• 瀏覽: 145,208
  • 回覆: 81
  • 追帖: 16
[隱藏]
有網友問我人工受孕點樣START, 我寫左篇回覆, 覺得算係幾詳盡, 如果只係少數人睇到好似好SIDE(亦都唔想每次見到呢D問題又再打一次, 家陣要湊女, 唔係日日得閒打咁長篇), SO, 我另外開新POST再PO一次, 希望版主唔好以為我重覆張貼~ THANKS~~

佢係問"想問如想做人工受孕的程序是怎樣?是否直接去政府婦產科登記便可?"
係, 不過通常要先睇私家醫生(普通科就OK), 話佢知你地已經有1年冇避孕都冇BB, 想請佢寫轉介信
拎住呢封轉介信去廣華, 威院, 瑪麗既不育科排期(或叫生育輔助)(其他醫院有冇不育科我唔SURE, 要打電話去問, 呢3間我就SURE一定有)
通常排半年見婦科先
見完婦科再等1年-1年半年左右就會見不育科既醫生(視乎唔同醫院, 由於瑪麗比較偏遠, 會排得快少少)
醫生睇完你既情況, 再決定做咩治療, 幾時做等等, 通常會再等半年-1年至開始~

以我所知政府既程序就係咁上下, 因為我去到睇不育科之後就STOP左啦, 因為我BMI過左, 唔合格, QM要我減左肥, 合格左至會幫我排期做人工受孕~

以下有幾個情況可以排期做到人工受孕既機會比較少, 如果有呢D情況, 最好搵私家~
1. 年齡已過40 (係計START人工受孕既年齡, 所以你要預返, 可能你37歲去排婦科, 到排得到做人工受孕, 分分鐘差不多已經40, 可能做得一次佢就STOP左你, SO, 唔好SIDE時間等, 去搵私家醫生啦! 因為35歲(25-35%左右)後成功率會逐年跌得好快, 到40歲好似已經得返少於10%, 正式數字我唔記得, 果陣聽講座講既, 只記得條線真係跌得好快, 所以要把握35歲前, 如果唔得, 都唔好DUM到40歲後至去睇!)
2. BMI過高OR過低, 低過幾多唔做我唔知, 但以我身高165, 過左180磅就唔會安排架啦! 所以如果身型有返咁上下, 最好一邊排見醫生一邊減磅!
3. 未婚, 唔洗諗, 全香港所有不育科既治療, 無論係政府定私家, 第一次見醫生OR START治療都要你出示結婚證書正本!
4. (補充)已經有1個或以上既小朋友, 佢都唔會幫你做, EVEN你係生完第一個之後先有不育問題, 佢都唔會幫你, 因為政府既資源要投放係最須要既人身上, 所以佢地就幫唔到你啦!

另外, 政府同私家既價錢大約如下
人工受孕(IUI), 政府約1千/次, 私家約8千-1萬/次 (除非你會好似我咁要用好多藥至有反應, 就會貴D, 我成功果次IUI用左26K)
試管嬰兒(IVF), 政府約1萬/次, 私家約6萬8 - 10萬 /次 (私家通常會有PACKAGE, 記得問清楚有咩唔包, 同埋針藥有冇限制數量, 多左係咪要自己比, 有冇假日抽卵放卵等等既附加費, 因為呢D好難預時間, 有時真係必須要星期日做呢D手術, 你都要比架啦, 問定自己有個預算囉~)

大約就係咁啦~

[ 本帖最後由 小寶貝兒 於 2011-1-25 08:50 AM 編輯 ]



熱賣及精選
另外補充多少少, 我個人建議係, 如果可以負擔得起1,2次IUI既, 就一邊排政府一邊睇私家, 到排到政府睇果陣, 你話你已經試左IUI都唔成功, MAYBE~ 記住係可能, 佢會直接PASS你做IVF~ 中間可能會慳到1年時間(因為做3次IUI不成功至會轉做IVF)

因為做呢D生育治療最大既敵人係時間, 女人既身體年齡係返唔到轉頭既, 所以如果花少少錢可以縮短等待既時間, 我個人覺得係值得既!!



丫, 仲有一個唔會幫你做IUI/IVF既情況, 就係你已經有1個或以上既小朋友, 佢都唔會幫你做, EVEN你係生完第一個之後先有不育問題, 佢都唔會幫你, 因為政府既資源要投放係最須要既人身上, 所以佢地就幫唔到你啦!


謝謝你回覆,你詳述得好好。


[隱藏]
我都35歲了, 謝謝你詳細報導, 我都考慮緊我有無需要做(IUI), 結左婚半年,睇多1~2個月,可能都會行這一步.


請問人工受孕的過程係點?


好詳盡, 多謝樓主分享~


Thanks for the great information.  would really help us a lot in the future.




thanks for your detailed information.



[隱藏]
多謝分享...
我諗住過年後都去排定期做人工受孕...
如果本身女性個身體冇問題...會唔會較易受孕呢??



好有用~ 唔該樓主~


引用:
原帖由 4000cc 於 2011-1-25 10:12 PM 發表

請問人工受孕的過程係點?
IUI -- M到後第1 OR 第2日到醫生度照陰超, CHECK下子宮, 之後D3開始打排卵針(OR食排卵藥), 然後隔日或日日(視乎醫生做法)照超聲波, 睇下卵子長大成點, 再調整針藥份量, 到卵子長大到18-20MM(正確D黎講, 應該係卵泡大小, 數據顯示卵泡18-20MM左右就會比較大機會裡面有卵子), 就會打破卵針, 呢支針係控制卵子係36小時後排出, 打破卵針後24小時會做放精, 先將丈夫精子洗走不健康及不活躍既精子, 留底最健康活躍既, 以增加受孕機會, 然後用軟管將精子直接注射入子宮裡面(幫精子慳返一段路), 咁成個有科技幫助既程序就已經完成, 之後就係等2星期再驗孕啦~ 通常做完放精醫生都會安排日子再打多2針安胎針幫幫手的~

IVF -- 起初都係一樣, 打排卵針, 不過針藥的份量要比較多, 等醫生可以幫你攞多D卵子出黎(因為要做小手術取卵, 所以最好一次攞多D, 機會率都高D啦, 而且有多既, 可以雪起佢), 取卵手術我唔太清楚點樣進行, 不過應該要麻醉的, 之後實驗室醫生就會將你的卵子同丈夫的精子結合(多數用ICSI, 即係醫生將精子直接注入卵子內), 然後將受精卵放入儀器內倍養, 每日檢查, 有D未必會成功分裂, 而分裂成功既胚胎會以分裂細胞數分GRADE, 通常3-5日內會將最高GRADE既胚胎放返入太太既子宮裡面, 其餘會雪起佢, 留待下次之用(可能係不成功而要做下次, 或成功左, 想再生多個之用), 之後就一樣等2星期驗孕啦~ 一樣, 醫生多數都會安排打安胎針幫忙的~



引用:
原帖由 CTCN 於 2011-1-26 06:21 PM 發表

多謝分享...
我諗住過年後都去排定期做人工受孕...
如果本身女性個身體冇問題...會唔會較易受孕呢??
嗯~ 呢個問題我都唔係好識答, 不過我覺得, 無論係男有問題, 定女有問題, 受孕機率應該差不多, 最重要係搵出問題在哪, 咁就可以對症下藥~

我當年都CHECK左好多次, 睇過不同醫生, 最後先FIND OUT到問題係邊度~

不過記住, 有時係男女雙方都冇問題, 有4成不育夫婦都係屬於不明原因既不育架! 只能跟步驟去做了~



各位多謝你地既支持同讚賞, 我都係希望自己既經驗可以幫到大家早日達成願望~~


[隱藏]
多謝小寶貝兒的有用資料!
我睇過很多次醫生,最終發現係男方精子數量遠遠低於標準,家計會話可以考慮IUI/IVF,或者再自己試下,因為冇野係冇可能的。
問過威爾斯,排18個月先可以第一次見醫生,如要做人工授孕要再排12至18個月,即是起碼3年後才可以開始做IUI/IVF,我現在已經33了。
請問有冇人都係男方精子數量不足也會自然懷孕?點樣先可以慳番時間同不用使咁多錢?






提示:支持鍵盤翻頁左 右
[按此隱藏 Google 建議的相符內容]