• 瀏覽: 27,583
  • 回覆: 114
  • 追帖: 16
[隱藏]
成日係呢度見到唔少人有暗瘡問題...自己係過來人,想分享一下經驗。
我生暗瘡既年齡:21 至 26 歲約五年 (我今年29 )
受暗瘡影響既位置:兩邊面頰
用過既護膚品:唔係太記得用過咩,但那些年我仲讀緊書,買到成屋護膚品對學生黎講係冇咩可能,最記得係用過 proactiv,但一d用都冇用完一 set 就 byebye
而家用緊既護膚品:Fancl,韓國 mask,有時用下 Dr diamond,A酸軟膏(我每晚當護膚品用
其他美容習慣:而家身為中女既我當然 focus 係凍齡技術...會打 sculptra、做 RF...
其他:有食避孕藥避孕。
工作性質:非常困身,會夜訓早起,經常出trip,幾乎每個星期都會飛大陸同東南亞,需要每天化妝見客
用緊既化妝品:Jane Iredale 全套
皮膚質地:生暗瘡時屬於混合性,唔太油,正正常常但就唔知點解生晒暗瘡;而家:敏感乾肌...零暗瘡...
我今年29歲中女一名 但已經冇晒暗瘡約三年了~~以下係我綜合既一 d 經驗同資料,希望幫到煩惱既你:

1. 暗瘡其實係一種病
我想講咩呢~ 有病要睇醫生囉。冇錯,偶然生一兩粒暗瘡唔算係病態,可以自己痊癒。但假如你係持續地、大範圍地生,就已經算係你既皮膚病左。有病,一定要睇醫生。我明白呢個道理之前,以為生暗瘡係因為:落妝唔乾淨、洗面洗唔乾淨、塊面太油、毛孔阻塞、等等,於是狂買暗瘡系列既護膚品,但發覺冇咩用。 點解?因為護膚品唔係藥,你既皮膚病左,需要適當既治療。我好幸運地,21歲時,我當時既男友係一位醫生...佢教曉左我呢樣野,亦治療過我既暗瘡。當時我兩邊面頰每邊最多會生3、4粒,經治療後,變成週期性生有一粒兩粒咁~ 而呢個醫生男友當時開既藥係:抗生素+外用A酸。我到今日都仲用緊外用A酸就係因為呢個男友介紹俾我。

好景不常,一年後,我大學畢業,唔知係咪因為返第一份工,壓力大,我爆瘡了~ 而且嚴重過一年前~ 最嚴重時我諗每邊面頰有6、7粒瘡,我屬於易有疤痕既膚質,所以塊面變成花花綠綠~好唔開心。 當時已經同醫生男友散左lu,我因為記得佢曾經講過既野,所以受暗瘡困擾左三、四個月左右,就開始尋找醫生。當時我23歲。 我亦都算係一個幸運既女仔,我只睇過一個醫生,真正睇醫生食藥既治療大概半年。果陣我睇呢個醫生,因為有blog介紹。呢個醫生開俾我既藥係:抗生素+外用A酸。 冇錯,同我一年前既男友開俾我既藥一樣!於是我乖乖地食藥同搽A酸,慢慢就好轉,最後好番左。而點解我話我既瘡齡去到26歲?因為從醫好暗瘡到26歲,我時不時都會爆一兩粒瘡,一爆就好在意,每次都搽厚厚既A酸係粒瘡上,每次都會快好多謝~ 我真正去到零暗瘡,我覺得同第2點都有關:

2. 待續。。



回覆 引用 TOP

多謝分享,留名等睇~


回覆 引用 TOP

好帖。 可分享用邊隻藥膏嗎? 係咪日日都要揸先會keep 住無? thanks!


樓主用緊jane iredale邊隻粉底呀?想試下天然粉底, thx!


[隱藏]
支持樓主真心share


回覆 引用 TOP

支持


回覆 引用 TOP

thx分享


回覆 引用 TOP

引用:
原帖由 shirleytie 於 2017-4-13 08:50 AM 發表

好帖。 可分享用邊隻藥膏嗎? 係咪日日都要揸先會keep 住無? thanks!
我用既藥名係係 tretinoin,可以去醫生度配,或藥房買。建議夜晚先搽,由0.025開始搽起,皮膚適應左就可以用加強版0.05



回覆 引用 TOP

引用:
原帖由 jenny113 於 2017-4-13 11:04 AM 發表

樓主用緊jane iredale邊隻粉底呀?想試下天然粉底, thx!
我用 smooth affair 做 primer,bb cream 5號色,加碎粉 bisque 色



[隱藏]
多謝樓主介紹,請問係咪要抗生素+藥膏一齊用呀?


我都有擦a酸 adapalene 0.5 擦佐一年2個月 暗粒少左好多 唔好處係塊面易敏感佐,,,而家都上佐癮咁好番都keep住擦


感謝分享
外用A酸D副作用會唔會好似A酸咁勁架 ?



引用:
原帖由 pingping33 於 2017-4-14 09:28 PM 發表

多謝樓主介紹,請問係咪要抗生素+藥膏一齊用呀?
我諗抗生素係暗瘡發炎時抗炎用,我而家當護膚品每晚用就冇用食抗生素。而且抗生素一般都要醫生處方的。



回覆 引用 TOP

引用:
原帖由 arsi_1002 於 2017-4-14 10:33 PM 發表

我都有擦a酸 adapalene 0.5 擦佐一年2個月 暗粒少左好多 唔好處係塊面易敏感佐,,,而家都上佐癮咁好番都keep住擦
好明白你上左隱既感覺 塊面會易敏感d...所以轉天氣時我會暫停幾日,避免敏感啊



回覆 引用 TOP

[隱藏]
引用:
原帖由 hin942213 於 2017-4-14 10:46 PM 發表

感謝分享
外用A酸D副作用會唔會好似A酸咁勁架 ?
你指食用A酸?我搽左幾年,外用A酸既唯一副作用係令到皮膚易敏感... 需要額外保濕



回覆 引用 TOP

提示:支持鍵盤翻頁左 右
[按此隱藏 Google 建議的相符內容]