Board logo

標題: [其他] 中年人箍牙 [打印本頁]

作者: catalunya    時間: 2020-10-2 10:00 PM     標題: 中年人箍牙

4X歲箍牙, 主要係改善哨牙問題, 會唔會比後生仔箍多好多年? 第日箍完要戴幾耐固定器?  牙肉會唔會收縮得好多? 箍完會唔會上唇多左紋而顯老?  謝謝.
作者: 捉精靈CEO    時間: 2020-10-5 05:02 PM

可能會耐啲,我3X先箍用傳統,都箍咗接近3年
牙肉收縮問題:只要你保持正確刷牙方法應該唔會有問題
固定器:頭幾個月要全日戴,之後就瞓覺先戴,不過要戴一世🥶但你都唔想打回原形㗎係咪?
對於啲牙唔齊嘅我,箍完牙嘅結果,比我想像中好,所以過程嘅唔方便同做鋼牙妹都係值得架!
作者: lllkop    時間: 2020-10-26 02:14 AM

3x箍牙,我經驗是牙肉會收縮的, 尤其本身牙唔整齊嘅位置,因最後即使拉回正位,都會多咗啲三角位,都幾明顯,這個要有心理準備,箍咗五年, 因牙醫跟得唔好,中線走咗位都唔知, 用咗一年時間, 又打釘, 有箍橡筋,成棚牙拉過, 其實我最後都唔滿意, 不過為免拖落去算, 建議係搵啲細間嘅牙科診所, 由頭到尾都係一個醫生同你跟, 我就去咗比較出名去中環嘅劉潤x醫生嗰間, 因為佢比較大間, 有幾間房, 結果每次都係啲young醫生同你做, 劉醫生就只係做consult同checking, 只係得幾次係佢親手做, 每次又好似失憶咁完全唔知我嘅進度, 係我自己傻乎乎突然有日望真啲塊鏡, 留意到中線根本唔齊,同醫生講,佢先開始做嘢,你話死唔死, 所以箍牙過程建議多留意自己啲牙嘅改變情況,要適時同醫生有溝通, 我就衰在太過旨意個醫生




Copyright © 2003-2021 香港討論區