• 瀏覽: 145,846
  • 回覆: 81
  • 追帖: 16
[隱藏]
引用:
原帖由 TimApple2002 於 2011-1-27 06:47 PM 發表

多謝小寶貝兒的有用資料!
我睇過很多次醫生,最終發現係男方精子數量遠遠低於標準,家計會話可以考慮IUI/IVF,或者再自己試下,因為冇野係冇可能的。
問過威爾斯,排18個月先可以第一次見醫生,如要做人工授孕要再排12至18個月,即是起碼3年後才可以開始做IUI/IVF,我現在已經33了。
請問有冇人都係男方精子數量不足也會自然懷孕?點樣先可以慳番時間同不用使咁多錢?
唔洗客氣~

係呀~ 排政府真係要好耐架!
不如你試下做IUI, 不過就唔洗食排卵藥果D(因為你排卵正常丫麻), 只係自己用試紙CHECK住, 到差不多排卵, 就去醫生度照下, 係咪真係就黎排, 如果SIZE OK(即卵泡有18-20MM), 咁就可以進行IUI既後面步驟, 即係打破卵針同做放精, 咁就慳返好多錢啦(我諗3K左右已經OK了)! 因為IUI最貴都係打針之麻~~ (真架, 一支300IU既針藥成700蚊架! 果陣時我差不多日日都拍1支, 真係貴到飛起!)
咁由於有實驗室幫你先生洗走不健康既精子, 雖然數量可能會更少, 但至少大部份都係健康既, 成功機會都大D啦~ 我曾經聽過, 可以分幾次收集精子, 先雪起佢, 之後先一次過解凍放精~ 你都可以問下可唔可以咁做~

祝成功~



熱賣及精選
300IU既針藥係咪用來排卵架?
小寶貝兒你係咪搵普通私家婦科做IUI架? 咁有冇排政府呀? 如果自己係私家已証實生育機能有問題, 可唔可以拿醫生信直接到政府排IVF?
你做左幾多次先成功呀? 醫生話只有十幾個%成功率, 好像很低.......我怕做左傷身仲唔好.....
請問IUI如果第1次唔得, 要相隔幾耐可以先再做IUI? 會有什麼負作用?
Thanks much~~



引用:
原帖由 TimApple2002 於 2011-1-27 11:24 PM 發表

300IU既針藥係咪用來排卵架?
小寶貝兒你係咪搵普通私家婦科做IUI架? 咁有冇排政府呀? 如果自己係私家已証實生育機能有問題, 可唔可以拿醫生信直接到政府排IVF?
你做左幾多次先成功呀? 醫生話只有十幾個%成功率, 好像很低.......我怕做左傷身仲唔好.....
請問IUI如果第1次唔得, 要相隔幾耐可以先再做IUI? 會有什麼負作用?
Thanks much~~http://i.discuss.com.hk/d/images/smilies/default/smile_13.gif.
IU係排卵針既單位, 果隻排卵針叫咩名我已經忘記左啦~ 通常一開始START, 每日打75IU開始, 如果打2日都冇乜效,醫生會幫你加藥, 我就要打到300IU一日先至有反應, 所以每個人既身體唔同, 對針藥反應唔同, 價錢都會唔同~
好似我對排卵丸唔得架, 食完仲衰, 會2個月至黎M! 所以真係要試過至知~

普通婦科唔識做IUI架~ 要搵返D專科至得架~ 係香港醫管局之類既網頁上面有註冊既不育科醫生名冊, 你可以去CHECK下~
我有排到政府, 不過第一次見不育科醫生, 佢話我BMI超標, 要我減左肥先, 所以我一邊減, 一邊睇私家囉~ 時間唔等人架麻~
可以直接排政府, 但最多只係SKIP左第一步睇婦科既幾個月, 佢可能會直接比你排不育科, 但就唔會直接安排做IVF, 點都要見左第一次醫生先~

我做左4次,, 其實每次成功率有幾高, 好睇你年齡, 好似我30歲前做, 每次都話有20-30%機率架, 不過頭3次都唔成功(夾埋都應該有9成啦, 都唔成功), 係第4次, 我心態近乎放棄呢次IUI, 專心等IVF架啦, 點知就成功左~ (我轉左醫生, 唔知關唔關事呢~ 不過我覺得佢幾好)
傷身我就唔知啦, 我冇諗過呢樣呀!

正常黎講, 第一次IUI唔成功, 可以立即再做第2次, 不過通常醫生都會叫你隔一個月休息下先~



感謝你向大家分享經驗。

我一月中第一次做IUI, 今日M COME, FAIL左, 雖然資料顯示,第一次就成功的機率只得十幾個百分點, 但其實內心都係想中, 可惜唔中。二月又到春節, 都要三月至可以再試。

我已經36, 唔知好唔好再試IUI, 但睇到你的經歷, 似乎亦非不可能。

我BMI可能都同你差唔多, 但減肥對我黎講比人類登月更難。

你提到換左醫生, 第四次IUI BINGO左。我本身認為,科技水平一樣, 照計邊個醫生做, 都係一樣的STEP, 但今次幫我做IUI的醫生,  搵子宮腔都搵左10分鐘先掂, 令我對佢有少少失去信心。

自然會假設, 唔同的醫生會唔會手勢唔一樣, 成功率也因此而改變。

網上亦有同樣做過IUI的LADY, 話做完後有精流出。我今次做, 因為流左D血, 都睇唔到會唔會有精流左出黎而影響成功率。

你做左4次IUI, 有無呢D情況啊! 同埋, 有咩諗法令你想去換醫生呢? 如果你唔介意, 可否PASS你做IUI成功左果位醫生資料比我啊? 如能抽空回覆,無盡感激!!!



[隱藏]
 
引用:
原帖由 lady30+ 於 2011-1-30 05:48 AM 發表

感謝你向大家分享經驗。

我一月中第一次做IUI, 今日M COME, FAIL左, 雖然資料顯示,第一次就成功的機率只得十幾個百分點, 但其實內心都係想中, 可惜唔中。二月又到春節, 都要三月至可以再試。

我已經36, 唔知好唔好再試IUI, 但睇到你的經歷, 似乎亦非不可能。

我BMI可能都同你差唔多, 但減肥對我黎講比人類登月更難。

你提到換左醫生, 第四次IUI BINGO左。我本身認為,科技水平一樣, 照計邊個醫生做, 都係一樣的STEP, 但今次幫我做IUI的醫生,  搵子宮腔都搵左10分鐘先掂, 令我對佢有少少失去信心。

自然會假設, 唔同的醫生會唔會手勢唔一樣, 成功率也因此而改變。

網上亦有同樣做過IUI的LADY, 話做完後有精流出。我今次做, 因為流左D血, 都睇唔到會唔會有精流左出黎而影響成功率。

你做左4次IUI, 有無呢D情況啊! 同埋, 有咩諗法令你想去換醫生呢? 如果你唔介意, 可否PASS你做IUI成功左果位醫生資料比我啊? 如能抽空回覆,無盡感激!!!
唔洗客氣~~

係啊~ 第一次做IUI果陣, 雖然明知機率唔高, 但仍然會好期望好期望成功~ 到失敗左果陣, 就會好失落!

我想知道, 醫生有冇幫你地搵到原因呢? 因為我都係轉左幾個醫生, 先至確認到原因架~
36歲, 都仲可以試多1,2次既~ 通常醫生會建議試3次, 唔得至轉IVF~ 不過唔好隔太耐至試第2,3次啊~

其實每個醫生既手法, 都會有少少不同~ 例如我係2位不同醫生度做過IUI, 第一位醫生就會比D藥你返屋企打, 第2位醫生唔會, 佢堅持要係診所打針(除非好似我咁, 住得遠, 不過都只會比一支我, 因為佢希望緊密D咁CHECK住我D卵子既情況~ 當然仲有其他不同之處啦~ 不過我覺得, 最重要係人夾人緣, 尤其是睇呢D醫生, 你對佢有信心, 成功率都大D!

(BTW, 你可唔可以PM埋你個醫生名比我呀?)

做完之後流精, 又唔覺喎~~ 我幾次做完之後都冇流血, 係呢, 醫生有冇叫你放精之前要急急地小便, 做完之後要先痾一半小便, 隔一陣至痾埋佢~ 因為一次過痾會令到子宮收縮, 可能會排返D精出黎~ 同埋我第2個醫生話放完之後唔洗訓係度休息一陣至走, 立即落床行幾步仲有助D精子遊去卵子度呢~

其實換醫生有幾個原因, 第1, 做左3次都唔成功, 打算轉做IVF, 不過第2個醫生叫我地試多次IUI啦, 佢對我仲有信心過我自己! 仲話我咁後生, 實得! 第2, 有少少失去信心啦, 會諗係咪我同佢唔夾呢, 第3, 可能已經做左2次, 第3次有DD拿西既感覺....
所有都係感覺咋, 佢亦都幫好多人成功左, 所以真係人夾人緣~



Dear 小寶貝兒,

多謝你回覆啊!  我係尋醫路上,暫時只搵過兩個醫生。

第一個係朋友的接生醫生,但佢一樣有生殖專科牌,去呢個醫生度第一時間就係CHECK輸卵管,然而過程超出我想像的痛楚,同埋做完後仲竟然痛到標冷汗,要蓋毛巾,差不多一個鐘頭,身體回暖至走到。果次一樣係做完有流血。最慘係,做輸卵管檢查的過程中,醫生反而不斷問旁邊的護士,咁算通,定係唔通呢?(令病人有少少覺得佢無料到囉!) 最後佢係報告度寫: 一邊不太順暢,既不是塞,也不是通。(真係救命!!!) 仲要到我去睇第二個醫生,要求佢比個輸卵管報告啦,佢只係比左份結論報告,但超聲波相片就欠奉。

第二個醫生,我搵左仁安的周敏姬,因為只需等左3個月,算係好快啦! DR.董係排到今年八月,我個肚都等唔切啦!

周醫生比我感覺到佢有經驗過第一位醫生,只可惜佢一如網友所講,你唔問,佢唔會主動講(醫生一日要見咁多病人,又真係好難會逐個講一次)。所以我好多野,到宜家都唔係好知,唔係好明,唯有多D上論壇睇下大家的經驗。比如你地話IUI前有幾多粒卵,大細,厚度等等的資料,佢無同我講一次,只係話一邊一粒比較熟,一粒未係好熟,再補多針。

IUI過程就全世界一樣,食藥,打針(全部去診所打,我無自己打),排卵針,IUI,安胎針。

最估唔到係,到做IUI果日,醫生太多症睇,我係床上面,打開兩腿等左佢半個鐘,房內無暖氣,條腰梗左,身又有少少凍,周醫生先有時間黎幫我做。

但IUI過程唔係好順利,可能我生理結構唔多平凡啦,醫生搵左成10分鐘(第一個醫生做輸卵管造影就搵左3分鐘),先至成功將條管穿到入子宮腔,(唔知D精有無因為呢段時間係條管道凍親啦!)。期間佢每次開聲都係講個過程,宜家點,又點,然後最後話,"拿...發光果D就係精啦,唧左入去啦!" 完事後就走左。所有野都由護士同我講的,我無想像過,原來做IUI,一埋牙就做,醫生唔會事先同你講D咩,做完佢又即刻要趕返沙田仁安,無時間再講解要注意D咩!

最重要係,因為過程唔太順利,事後又出血,所以信心係減左少少囉! 加埋宜家RESULT係FAIL,先至有換醫生的考慮,亦希望大家能提供有邊D醫生手勢好D,所以先想問你,你成功的果位係邊位醫生囉!

宜家搵生殖專科醫生,閒閒地都要等半年,我去年BOOK左DR. TAY,護士話3月底就見到,我諗緊到時換唔換醫生囉!

總括黎講,兩次比醫生撐開陰道都攪到出血,同埋兩次搵通道入子宮腔都用左超過平常人的時間,我都好懷疑呢D生理結構問題,係唔係影響成功率的因素,唯有3月見醫生,先可以再問到啦!

暫時我只知我的問題係,1)36歲高齡 2)一邊輸卵管不太暢通 3)子宮後屈 4)做過一次IUI,失敗左!



ic~ 比著我都會想轉醫生啊~

我做第1次iui同第4次iui之前都有check輸卵管, 第一次係仁安check(果陣係仁安睇緊董醫生), 第2次係勞醫生介紹我去一位李醫生度照~
第一次都幾痛, 痛到我有一下叫左出黎, 已經有食止痛藥都係拱, 今次用水性顯影劑, 第2次打油性顯影劑, 唔知係因為改左用油性, 定係醫生手勢好, 今次一dd都唔痛, 只係有ddd谷m feel, 但只係好短時間就冇, 而且李醫生好nice, 知我上次試過痛到叫, 佢未開始之前先入黎安慰下我, 又問我間房凍唔凍, 之後先出去安排d野, 到入黎準備照果陣, 都會同我講, 陣間會點做點做, 會有少少唔舒服, 而且好快手就做完, 比我感覺係好顧病人感受同埋真係有經驗!
我第一次照完攰到要立即返屋企休息, 第2次就仲可以去行街shopping!

你講起做iui放精果下, 我就諗返起第4次, 真係有d好笑架~
一開始等醫生(因為醫生係診所睇緊症, 睇完至會過黎手術室呢邊), 姑娘叫急急地小便, 結果我飲得太多水, 姑娘話太多啦, 要放咁d, 但又唔可以痾晒喎~ 生平第一次成功痾到一半忍住唔痾!!
之後返上張手術床度, 姑娘比左張棉被我com住, 又幫我set好張床, 好舒服架~ 搞到我訓著左!! (唔知點解, 見到佢地好pro咁, 我放心好多, 自然就放鬆到心情)
之後醫生黎到, 好大陣象咁又po好晒d消毒布, 連我對腳都要綁住, 再套消毒腳套, 然後有4個護士, 2個醫生(勞醫生, 實驗室周醫生)係度幫我, 果下我以為自己睇緊ER!! XDD
而家諗返起都覺得好好笑啊~

我個醫生唔洗等咁耐架~ 不過就只得星期一至六10-1係睇症, 返緊工可能要請假至睇得到啦~

係呢, 你可以先去偉澤見周醫生做咨詢, 免費架~ 偉澤係勞醫生同蘇醫生一齊開既不育診所, 我放精果個步驟就係係果度進行架啦~
我睇DR LO之前都有去搵周醫生問佢架, 仲寫左張LIST, 驚自己唔記得D問題, 你都可以BOOK左佢之後, 寫底你既問題, 然後逐條問佢, 咁就會清楚好多架啦~ 不過周醫生係講國語既(好似係新加坡人), 但唔緊要, 有姑娘可以做翻譯~



好多謝你的分享!

睇返你講的IUI過程, 又真係好大陣仗啊!

其實你講的呢間偉澤,我之前係網度SEARCH,都有見到,亦打過電話去,護士話先約時間上去傾計,再預約醫生。

當時我唔揀呢間的唯一原因,係因為兩位醫生都係男醫生,我老公比較MIND,當然我自己都會覺得唔係好自然啦,所以就首選女醫生囉!

仁安的環境及LAB,比我覺得已較第一間的好,只係醫生太忙,想溝通耐D都好似有困難囉!

經過第一次IUI失敗,我打算3月底如期去見DR. TAY,都係男醫生,SO,我都會同老公商量下,轉醫生,甚至轉男醫生,希望得到佢認同。

我唔使返工的,時間、地點都唔係太大考慮,我只係希望搵到一個肯主動同我講多D資訊的醫生囉,以你的經歷,睇黎偉澤的確好PRO下。

我呢兩日依然係度諗,究竟係我結構性問題,定係老公精子形態唔好,又用雪精,同埋得400萬條的關係,先至造成1ST IUI失敗。仁安只係話精子形態唔好,但可以做到IUI,又話400萬條的數量都夠做IUI。

如果醫生要求再CHECK 輸卵管,我會要求好似你做的第二次咁,用油劑。(好多謝你的經驗分享!!!)

我以為1ST FAIL的低落情緒已經過左,點知今日同老公因為好小的事嘈左兩句,突然情緒又黎,我仲話: 尋日我成日做家務,而唔去做第二D野,係希望用體力勞動去減低自己亂諗野的機會。(平日我有家務助理,好少自己做家務)

果一刻,我真係好想收埋自己,過年邊度都唔去,自己係屋企自閉。

呢兩日SEARCH下大家的留言,發現有D個案係報告數值一樣唔好,但做IUI亦可以一次中,睇黎中與唔中,非完全睇數字,係睇機緣、巧合。本身懷孕就係一件精子與卵子巧合遇上的事,科技是提升數字上的可能,最後能否相遇、結合、著床,都係機緣巧合之事。

我唯有咁樣安慰自己啦!  因為朋友的朋友,既有IUI一矢中的,亦有試左IUI+IVF TOTAL 6次都唔中的個案。真係無言......



係呀~ 起初我都有少少抗拒, 始終男醫生唔知點咁....
不過咪當自己係做普通檢查囉, 你個心唔會形住有野, 就唔會有咩感覺~ 後來我直頭唔當咩一回事~ (自己郁手打針入自己身體我都得囉, 呢d, 小事啦~ XDD)
最重要係頭1,2次老公都在場, 知道唔會有咩事, 就大家都安心放心囉~

其實IUI真係講機率, 我之前睇台灣D BLOG, 有人做左10次IUI+IVF都唔成功啊!!

我以前會以為, 係女人都識生仔架啦!
而家至知, 原來有D野, 唔係你努力去做, 就一定成功!
而生BB, 真係好講緣份!

你想休息就休息啦, 你要記住, 休息是為了走更長遠的路!
唔須要內疚亦唔須要為左別人而勉強自己, 到有日你平復返心情, 儲夠勇氣, 至再開始囉~
我都係第2次IUI之後抖左年幾至再START第3次~

BTW, 用油劑呢, DR LO話有研究顯示, 做完油劑果個CYCLE既成功率會比較高啊~
而我又的確係果次成功左~ (不過因為改變既因素太多, 所以唔可以當作絕對, 但可以安慰自己, 咦~ 又多D機會喎~~)



[隱藏]
 
多謝小寶貝兒日日詳細回覆。

我今日就離開香港,去渡假,休息返10日至返香港啦! 同家人見下面(我屋企人唔係香港),調整下心情,再出發。

求醫的事,返香港再安排,反正呢個cycle,醫生個個都放假,我肯試,都無人肯做啦! 哈哈!

經歷左第一次IUI的失敗,希望第二次有足夠的心理準備去面對,只求有進步就好啦!

祝小寶貝兒青春常駐 BB健康快樂 ^_^

兔年再見啦!



引用:
原帖由 lady30+ 於 2011-2-1 04:55 PM 發表

多謝小寶貝兒日日詳細回覆。

我今日就離開香港,去渡假,休息返10日至返香港啦! 同家人見下面(我屋企人唔係香港),調整下心情,再出發。

求醫的事,返香港再安排,反正呢個cycle,醫生個個都放假,我肯試,都無 ...
係呀~ 離開下香港, 同屋企人見下面, 傾下計, 心情會好好多架~

哈哈~ 又係喎~ 咁就安心休息一下, 當放個假囉~

你呢個心態好好呀~ 我果陣都係架~ 每一次IUI都希望比前一次進步, 終有一日會理想達到!!

兔年再見~~



Very useful!!! Help you push!




引用:
原帖由 mydoves 於 2011-2-7 12:23 AM 發表

Very useful!!! Help you push!

thanks~



Dear 小寶貝兒,

今日收到你的短消息,但可惜打唔開,話我信息箱已滿,其實只得呢一封,都話打唔開。

我今日打左去偉澤,講你都唔信啊,個期竟然要約到8月11日先可以約見胚胎專家! 天啊...................

勞醫生或者蘇醫生有無第二個方法可以睇到?  因為排期實在太長。

Regards
lady30+



[隱藏]
 
引用:
原帖由 lady30+ 於 2011-2-14 04:37 PM 發表

Dear 小寶貝兒,

今日收到你的短消息,但可惜打唔開,話我信息箱已滿,其實只得呢一封,都話打唔開。

我今日打左去偉澤,講你都唔信啊,個期竟然要約到8月11日先可以約見胚胎專家! 天啊...................

...
我pm你就係講呢樣啊~ 我有blog友打去, 都係話要幾個月後至有得見啊!!! (我都覺得好誇張, 一年前我打去book係隨book隨有架麻!! 可能我太大力推介, 好多人都去book黎睇.....)

我有冇比到dr lo既診所電話你? 我blog友話dr lo既新症, 如果一定要星期六, 就排到4月20日(咁上下啦, 唔係好記得), 如果平日就會快好多~
你打去問下丫~ 診所都唔會好貴, 睇一次600蚊~ (包超聲波)



提示:支持鍵盤翻頁左 右