• 瀏覽: 11,759
  • 回覆: 9
[隱藏]
醫生誤診小產 媽媽險殺親兒 再檢查證無恙:若無堅持 BB就無咗

轉貼

(明報)2010年3月31日 星期三 05:10

【明報專訊】醫生疏忽斷診,險害父母打掉親兒。執業多年的婦產科醫生黃偉忠,誤將首次懷孕5個星期的婦人診斷為胎死腹中,更著她即日接受人工流產,幸好孕婦另行排期照超聲波檢查,白白擔心個多月後,喜悉胎兒無恙。其兒子如今已3歲大,活潑成長,丈夫回想嘆道﹕「如果今次沒有堅持,可能BB就會無咗。」黃偉忠昨由代表出席紀律研訊承認疏忽,被裁定專業失德,判處在醫學名冊上除名3個月,緩刑1年。
黃偉忠裁失德 輕判除名3月
醫委會主席麥列菲菲批評,類似的嚴重錯誤非常罕見,但考慮被告已經認罪並態度合作,故量刑輕判。
險遭醫生害死親兒的黃德生及黃太高翠芬,昨日一同出庭作證。黃德生說,與妻子有計劃地生育,妻子2006年時首次懷孕,經醫生轉介至在[url=]法國
[/url]醫院(聖德肋撒醫院)掛單的婦科醫生黃偉忠求診。當時黃太懷孕約5星期,獲安排4月30日照超聲波,檢查後,黃偉忠稱胎兒沒有心跳,影像見到胎囊已「扁」,診斷胎兒已夭折。
懷孕5周指無心跳 促即日刮宮
黃太高翠芬表示,聽到消息後非常震驚,多番追問醫生「為什麼突然無咗?你是不是100%肯定真的無咗」,黃醫生斬釘截鐵告訴她已流產,不取出死胎或構成風險,而他剛巧下午有空檔,可安排她接受子宮擴張及刮宮手術。
黃太稱,當時感覺黃醫生態度迫切,「好像逼我即時決定」,幸好其丈夫認識一名實習醫生,即時致電徵詢意見,對方著他不必急於決定,可先找其他醫生求診,故要求黃醫生寫紙轉介至[url=]伊利沙伯醫院
[/url]。黃太於5月2日到伊院照超聲波失敗,16日再照時終證實胎兒健康成長,妊娠期為8星期,醫生著她可安心養胎。黃婦懷孕至6個月時,由於要申報保險,向法國醫院領取4月份的診症單據,發現單據上仍診斷她流產,令黃氏夫婦憤怒,即時向院方投訴,黃醫生事後親自向他們致歉。
黃太於06年12月12日誕下麟兒,翌年2月去信醫委會投訴黃偉忠醫生。丈夫黃德生昨在庭上作供時說,「可能醫生覺得懷孕是很普通的事,但對我們來說是一個好大的喜悅,如果今次沒有堅持,可能BB就會無咗。」他說,目前兒子已3歲,活潑可愛,健康成長。他批評醫生不應草率建議孕婦人工流產,「好彩今次我們發現到,但不知有多少個案因而受害」。
專家﹕應一周後再檢查確生死
控方傳召[url=]醫管局
[/url]九龍東聯網的婦產科醫生莫嘉明作專家證人。莫醫生稱,根據黃偉忠醫生的臨床資料,不足以確定黃太已經流產,合理做法是應該安排一星期後再做超聲波檢查,確定嬰兒夭折後才安排人工流產。他又指出,有三成至五成胎死腹中個案,母親會自行排出死胎,此案中亦沒有證據指事主不接受刮宮手術會構成即時風險。
被告黃偉忠沒有出庭應訊,只透過代表律師再次向事主道歉,並承認控罪。律師在求情時強調,黃偉忠斷診時真心以為病人已經流產,並非用心不良,事後亦對自己的輕率決定感到後悔,已主動進修醫學知識,包括接受一年婦產科超聲波和母親及胎兒醫學課程,確保日後不會再犯錯。


睇完真係好嬲....應該加重刑罰, 毫無醫德.

[ 本帖最後由 123sillyboy123 於 2010-3-31 11:01 AM 編輯 ]



回覆 引用 TOP

哇...真係好得人驚,所以有時真係要睇多一兩個醫生安全d


回覆 引用 TOP

睇完依單新聞﹐最有價值既係專家證人既意見﹐
<。。合理做法是應該安排一星期後再做超聲波檢查。。>
所以當大家遇到類似既情況時﹐記著依一點吧。



回覆 引用 TOP

=.=有無搞錯架....亂黎


回覆 引用 TOP

[隱藏]
我都係驗到有b見紅入院...又話無心跳...但係廣華就同我排2星期再照...5會好似佢咁要人立即流產



BB體重發展出世:3.43kg-->1M:4.6kg-->2M:6.06kg-->4M:8.8kg-->6m:9.73kg
出世身高:53CM-->4M:67.5CM-->6m:72cm

回覆 引用 TOP

有無搞錯架!!!!!!!!!!


回覆 引用 TOP

其實我都試過類似經驗, 上年十二月懷孕四星期, 突然有一日感覺到子宮整日輕微收縮(我係之後先知個種感覺係子宮收縮),由於係十二月尾,好多私家醫生放左聖誕假,我就不以為然。點知個晚就留左好多好多鮮血, 比m仲多, 我即刻去威爾斯急症室。
醫生聽完徵狀話係流產,我自己都以為係..但由於急症室好多人, 產科醫生唔得閒幫我照超聲波,只可以安排我下星期一(三日後)再照(因為我一向係威院有排期,所以先可以安排我咁早去), 佢仲話懷孕初期自然流產係好普遍的事, ........。由於我真係以為自己冇左, 所以去睇左中醫, 食左劑清子宮的中藥。點知,我星期一去威院照時, 個醫生話好正常, 仲有埋心跳。.....當時我仲担心, 因為我已經食左中藥, 肯定對個bb唔好. 所以十日後再照, 個bb真係生存唔到喇, 我都好怪責自己..但係都没辨法了。
所以,真係要驗得清清楚楚呵..因為個個人既身體情況都唔同既..



回覆 引用 TOP

有d醫生真係好pk, 淨係為左賺錢, 政府有d就求求其其, 香港真係有醫德既唔多


回覆 引用 TOP

其實我係差D被落左既胎兒既例子之一~
20年前我媽咪有左我唔記得幾多週~~
有次去檢查DOCTOR話我係死胎,已經冇心跳~
不過DOCTOR話,下星期再黎CHECK多D再睇下係咪真係已經冇左~~
我媽咪驚左成個星期, 佢話食飯都冇胃口....
終於一個星期後發現我係未死架!!
好彩咋~~
............
題外話~
有一日我媽對面床個大肚婆做例檢~
DOCTOR順便問問我媽CHECK唔CHECK~~~
就去左CHECK LA~~~
點解發現我頸被臍帶繞左兩周半圈~ 要立刻開刀拎出黎!!
我媽形容,,,,麻醉藥都未到就已經開刀切落去~~~
最後我同媽咪都平安無事!!!!
我覺得我真係好好彩,如果唔check我就死硬~~~~媽咪真偉大~~~~



回覆 引用 TOP

[隱藏]
引用:
原帖由 Timchoi 於 2010-4-1 01:07 AM 發表

有d醫生真係好pk, 淨係為左賺錢, 政府有d就求求其其, 香港真係有醫德既唔多
agreed,
根本個醫生就係為左$$$,
佢話自己下午得閒,
所以猛催嗰孕婦即刻決定咁..
一d醫德都無,
判得太輕



回覆 引用 TOP

[按此隱藏 Google 建議的相符內容]