• 瀏覽: 2,848
  • 回覆: 12
[隱藏]
長文。
我同佢拍拖已兩年,明明人地越拍越穩定,點解我地開始出現問題?我係男就快升中六同佢一班,學校有好多朋友男女都有好多,見面會打招呼,傾下計。但係你開始唔信我,我地已經為呢種事嗌過好多次交,每次每次,我都好心痛,我會喊。因為我覺得好委屈,自己最愛嘅人都唔信自己,點會有其他人信?
呢幾排翻工識左個女仔,我地都好中意打機,成日約埋班朋友一齊傾電話打機,有時打到好夜。你就覺得我同佢有野,你一句”你同佢有野啊?你同佢上過床未?你同佢幾時光明正大拍拖?”我聽到好難受。我好撚嬲。我已經唔想再一而再再而三咁同你講我地冇野。你對我冇信任,我亦都解釋夠。你信唔信我都控制唔到。
分手,我真係唔想都講唔出。我唔想為左咁少事我地辛苦兩年建立嘅所有野一鋪清袋,但你已經唔會再聽我講嘅野。你話你係好冇安全感嘅人,想我無時無刻陪伴你,但係我都有我生活,社交,如你要一一控制我無法做隻聽你話的狗,因為我唔係狗。我有思想,我有諗法,我有唔同價值觀,我有我想做嘅想要嘅野。唔係無時無刻同你妥協,我都無法放棄我私人空間,朋友,家人。
你仲活係童話世界,我以前對你真係好似公主咁,三句唔埋就即出現係你面前。但係依加,你話我懶。我以為,我地會長大成熟,唔需要呢d維繫我地感情,偶然一兩次就夠。但你唔滿足,要我每次都做到,接受你無理取鬧,當眾發我大脾氣。我好尷尬,好唔舒服。同你講你只會話“我脾氣就係咁。”其實一開始一切都係咪就錯左?
多謝你睇到呢到。



回覆 引用 TOP

熱賣及精選
咁後生,就當美好回憶


回覆 引用 TOP

將呢段野同返個女仔講


回覆 引用 TOP

分手


回覆 引用 TOP

[隱藏]
通常初戀這事,都是揾戀愛經驗。


回覆 引用 TOP

通常公主病要醫好,
分手是良藥.
唔係講笑, 因為你已被她定左型.
佢覺得你係隨傳隨到, 無得搞.
正如係兵, 一日為兵, 終身為兵.



回覆 引用 TOP

你有冇諗過係自己無意識地令你女朋友有咁嘅疑心呢?如果真係有你講到咁對你女友照顧無瑕,正常會無限放任你而唔係對你疑心越來越重。


回覆 引用 TOP




回覆 引用 TOP

睇完你個post,都明白到你真係好唔開心,好委屈,覺得陪你度過了兩年、經歷過咁多事的人仿佛唔太了解你的想法,又想控制你,但亦都唔捨得大家的感情,覺得係小事,想繼續行下去。

起post入面,都好欣賞你好成熟,遇到問題努力搵方法表達自己感受、令另一半明白你的處境,好重視這段感情,亦好盡力維繫。你有嘗試過同對方解釋,雖然結果未算好理想。或者除了解釋之外,你可以嘗試用其他方法加強女朋友的安全感,可能邀請佢陪你地一齊打機,比佢見到你同個女仔既關係同一般朋友一樣,令佢冇咁擔心。

可能你都可以嘗試了解多d 女朋友的想法,可能佢未習慣你由成日陪著佢突然去到偶然一兩次,所以先發脾氣。你可以嘗試向佢表達下你呢方面的睇法,講下你認為兩年既時間大家都長大了、成熟了,未必需要一開始咁日日見,但你仍然在乎佢、愛佢,只係用其他方式表達愛意、維繫感情。

希望幫到你,如果唔介意,可以pm我,等我了解多D、一齊傾多D啊!



回覆 引用 TOP

[隱藏]
後生心智未成熟就好似你女友,人生過程,碌碌下就會成長。


回覆 引用 TOP

提示: 作者被禁止或刪除 內容自動屏蔽
初戀通常都無好結果


回覆 引用 TOP

細路仔


回覆 引用 TOP

[按此隱藏 Google 建議的相符內容]