註冊 登入



打印

關顧病弱長者加油區

本主題由 粵X 於 2018-12-26 10:16 AM 移動

關顧病弱長者加油區 E-mail 此主題給朋友

[隱藏]
歡迎在此帖集中討論照顧病弱長者的經驗,分享固中苦與樂。希望大家互相鼓勵,陪伴家中寶貝渡過安樂的晚年。大家加油

[ 本帖最後由 諸事八掛 於 2017-5-28 09:19 PM 編輯 ]



回覆 引用 TOP

精選樓盤
我媽八十幾歲,近年腦退化情況嚴重咗。我係同佢住的,成日d錢,銀行簿週圍放又唔記得,揾唔到就話係我偷!最弊經常半夜三點幾就拍醒我,叫我比返d錢同銀行簿佢。試過三次報警,終於係警察安撫下揾返d嘢至肯去瞓…… 好彩呀哥家姐地信我,唔係都好難捱。


回覆 引用 TOP

耐性+耐性+耐性


回覆 引用 TOP

引用:
原帖由 9未露面 於 2016-10-20 08:50 PM 發表

耐性+耐性+耐性
有時好frustrating, 睇住佢身體狀況一日一日變差,但做乜都改變唔到



回覆 引用 TOP

[隱藏]
我媽中風3年幾,起居飲食由我照顧,即係煮飯、執藥、換衫、沖涼、運動等等兼陪覆診。
初初1、2年真係想死,第3年開始習慣。

我媽冇咩判斷力,講啲似是而非的話。冇記性,坐咗响度就唔會行。
明明啱啱先佢叫飲藥,去完廁所,就冇咗件事。
做運動唔認真,明明講咗啲運動要慢做,佢到而家仲係3秒數晒10秒。
初初好激氣,而家我都唔理LU。

仲用緊4腳叉,成個物理治療部得佢一個3年仲未換到叉,行又行得唔直,又行得慢
成日話自己可以行去醫院,結果搭車到醫院門口,企咗10分鐘,行入咗醫院又冧咗,要我借輪椅

手冇咩進步,膊頭冇力,提都提唔起。手壓牆咗2年都冇進步,已經冇加鐘都係咁話累。
成日叫佢唔好只係坐响度,話咗會勤力1、2日,之後打回原形。

成日記埋啲錯的野,糾正咗佢,下次都係錯翻一樣。

仲有好多小毛病,總之呢3年我死的細胞,一直多過我之前咁多年的- -
嗯~



回覆 引用 TOP

引用:
原帖由 arashi_k 於 2016-10-20 11:27 PM 發表

我媽中風3年幾,起居飲食由我照顧,即係煮飯、執藥、換衫、沖涼、運動等等兼陪覆診。
初初1、2年真係想死,第3年開始習慣。

我媽冇咩判斷力,講啲似是而非的話。冇記性,坐咗响度就唔會行。
...
辛苦了!可以請工人幫輕下嗎?



回覆 引用 TOP

引用:
原帖由 諸事八掛 於 2016-10-20 11:35 PM 發表




辛苦了!可以請工人幫輕下嗎?
屋企冇位俾工人瞓,我就係嗰個阿4。



回覆 引用 TOP

引用:
原帖由 arashi_k 於 2016-10-20 11:37 PM 發表


屋企冇位俾工人瞓,我就係嗰個阿4。
我都係整高架床比佢咋。好彩多個人幫手,我一個人真係搞唔掂。

呢個半月我媽已入過三次醫院。上果次係因為屙血。醫院排咗期下個月尾照腸造影,但期間無藥佢食。住咗两日話有一日無再屙血就叫佢出院。但出院後仍隔24-36小時有出血,搞到上星期日又唔妥。入急症一check發現血色素低,即時安排佢上ward. 真係去急症咁多次未試過咁快上到房。即晚要吊葡萄糖水,第二日話check到鉀又低。鬼咩,屙血屙咗两個幾禮拜,又無胃口食嘢……不過上星期同佢去東華睇中醫,食咗三劑,呢個星期已無屙血。今日同佢覆診,食多幾劑撑到照腸,睇吓咩原因屙血再決定點治療。



回覆 引用 TOP

4腳叉不好?那種好啲?
步行支架選購方法?
流動椅子廁所容易買到?
花灑防地滑買那種類?

thanks



http://ramsss.com

回覆 引用 TOP

[隱藏]
引用:
原帖由 諸事八掛 於 2016-10-20 11:55 PM 發表




我都係整高架床比佢咋。好彩多個人幫手,我一個人真係搞唔掂。

呢個半月我媽已入過三次醫院。上果次係因為屙血。醫院排咗期下個月尾照腸造影,但期間無藥佢食。住咗两日話有一日無再屙血就叫佢 ...
吓? 止血丸都要俾掛?
係咁失血點會唔貧血?
希望你媽媽快啲好翻。

我都有老豆幫下手買餸、煲水、開洗衣機嗰啲,但係我老豆都老啦
有時諗到我要1個睇2個,個人真係會好灰



回覆 引用 TOP

引用:
原帖由 Vrindavan 於 2016-10-21 11:02 AM 發表

4腳叉不好?那種好啲?
步行支架選購方法?
流動椅子廁所容易買到?
花灑防地滑買那種類?

thanks
4腳叉唔係唔好,只係叉係過渡性,最終目標係唔使攞叉都行度。
我唔知你老人家咩事,俾唔到任何意見。
正路揀叉係有物理治療師跟,便椅嗰啲係由職業治療師推薦買,有需要你不如帶老人家去排街症問下。

後面嗰2樣,復康店都會有,醫院梗有1、2間
防滑墊,日本X都有啦.

一句講晒,搵咗專業人士睇下老人家有冇咁既需要先啦



回覆 引用 TOP

引用:
原帖由 arashi_k 於 2016-10-21 11:39 AM 發表


吓? 止血丸都要俾掛?
係咁失血點會唔貧血?
希望你媽媽快啲好翻。

我都有老豆幫下手買餸、煲水、開洗衣機嗰啲,但係我老豆都老啦
有時諗到我要1個睇2個,個人真係會好灰
醫院初步用手check過話唔似直腸有事或庤瘡。可能見佢咁大年紀,就算真係有腫瘤都唔建議幫佢做手術。係九月尾果次出院,我見佢地無話做d乜,叫醫生幫佢驗下腸,佢至話照造影。雖然照腸鏡係最準,但風險太高,排期又耐,所以唔建議做。

而家食咗中藥已無再出血。睇埋造影report再睇下一步點囉。

[ 本帖最後由 諸事八掛 於 2016-10-21 12:21 PM
編輯
]



回覆 引用 TOP

引用:
原帖由 arashi_k 於 2016-10-21 11:39 AM 發表


吓? 止血丸都要俾掛?
係咁失血點會唔貧血?
希望你媽媽快啲好翻。

我都有老豆幫下手買餸、煲水、開洗衣機嗰啲,但係我老豆都老啦
有時諗到我要1個睇2個,個人真係會好灰
你一個照顧两個好吃力。有無搵社工傾吓?



回覆 引用 TOP

引用:
原帖由 諸事八掛 於 2016-10-21 12:18 PM 發表




醫院初步用手check過話唔似直腸有事或庤瘡。可能見佢咁大年紀,就算真係有腫瘤都唔建議幫佢做手術。係九月尾果次出院,我見佢地無話做d乜,叫醫生幫佢驗下腸,佢至話照造影。雖然照腸鏡係最準,但風險太高,排期又 ...
暫時都OK,我老豆唔使我點睇。
希望你媽媽照咗冇野啦。

我老豆而家每隔3年都會照一照腸鏡,次次都有瘜肉。
不過今年佢70,所以下1次排5年後,到時都未必會照,因為真係好辛苦



回覆 引用 TOP

[隱藏]
引用:
原帖由 諸事八掛 於 2016-10-20 09:51 PM 發表




有時好frustrating, 睇住佢身體狀況一日一日變差,但做乜都改變唔到
約4年前家人輕微中風,嚥吞有困難,開始行動不便,又失禁,腦退化……等等,
事實上佢年紀唔少,出入幾次醫院,醫生建議我送老人院。

常試留在家中,但係得我一個後生,我又要返工,午餐&清潔問題諗唔掂。
仲記得我每天早起床幫佢沖涼後我才返工,半夜換尿片……唉。

惟有送入私人院舍,成萬銀一個月,另外未計尿片,護理用品,食品……等等。
每晚我自己煮私家飯+湯帶上去,一餐餵足一粒鐘,少啲耐性都唔得。
每天schedule返工,下一站去院舍,最後回家瞓。
3年幾來我瘦左30lbs,花去錢,精神,時間,身心俱疲。
自己放棄左啲野,對不起一個人……

就咁3年幾,最後佢走了。
我留下好多遺憾,好多野無為佢做到,

也許下世才還俾佢!



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
查看積分策略說明

快速回覆主題

選項

預覽帖子  清空內容







重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。