• 瀏覽: 51,433
  • 回覆: 127
  • 追帖: 8
係呢個版我一直都有留意各位姊妹講既hitachi導入導出機,但由於個價錢真係唔平,又驚自己買左番去唔岩用,
一直爭札左好耐都仲係唔捨得買,點知係個幾月前打開免費報紙見到億世X廣告中有賣離子導入機,當然一見到個價錢$149,自己都會諗堅唔堅嫁?
咁平都唔會有用啦,姊妹們討論開幾隻牌子既GE都要過千,之後我當然冇左件事睇左就算。
都唔知係咪整定,有日行行下經過億世X門市,令到我又諗起呢部機,咁我就走左入去望望,雖然個價錢好吸引,但係最後我都冇買﹗
但係呢一個月諗左好耐,每次經過門市都望左好幾次,究竟買唔買好,最後考慮左一個月,博一博做白老鼠試下究竟百幾蚊既機係咪都WORK。

買左番去就按照說明書個4個程序做啦( 不過佢同hitachi導入導出機有D唔同),我用左3日朋友同同事見到我問我呢排搞過咩來,面色同皮膚好左。我都好驚喜 ,係估唔到百幾蚊既機同千幾蚊既機都有一樣既功效。

直到今日為止我用左6日,皮膚望落去感覺上暗粒少左,滑左,每日做完導出塊棉花都係黃嫁不過我皮膚本身係好多暗粒,面黃同埋好多印,我諗都要用多一段時間先會有大既改善。

真係我好開心可以同大家分享,雖然呢部機未必比得上hitachi導入導出機( 因為我冇用過唔知咩效果),但係各位姊妹們大家可以諗下呢部啦,平平地百幾蚊,做到咁GE效果算係咁啦。

導入機圖片︰個頭比hitachi細一倍,所以多數要做2次。



第一個程序︰導出,我係每日落妝油( 因為有查防曬同BASE)、洗面GEL、再用埋去角質爽膚水抺左面先再用,但每次導完都係黃黃的。(可見圖)

第二個程序︰平衡,我用去粉刺黑頭精華。
第三個程序︰導入︰用保濕精華或面膜做導入,我多數都係用保濕精華。
第四個程序︰緊致提升,呢個程序暫時冇用到,因為2X-30 歲姊妹們應該唔洗用到住。

提提大家︰我發覺你用咩棉花都會影響導出既效果︰
第一日︰用麗的化妝棉,導出既效果一般
第二日︰轉左用萬寧牌化妝棉,導出效果都比用麗的明顯
第三日︰再轉用SKINFOOD化妝棉,導出效果就明顯好多啦,之後我都係KEEP住用SKINFOOD化妝棉,不過SKINFOOD化妝棉係3隻之中最貴。

[ 本帖最後由 a_ling 於 2012-6-24 09:14 PM 編輯 ]



你將d相放上fb,再copy條link就ok


我都有部   但5係日日用  隔日用一次


禁好5好用ar??


[隱藏]
其實平野未必唔用得,只係好多人都覺得買有名氣既品牌較有信心保證,而且日立既鈦金屬導頭,一般敏感肌都可以用。


噢~ 我都有睇過依個廣告呀.. 但係見佢個價錢同人哋差成十幾倍, 所以都無考慮過.. 可唔可以放啲試前試後嘅相片嚟睇吓呀? 好有興趣想睇呀..


我都買左一台,係前面可以有小LOOK滾動的,199元.買左用左幾次,沒咩效.反而唔入電,只用佢的滾LOOK來LOOK面部,反而仲好,面型瘦D.其實用多D LOOK來LOOK面仲好,如果想瘦面的話.


提示: 作者被禁止或刪除 內容自動屏蔽
睇到樓主咁講, 有d心郁郁, 快d post相上黎睇下先


[隱藏]
等睇相;$


我今日買左嚕!你跟晒佢四個程序,清潔會吾會好煩?






億世家賣149?而家仲有冇?






姊妹,用完之後分享番呀


其實係咪做足晒咁多程序,即導出之後再導入先有功效?


[隱藏]
我放左相啦,大家可以睇睇,買左既姊妹上來一齊分享呀,因為我都係初用者


鍵盤翻頁
左右