註冊 登入



打印

關顧病弱長者加油區

本主題由 粵X 於 2018-12-26 10:16 AM 移動
[隱藏]
引用:
原帖由 9未露面 於 2016-10-24 07:44 PM 發表




排3年算快啦,
當年我家人排左3年半才有位去“東xx院”,間野都幾新淨。
但係我選擇無畀佢去,一來佢自己鍾意留下,而院舍姑娘想佢留底,因為佢同班姑娘感情好。
一切隨緣!
原來呢度連政府護理安老院個名都唔可以提!仲想問下有無人知邊幾間好,因為可以揀三間排。



回覆 引用 TOP

精選樓盤
引用:
原帖由 9未露面 於 2016-10-24 07:53 PM 發表



祗係有點遺憾,
好在我自己都settle到!

而且家中仲有一個……唉
咁對呢個做多dd, 唔好比自己再有遺憾。



回覆 引用 TOP

引用:
原帖由 諸事八掛 於 2016-10-24 10:19 PM 發表




原來呢度連政府護理安老院個名都唔可以提!仲想問下有無人知邊幾間好,因為可以揀三間排。
up嚟聽下揀左邊3間,或者心儀邊幾間。
用同音易字未得囉。



回覆 引用 TOP

引用:
原帖由 9未露面 於 2016-10-25 04:13 PM 發表



up嚟聽下揀左邊3間,或者心儀邊幾間。
用同音易字未得囉。
主要想揀d多公共空間,有花園,環境好果d. 閒時會推院友去曬吓太陽咁。我心儀以下三間

1. 東華三院余X X紀念護理安老院,係黃竹坑香港仔隧道口。

2. 竹XX堂護理安老院,係薄扶林沙灣徑。佛教的。但唔知交通方唔方便。

3. 耆康會何XX夫人敬老院,都係沙灣徑。剛新裝修。有海景。耆康會都好似辦老人院搞得幾好。

另外係南朗山有間新既東華三院賽X會朗逸X(附圖). 上網睇過環境唔錯,就算大房,每人佔既空間都幾大,但好吊腳,無小巴去。有無人有親人住緊可比意見?如果服務,設備都好好,最多第日搭的士去。



[ 本帖最後由 諸事八掛 於 2016-10-25 08:39 PM
編輯
]



[隱藏]
呢排我媽唔肯食嘢。只係早餐煲粥佢就食。所以盡可能都加d有益嘢落粥比佢食。之前因為肚屙,血色素低,所以我用淮山,杞子,紅棗煲肉碎粥或蓮子百合,紅棗肉碎粥。d肉佢話吞唔度,但淮山就椿碎晒所以佢食到。呢幾日加埋飲中藥,大便已無咁稀,而且已經無屙血了。

但中午同夜晚佢就無胃口,幾晚都唔肯食嘢,好彩都肯飲吓湯。我整咗底紅棗糕,佢有時肯食两舊都好過無嘢落肚。

今晚煲蕃茄红蘿蔔薯仔腰果湯,我用d薯仔做薯蓉比佢食,食咗一碗呀!開心死!



回覆 引用 TOP

引用:
原帖由 諸事八掛 於 2016-10-25 04:59 PM 發表




主要想揀d多公共空間,有花園,環境好果d. 閒時會推院友去曬吓太陽咁。我心儀以下三間

1. 東華三院余X X紀念護理安老院,係黃竹坑香港仔隧道口。

2. 竹XX堂護理安老院,係薄扶林沙灣徑。佛教的。但唔知交 ...
大口環果兩間,係堅尼地城有車到門口,58號專線小巴,班次密 (但通常回程較難上車)

另外2間,感覺上黄竹坑果間方便d (堅尼地城轉 59 行上去,或58轉59a行上去或轉的士),你可以親自去一次,或 google 一下距離。  之前社工介紹,東xx院都係唔錯嘅,同我家人之前住嘅保x局應該差不多,但同學校一樣,每間學校 "校風" 都唔一樣。

方便與否,睇你由邊度去 (社工提醒,最常探到嘅家人為先,唔好就大部分人)。



回覆 引用 TOP

有機會再問問社可會夠分上日間中心 (你番工時,佢要獨自係屋企),隔段時間問吓,就算你全職陪到佢,同佢一齊上中心都可以幫輕下。

老人院一般係上密碼鎖,防走失老人,所以無乜機會可以晒太陽,都要靠院舍活動,或家人一對一帶出去 (院舍無可能放d老人家出外)。



回覆 引用 TOP

引用:
原帖由 monmonkei 於 2016-10-27 01:36 AM 發表

有機會再問問社可會夠分上日間中心 (你番工時,佢要獨自係屋企),隔段時間問吓,就算你全職陪到佢,同佢一齊上中心都可以幫輕下。

老人院一般係上密碼鎖,防走失老人,所以無乜機會可以晒太陽,都要靠院舍活動 ...
而家有工人就唔考慮日間了,否則我返唔到工,放工後得我照顧佢,一來顧唔掂,二來我會無晒自己生活同社交因為去日間就唔用工人,負擔唔到多筆支出。而家工人好乖,會推佢去曬太陽,去公園郁吓,或去社區中心見吓姑娘。



回覆 引用 TOP

引用:
原帖由 9未露面 於 2016-10-24 07:53 PM 發表



祗係有點遺憾,
好在我自己都settle到!

而且家中仲有一個……唉
有時真係唔到我地揀,逼到埋來就要處理
好彩我老豆仲行得走得,暫時唔使擔心住......雖然佢抑鬱



回覆 引用 TOP

[隱藏]
引用:
原帖由 monmonkei 於 2016-10-27 01:26 AM 發表




大口環果兩間,係堅尼地城有車到門口,58號專線小巴,班次密 (但通常回程較難上車)

另外2間,感覺上黄竹坑果間方便d (堅尼地城轉 59 行上去,或58轉59a行上去或轉的士),你可以親自去一次,或 google 一下 ...
我約咗聽日去沙灣徑果两間參觀。有一間已經話女宿位已滿。但都想睇吓環境。唔知佢地可否比到數據资料我估計两年後邊間有機會多宿位?即如果院友多八十以上的女院友,應該機會大d. 如果院友成份多為七十中或以下,咁佢地有排住啦……



回覆 引用 TOP

引用:
原帖由 諸事八掛 於 2016-10-27 10:01 AM 發表




而家有工人就唔考慮日間了,否則我返唔到工,放工後得我照顧佢,一來顧唔掂,二來我會無晒自己生活同社交因為去日間就唔用工人,負擔唔到多筆支出。而家工人好乖,會推佢去曬太陽,去公園郁吓,或去社區中心 ...
係~我都覺得自己冇晒私人時間。
物理治療的姑娘成日問我媽有冇落街行,我想話我根本抽唔到時間同佢落去,真係落去的話,連上網時間都冇,仲邊有得咁悠閒覆帖,咪玩。
我媽而家就响走廊行,行多幾圈算



回覆 引用 TOP

引用:
原帖由 arashi_k 於 2016-10-27 10:04 AM 發表


有時真係唔到我地揀,逼到埋來就要處理
好彩我老豆仲行得走得,暫時唔使擔心住......雖然佢抑鬱
但時候一到,快到你估唔到。我老豆果年年頭仲係肥佬一名,行得食得。年頭我哥生咗個仔,第一個男孫,佢不知幾開心。到咗中秋,忽然話感冒,睇極醫生都唔好,只係瞓……人愈來愈瘦……果半年成日出入醫院,終於下年既五月走了



回覆 引用 TOP

引用:
原帖由 arashi_k 於 2016-10-27 10:11 AM 發表


係~我都覺得自己冇晒私人時間。
物理治療的姑娘成日問我媽有冇落街行,我想話我根本抽唔到時間同佢落去,真係落去的話,連上網時間都冇,仲邊有得咁悠閒覆帖,咪玩。
我媽而家就响走廊行,行多幾圈算
係咖,全天候照顧病人,對照顧者,尤其又要返工果d壓力大到爆!我老豆果時成日夜晚去急症,搞到我两三點至返到屋企。成日同公司請半日假瞓夠至返工囉。



回覆 引用 TOP

引用:
原帖由 諸事八掛 於 2016-10-27 10:12 AM 發表




但時候一到,快到你估唔到。我老豆果年年頭仲係肥佬一名,行得食得。年頭我哥生咗個仔,第一個男孫,佢不知幾開心。到咗中秋,忽然話感冒,睇極醫生都唔好,只係瞓……人愈來愈瘦……果半年成日 ...
老人家一有事就係冇精神,食唔到野,背後原因有好多,好似我老豆咁,有次係腸沾住咗,呢次係抑鬱,真係睇下好唔好彩。
都係嗰句,煮到埋來就食,擔心唔到咁多。



回覆 引用 TOP

[隱藏]
引用:
原帖由 諸事八掛 於 2016-10-26 10:25 PM 發表

呢排我媽唔肯食嘢。只係早餐煲粥佢就食。所以盡可能都加d有益嘢落粥比佢食。之前因為肚屙,血色素低,所以我用淮山,杞子,紅棗煲肉碎粥或蓮子百合,紅棗肉碎粥。d肉佢話吞唔度,但淮山就椿碎晒所以佢食 ...
你媽媽幾時覆診呀? 知道咩事先有搞架,而家咩都未知,其實好難捱
不過,我有一次又係痾咗成個星期見紅,直頭食白粥同水以外的野就痾。
睇醫生,後尾驗埋便便,差啲俾醫生捉埋照大腸,冇蟲冇潛血嗰啲,就唔使照= =
但係最後我都唔知發生咗咩事.......腸胃炎掛?



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。