家只係得開心,我當初亦"認清自己位置"唔比咁多壓力佢,結果又係咪會一樣?.............


對唔住...真係好長好長....但我好想打出黎.....我好難過



引用:
原帖由 Hello鼠 於 2018-2-19 10:04 AM 發表


可能對你嚟講都係一種解脫
呢幾日我問我自己,可吾可以就咁當大家係sp,我知道係吾可以,所以決定放棄



引用:
原帖由 laputaz 於 2018-2-19 10:21 AM 發表

大家好
今日係我同佢分左手既第五日...我好難受,呢段時間亦都不停搵唔同既朋友去傾訴,不過依然好傷心,未接受到事實。其實一直都知道有香討呢個平台,有呢個post,有好多同路人既分享。而我都好想打出黎...去發泄 ...
早d離場,復原都快d



回覆 引用 TOP

引用:
原帖由 hfccw 於 2018-2-19 10:44 AM 發表




呢幾日我問我自己,可吾可以就咁當大家係sp,我知道係吾可以,所以決定放棄
有機會迫到自己走就走啦!唔好留戀啦!做小三係唔會開心,永遠都係苦。
開心都係一開始嗰時嘅甜蜜。



回覆 引用 TOP

引用:
原帖由 laputaz 於 2018-2-19 10:21 AM 發表

大家好
今日係我同佢分左手既第五日...我好難受,呢段時間亦都不停搵唔同既朋友去傾訴,不過依然好傷心,未接受到事實。其實一直都知道有香討呢個平台,有呢個post,有好多同路人既分享。而我都好想打出黎...去發泄 ...
佢可能臨分手時,內心已經經常掙扎緊。
好多嘢都返唔到轉頭,冇可能返返去以前。
拍拖時嘅承諾,分手後就會乜都冇晒。

搵過第二個愛你嘅人啦!



[隱藏]
引用:
原帖由 laputaz 於 2018-2-19 10:21 AM 發表

大家好
今日係我同佢分左手既第五日...我好難受,呢段時間亦都不停搵唔同既朋友去傾訴,不過依然好傷心,未接受到事實。其實一直都知道有香討呢個平台,有呢個post,有好多同路人既分享。而我都好想打出黎...去發泄 ...
其實佢對你都係一種激情,未去到願意為你人生承擔嘅地步。



如若最終還是要放手,當初又為何要牽手?
引用:
原帖由 mmkl666... 於 2018-1-21 10:46 PM 發表




大家系呢度o甘耐,應該都好明白想斬的版友自然會想搵人支持自己想法,唔想斬的你點講爺so 都無用。甚至班道德L,所謂大婆都系得閒入黎尋開心,企系道德高地吊完人,打完J又會心理舒服嗮。

所以其實大家系需 ...
Support



回覆 引用 TOP

引用:
原帖由 laputaz 於 2018-2-19 10:21 AM 發表

大家好
今日係我同佢分左手既第五日...我好難受,呢段時間亦都不停搵唔同既朋友去傾訴,不過依然好傷心,未接受到事實。其實一直都知道有香討呢個平台,有呢個post,有好多同路人既分享。而我都好想打出黎...去發泄 ...
你地幾歲?
佢會再偷食,不過換對象



其實我本身條件吾差,但吾知點解會咁,搞到自己好吾開心,d眼淚係慢慢咁流出黎


引用:
原帖由 hfccw 於 2018-2-19 01:49 AM 發表

佢老婆有左,今次我真係要走,初時以為佢地無感情,而家事實擺在眼前,只怪自己太蠢太執著,佢今年犯太歲,對佢黎講可能真係一喜擋三災
咁擺明佢只係當你係sp滿足佢性需要,佢係冇諗過為咗你去放棄d乜
咁你依家知道真相,咪當拍錯拖依家要分手,你同一個正常單身男仔都有機會面對分手,冇乜大不了,始終會再遇到



回覆 引用 TOP

[隱藏]
引用:
原帖由 hfccw 於 2018-2-19 01:49 AM 發表

佢老婆有左,今次我真係要走,初時以為佢地無感情,而家事實擺在眼前,只怪自己太蠢太執著,佢今年犯太歲,對佢黎講可能真係一喜擋三災
你地一齊左幾奈?



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。