打印

[其他] 男友為咗枝saxophone而同我分手(更新2)

男友為咗枝saxophone而同我分手(更新2) E-mail 此主題給朋友

[隱藏]
琴晚同男友吵架,好嬲同激動嘅時候見到隔離有枝男友嘅saxophone,我就拎佢黎發洩一野擲落地下。之後男友目瞪口呆望住我,然後望住枝saxophone裂咗,佢個樣好似好傷心然後喊,知後我知出事。我同佢講對唔住話最多賠番比佢! 跟住佢好大聲講依枝係無價,係佢老豆生前送比佢,枝野用咗10年,係中學已經用,同佢經歷過好多考試同比賽好有感情,佢話我點可以咁對佢枝saxophone,然後同我講話分手,比三日時間我搬番啲野走。然後成個夜晚都冇出聲冇理我,就算我點求佢原諒佢都唔理我,今朝起身都冇理我。有冇機會令男友原諒我?一枝saxophone估唔到會搞成咁
補充多少少
其實我地因為車嘅問題而嘈,我一直想男友買車,但男友想節省啲唔想買,嘈嘈下男友突然講咗句你咁想要車咪同第二個男仔一齊,就係咁簡單。之後我好嬲就扔佢枝saxophone更新小小,男友話我要係星期四晚前要搬番走我嘅野離開佢屋企,我打算到時賴死唔走希望可以挽留佢,佢應該唔會咁衰趕走我更新:雖然買唔番佢個款saxophone,但我都準備自己岀錢買番部接近個款比佢,希望今晚可以打動佢嘅心更新 今日番到佢屋企見到男友同埋另外一個女人一齊,我心錜分咗手幾日咁快有第二個,有冇理過我感受,我沖過去同個女人開片,男友竟然幫佢,仲搶埋我條鎖匙,趕我走拉我出門口,仲大叫以後唔想見到我,估唔到佢會咁對我,已死心

[ 本帖最後由 Botswana 於 2015-11-5 09:29 PM 編輯 ]



回覆 引用 TOP

熱賣及精選

回覆1 #的帖子

睇落冇乜機會囉!俾着我都會咁……



回覆 引用 TOP

自己攞黎衰,控制一下情緒呀嗎


回覆 引用 TOP

...
你覺得只係因為枝 saxophone?

咁多年, 你係咪只係今次會因為發脾氣而做左d 過份既野?
定之前都一路會有脾氣?

如果脾氣一向唔好, 今次只係導火線...
如果今次只係第一次, 都仲好 d...

無論如何, 經一事, 長一智, 你可能仲細, 當係一次成長既經歷,
下次拍拖可以發脾氣, 但要適合而止



回覆 引用 TOP

[隱藏]
老老實實 , 樓主你係咪成日發脾氣 ?

如果係 , 咁呢d係積落既事 , 扔爛個色士風係導火線
如果唔係 , 咁佢一時火遮眼嬲得滯先講分手

總之扔野點都係你唔岩 , 好好控制你既情緒



回覆 引用 TOP

你男友同你分手實為明智決定。



回覆 引用 TOP

唉!~睇你你都傷得你男友幾深,可能支色式風對佢黎講係有紀念價值.正如話係佢爸爸生前送比佢既 就算有支新既都代替唔到啦

希望樓主好好改善自己的脾氣



回覆 引用 TOP

早飛早著


回覆 引用 TOP

係我都會分手,鬼知你下次會扔乜



回覆 引用 TOP

[隱藏]
冇得扳,衰硬。



回覆 引用 TOP

咪硬頸


回覆 引用 TOP

提示: 作者被禁止或刪除 內容自動屏蔽
港女性格無EQ,嬲就可以扔拒D嘢發洩?比我都分手



回覆 引用 TOP

自己拎黎冇得怪人



回覆 引用 TOP

[隱藏]
提示: 作者被禁止或刪除 內容自動屏蔽
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。