註冊 登入



打印

關顧病弱長者加油區

本主題由 粵X 於 2018-12-26 10:16 AM 移動
[隱藏]
引用:
原帖由 arashi_k 於 2016-10-27 10:39 AM 發表


你媽媽幾時覆診呀? 知道咩事先有搞架,而家咩都未知,其實好難捱
不過,我有一次又係痾咗成個星期見紅,直頭食白粥同水以外的野就痾。
睇醫生,後尾驗埋便便,差啲俾醫生捉埋照大腸,冇蟲冇潛血 ...
21/11照造影,十二月中睇報告。



回覆 引用 TOP

精選樓盤
前日有社康家訪(我爸的),我爸話最担心係佢不在,冇人推我媽覆診。
姑娘就話,坊間有好多陪診服務,可以搵資料俾我地。

其實我一直都同我媽講,佢遲早有一日要自己行去醫院。
老豆出咗事半年,佢係完全冇諗過點樣可以行去醫院,冇練過囉。
其實所謂行,只係落大門、搭鐵、2個站就到醫院門口
佢一直覺得有人會推輪椅,有人會同佢做運動呀嘛。

佢自己就話冇機會俾佢練。
其實我接手屋企啲野都冇機會俾我練架,我以前夠唔識煮飯
所以話,依賴真係死證


我都唔知係未因為壓力大,9月陣見到自己棚牙亂咗,睇牙醫,照咗全口腔,冇牙瘡唔係生智齒
之後我就成日發現自己日頭咬實牙關,搞到啲牙、牙肉痛.
我戒咗之後仲有痛,先發覺我係咬住牙瞓醒= =
唔係好想再睇牙醫,拖住先。

[ 本帖最後由 arashi_k 於 2016-11-5 02:31 PM 編輯 ]



回覆 引用 TOP

引用:
原帖由 諸事八掛 於 2016-10-27 10:43 AM 發表




21/11照造影,十二月中睇報告。
好彩你媽媽冇再出血,其實中藥真係好WORK,我媽初出院,响屋企只係識得瞓,都係中藥令佢精神翻



回覆 引用 TOP

引用:
原帖由 arashi_k 於 2016-10-29 02:12 PM 發表

前日有社康家訪(我爸的),我爸話最担心係佢不在,冇人推我媽覆診。
姑娘就話,坊間有好多陪診服務,可以搵資料俾我地。

其實我一直都同我媽講,佢遲早有一日要自己行去醫院。
老豆出咗事半年,佢係完全 ...
你自己都要保重呀!

我星期五去參觀咗两間政府資助護老院。有時間至詳细分享。今日剛係大陸返來,好攰……



回覆 引用 TOP

[隱藏]
引用:
原帖由 諸事八掛 於 2016-10-25 04:59 PM 發表




主要想揀d多公共空間,有花園,環境好果d. 閒時會推院友去曬吓太陽咁。我心儀以下三間

1. 東華三院余X X紀念護理安老院,係黃竹坑香港仔隧道口。

2. 竹XX堂護理安老院,係薄扶林沙灣徑。佛教的。但唔知交 ...
南區好風水呀,不過好吊腳,
曾幾何時中學雞年代經常由摩星嶺行落薄扶林再去大口環……,連南朗醫院都變左院舍添,真係土地供應問題?
大口環叫做沙灣,抵班發展商發嘅!

有無考慮距離屋企遠近問題?
難聽啲講 on call 24hrs 隨傳隨到……
自己曾經試過返到屋企門未入屋又被叫返去。



回覆 引用 TOP

引用:
原帖由 9未露面 於 2016-10-31 04:29 PM 發表



南區好風水呀,不過好吊腳,
曾幾何時中學雞年代經常由摩星嶺行落薄扶林再去大口環……,連南朗醫院都變左院舍添,真係土地供應問題?
大口環叫做沙灣,抵班發展商發嘅!

有無考慮距離屋企遠近問題?
難聽 ...
我住南區咖,所以揀返南區。而家決定揀两間東華+竹X明X. 何XX夫人果間有保留。遲d再詳细講原因。



回覆 引用 TOP

我想話我部腦突然壞咗
今天撞彩開得翻- -

諗緊係去整定換新
LENOXX 未到3年- -

好煩

我媽OT俾人CUT咗,因為醫院唔夠人手
所以話起多啲病房有咩用
人手先係問題



回覆 引用 TOP

引用:
原帖由 arashi_k 於 2016-11-4 04:14 PM 發表

我想話我部腦突然壞咗
今天撞彩開得翻- -

諗緊係去整定換新
LENOXX 未到3年- -

好煩

我媽OT俾人CUT咗,因為醫院唔夠人手
所以話起多啲病房有咩用
人手先係問題
唔明cut什麼O.T 伯友仲返工?



回覆 引用 TOP

引用:
原帖由 諸事八掛 於 2016-11-5 11:02 AM 發表




唔明cut什麼O.T 伯友仲返工?
OT=Occupational therapy職業治療咁解
物理治療主要係腳的運動,職業治療就係手



回覆 引用 TOP

[隱藏]
引用:
原帖由 arashi_k 於 2016-11-5 11:37 AM 發表



OT=Occupational therapy職業治療咁解
物理治療主要係腳的運動,職業治療就係手
IC



回覆 引用 TOP

講返安老院。果日參觀咗沙灣徑果两間因為佢地係拍住一齊的。交通都方便,係堅尼地城 MTR小巴站有58, 58X, 59都係門口落,銅鑼灣亦有小巴到。

首先參觀竹X明X, 地方不大。三層高院舍,地下係office, 物理治療室,活動室同參拜室咁。之後上咗三樓有飯堂同房間。房間面積略細,一室五床都幾密。两房之間有一大洗手間同浴室,職員話每日都會同院友遂個沖涼,絕對唔會好似X橋咁一排除晒衫用水喉fair。饍食方面枱面會貼上院友既資料等姨姨派餐時唔會出錯邊個食正餐,邊個要食粥等等。

每間房都有两名房長留意院友情況,此外又有俗稱”狗仔"既巡房,盡量留意院友。每日都有治療師帶領院友做運動……院舍外有個小花甫咁可以散步。佢地好細心,舖咗軟墊以防院友跌倒都無咁傷。Overall 我覺得佢地管理幾好,d 職員幾有 heart. 我見到d公公婆婆好開心,又同職員打招呼。應該住得幾好。



回覆 引用 TOP

另外果間何XX夫人,地方略大,尤其是公共空間,走廊好似醫院咁闊落。院長只比我睇下會堂同物理治療室,但當時無院友玩緊。佢話唔方便比我參觀院友住同活動地方,要等到真係派到果時至可以睇。我覺得佢透明度唔高囉!

此外,額外收費都唔少。如果探訪要泊車,要比$300/半年,但竹X明X星期一至五係免費,星期六,日就唔可以泊車因為訪客多。尿片方面何XX一日換八條,我都無問佢幾錢條。隔離就四小時換一次,如果無污糟都唔會夾硬換,约$3-4蚊一條視乎牌子,都唔貴,為起同藥房買差不多。何XX個院長話預$1500左右雜费for厠纸,沖涼液咁,但隔離只係约$500.



回覆 引用 TOP

收費方面两間都話二仟左右,政府資助基本差不多,只係其他收費略有不同。


回覆 引用 TOP

尿片錢好好掠, 通常佢地會落"片芯",
而且佢地朝早比定便便藥,沖涼辦大事一齊做晒.
濕左換塊"芯", 外面尿片唔駛換, 除非開大.....
其實尿片錢幾大開支, 當年我成日講"痌篤尿又幾蚊.
不過尿片錢可以申請津貼.

每個月兩千幾差不多啦, 幾年來都係依個價錢.

另外, 收PM啦. 對新手護老者幾有用, 少數怕長計.



回覆 引用 TOP

[隱藏]
引用:
原帖由 9未露面 於 2016-11-7 10:08 PM 發表

尿片錢好好掠, 通常佢地會落"片芯",
而且佢地朝早比定便便藥,沖涼辦大事一齊做晒.
濕左換塊"芯", 外面尿片唔駛換, 除非開大.....
其實尿片錢幾大開支, 當年我成日講"痌篤尿又幾蚊.
不過尿片錢可以 ...
我媽開襯到大。前晚一晚換五次!



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。