Board logo

標題: 想問大家我是一個不盡責的老豆嗎? [打印本頁]

作者: 春風十三少    時間: 2020-7-6 11:22 AM     標題: 想問大家我是一個不盡責的老豆嗎?

我個女就黎4歲,但刷牙,沖涼,睡覺成日拖拉,於是我老婆呢幾日又因為呢d事開始拿衣架打個囡,之前都有,但有幾個月沒發生,我平時都系阻止多,今次終於忍唔住鬧佢,同佢吵起上黎叫佢走,佢話我唔幫手教囡,但我每逢放假已經日日帶個囡出去玩,無論幾熱落雨,等佢可以系屋企休息,所以我放假從來無自己私人時間,夜晚收工我亦會洗碗幫個女沖涼,助佢刷牙,睡覺幫唔到,個囡成日要痴住阿媽訓佢先訓,但個女都系成日拖拉,我系問真系甘唔盡責?我系咪真系有問題令呢個家到左甘既後果?
作者: Demetrius    時間: 2020-7-6 03:24 PM

其實唔可以一路刷一路鬧,更加唔可以刷到一半再打,細路仔會有反抗心理,怕再被打從此唔刷,你老婆係唔係傻㗎。
作者: 傢俬達人    時間: 2020-7-6 06:35 PM

教小朋友要有耐性,你和老婆都冇錯,老婆都是想盡心教好


你可以上網學習對小朋友既技巧,小朋友要鼓勵成長,大人也要多包容
作者: chatjai    時間: 2020-7-6 08:28 PM

對細路甚至任何人,正面鼓勵的效果,一定比責怪懲罰好。中國人教小朋友習慣責罸,回想小時候,除了傷感情應該沒有什麼效果,更不會達到你想要的效果。

不一起打罵小孩,就不盡責了嗎?責在那裏?
作者: iLove_穎兒    時間: 2020-7-7 08:19 AM

成段文章樓主淨係話自己陪玩,都冇教
作者: @Ada@    時間: 2020-7-7 10:28 AM

4歲就攞衣架打?幾時先打到大
作者: 阿嘉絲    時間: 2020-7-7 10:53 AM

小朋友越打越唔聽話,氹刷牙要軟硬兼施,圖文並茂話佢知唔刷牙會蛀牙,牙痛,平時可以獎勵下佢,如果乖乖刷牙就會送d貼紙俾佢,或者帶佢去玩。
作者: 山下有海鮮    時間: 2020-7-7 10:54 AM

家長必須一個紅臉一個白臉
作者: singsingbaby    時間: 2020-7-7 02:21 PM

引用:
原帖由 春風十三少 於 2020-7-6 11:22 AM 發表

我個女就黎4歲,但刷牙,沖涼,睡覺成日拖拉,於是我老婆呢幾日又因為呢d事開始拿衣架打個囡,之前都有,但有幾個月沒發生,我平時都系阻止多,今次終於忍唔住鬧佢,同佢吵起上黎叫佢走,佢話我唔幫手教囡,但我每逢放假已經日日帶個囡出去玩,無論幾熱落雨,等佢可以系屋企休息,所以我放假從來無自己私人時間,夜晚收工我亦會洗碗幫個女沖涼,助佢刷牙,睡覺幫唔到,個囡成日要痴住阿媽訓佢先訓,但個女都系成日拖拉,我系問真 ...
我個女 上個月 話要養 陸龜, 話會照顧佢 我先買⋯…

買左返黎, 佢除了放學有時得閒 帶龜去散步 同 玩之外, 每日餵養丶沖涼丶執屎丶換草丶換燈丶換水 都冇乜點理⋯ 你話佢算唔算 夠責任 照顧 龜B?
作者: 夜懷舊的花貓    時間: 2020-7-7 03:32 PM

唔好打細路 我細個時 每星期都俾呀媽打獲金 差啲打到自殺 好大壓力
作者: onion11    時間: 2020-7-7 06:44 PM

帶佢去玩同教係兩回事,不過做人父母確實辛苦,會冇哂自己休息同私人時間。
所以慢慢兩公婆坐低傾下點分配工作,點去教囡囡正確嘅觀念,唔係一下子就得,慢慢嚟。
加油呀師兄。
作者: 籠中強勁的綿羊    時間: 2020-7-7 10:23 PM

實際上,您可以一路做下去,也可以中途做,然後又可以戰鬥。
作者: 夜高白襪    時間: 2020-7-8 02:25 AM

你同老婆各自有唔岩,睇文樓主主要陪玩,欠教導小朋友例如:刷牙(或自發性自己刷牙、執返玩完既玩具、日常的生活禮儀禮拜,做功課,教語言講故事等),但值得欣賞既係樓主日常願意花時間陪小朋友外出玩樂,幫忙沖涼洗碗,讓老婆有抖氣空間。

樓主老婆唔岩既地方,忽略了老公的付出(如陪玩,幫忙做家務等),老婆平時湊足小朋友全日其實都好累同如果小朋友唔乖時,都會有壓力同負面情緒,老公應該要多體諒同支持幫手(如教做功課,教下佢野,分工做下家務,多錫下欣賞讚賞下老婆,老婆開心😃,你頭家先開心)。

所以你係老婆生氣時,更要冷靜,唔應該同佢吵架,做男人大方些,比你win左場架,輸左頭家,你都唔會開心啦!
作者: 工廠男    時間: 2020-7-8 11:40 PM

引用:
原帖由 春風十三少 於 2020-7-6 11:22 AM 發表

我個女就黎4歲,但刷牙,沖涼,睡覺成日拖拉,於是我老婆呢幾日又因為呢d事開始拿衣架打個囡,之前都有,但有幾個月沒發生,我平時都系阻止多,今次終於忍唔住鬧佢,同佢吵起上黎叫佢走,佢話我唔幫手教囡,但我每逢放假已經日日帶個囡出去玩,無論幾熱落雨,等佢可以系屋企休息,所以我放假從來無自己私人時間,夜晚收工我亦會洗碗幫個女沖涼,助佢刷牙,睡覺幫唔到,個囡成日要痴住阿媽訓佢先訓,但個女都系成日拖拉,我系問真 ...
你地3個都冇錯!
係壓力太大。
要接受,唔好或差,其實都要接受。
4歲人仔,可以好叻。但唔叻,做父母都要接受,人有長短。先要揾出,佢係唔識定唔做?唔識,係冇方法,定唔知點係做好點係做差。唔做,要知佢喜好,解釋父母要求。
阿媽唔識教女,其實係好正常。要佢首先知道有好多方法教。之後要佢搵出3人都接受的教法。例,當要求要做時,第一次會講,隔5分鐘,第二次會提,隔5分鐘,第三次就嬲!就要冇阿媽情況下同阿爸完成,當日阿媽都唔會同阿女傾計。
最後係你,唔明老婆要求,只做好人。父母正常都最錫仔女,仔女正常都唔怕父母。所以做丑人係最辛苦,你想,要打要鬧冇人會想。你可以做唔多,但有必要做。就係老婆有情緒時立即分開母女,叫女同你完成。期間叫老婆落街飲茶,話你攪掂。休息係要轉換環境,做唔同的事。
希望,你要首先明白。歡迎再討論。
作者: 87er    時間: 2020-7-9 08:22 AM

引用:
原帖由 春風十三少 於 2020-7-6 11:22 AM 發表

我個女就黎4歲,但刷牙,沖涼,睡覺成日拖拉,於是我老婆呢幾日又因為呢d事開始拿衣架打個囡,之前都有,但有幾個月沒發生,我平時都系阻止多,今次終於忍唔住鬧佢,同佢吵起上黎叫佢走,佢話我唔幫手教囡,但我每逢放假已經日日帶個囡出去玩,無論幾熱落雨,等佢可以系屋企休息,所以我放假從來無自己私人時間,夜晚收工我亦會洗碗幫個女沖涼,助佢刷牙,睡覺幫唔到,個囡成日要痴住阿媽訓佢先訓,但個女都系成日拖拉,我系問真 ...
雖然打小朋友係犯法,
但仍支持適當的打~只限打手板,
十歲八歲後就唔應打了,
你老婆打女,
你就錫返個女,
一個做好人一個做醜人。

“佢話我唔幫手教囡“
佢意思係佢教女時你唔好出聲,
一就你去教。
作者: 淺酌孤帆去悠悠    時間: 2020-7-9 09:23 AM

提示: 作者被禁止或刪除 內容自動屏蔽
作者: 晚間遠方的旅程    時間: 2020-7-16 11:13 AM

引用:
原帖由 87er 於 2020-7-9 08:22 AM 發表



雖然打小朋友係犯法,
但仍支持適當的打~只限打手板,
十歲八歲後就唔應打了,
你老婆打女,
你就錫返個女,
一個做好人一個做醜人。

“佢話我唔幫手教囡“
佢意思係佢教女時你唔好出聲,
一就你去教。 ...
其實好多時候你同個小朋友講佢係明白自己做錯咗啲咩,
無論個小朋友再錯都好都唔應該打,
你永遠都唔知可以有幾大陰影,
以前我阿媽一吸完毒賭錢輸咗就對我郁手,
一開始都係打手板,但一開咗呢個頭就唔會停得到,
扯頭髮丶成個拎起揼嚟揼去丶攞菜刀斬,
一開咗個頭只要有多幾次佢心情好差好嬲就會用愈多暴力。
所以我一大個少少(十幾歲嗰陣時)轉手將佢送入戒毒所,
出嚟無耐再送佢去精神病院,之後一眼都無再睇過佢。
你對個小朋友好定唔好,無論嗰件事有幾微不足道佢都會記一世,而最後一定會報翻係你身上
作者: 87er    時間: 2020-7-16 11:32 AM

引用:
原帖由 晚間遠方的旅程 於 2020-7-16 11:13 AM 發表


其實好多時候你同個小朋友講佢係明白自己做錯咗啲咩,
無論個小朋友再錯都好都唔應該打,
你永遠都唔知可以有幾大陰影,
以前我阿媽一吸完毒賭錢輸咗就對我郁手,
一開始都係打手板,但一開咗呢個頭就唔會停得到,
扯頭髮丶成個拎起揼嚟揼去丶攞菜刀斬,
一開咗個頭只要有多幾次佢心情好差好嬲就會用愈多暴力。
所以我一大個少少(十幾歲嗰陣時)轉手將佢送入戒毒所,
出嚟無耐再送佢去精神病院,之後一眼都無再睇過佢。 ...
我以前比老豆吊住來打,
打到死下死下,
比佢當出氣袋,
所以政府先禁打小朋友。

有冇影響全靠小朋友以後際遇,
際遇唔好就有陰影,
際遇好就話好彩父母當年強烈管教我。

小朋友係屋企唔怕父母的話好易反叛,
有幾多個小朋友聽教聽話?
父母最好一個做醜人一個做人,
軟硬兼施先得。
作者: 晚間遠方的旅程    時間: 2020-7-16 11:44 AM

引用:
原帖由 87er 於 2020-7-16 11:32 AM 發表



我以前比老豆吊住來打,
打到死下死下,
比佢當出氣袋,
所以政府先禁打小朋友。

有冇影響全靠小朋友以後際遇,
際遇唔好就有陰影,
際遇好就話好彩父母當年強烈管教我。

小朋友係屋企唔怕父母的話好易反叛,
有幾多個小朋友聽教聽話?
父母最好一個做醜人一個做人,
軟硬兼施先得。 ...
我同意係應該軟硬兼施,但教育第一件事係以身作則,
家長一邊教小朋友打人係唔啱所以唔應該打架唔可以郁手,
叧一方面就郁手打個小朋友,
唔好話有啲咩唔同話係教育去美化呢個行為,小朋友打架郁手都有好多理由佢啲理由喺佢眼中一樣站得住腳,
重點係打人呢一個行為本身就係錯。
一方面教佢奉公守法,但係自己又犯疏忽照顧兒童丶蓄意傷人,
小朋友係一張白紙,佢地嘅行為係向父母丶身邊嘅人學習,如果佢真係做錯啲咩,第一個應該反思嘅其實係家長
作者: 87er    時間: 2020-7-16 12:35 PM

引用:
原帖由 晚間遠方的旅程 於 2020-7-16 11:44 AM 發表


我同意係應該軟硬兼施,但教育第一件事係以身作則,
家長一邊教小朋友打人係唔啱所以唔應該打架唔可以郁手,
叧一方面就郁手打個小朋友,
唔好話有啲咩唔同話係教育去美化呢個行為,小朋友打架郁手都有好多理由佢啲理由喺佢眼中一樣站得住腳,
重點係打人呢一個行為本身就係錯。
一方面教佢奉公守法,但係自己又犯疏忽照顧兒童丶蓄意傷人,
小朋友係一張白紙,佢地嘅行為係向父母丶身邊嘅人學習,如果佢真係做錯啲咩,第一 ...
我有朋友未有小朋友時話唔會打小朋友,
因佢比阿媽打大,
返學成日比老師打手板,
好反感打小朋友,
有次見到佢打佢小朋友,
我話佢講過唔打小朋友嘅喎,
佢話佛都有火~

教小朋友要多方便實施,
身教、言教、獎勵、懲罰、自力…

如果打手板係有陰影,
咁言語上責罵亦有陰影,
唔打、唔責罵啦…
到時“唔顧佢感受“亦話有陰影

仲使教小朋友?
作者: 晚間遠方的旅程    時間: 2020-7-16 12:52 PM

引用:
原帖由 87er 於 2020-7-16 12:35 PM 發表



我有朋友未有小朋友時話唔會打小朋友,
因佢比阿媽打大,
返學成日比老師打手板,
好反感打小朋友,
有次見到佢打佢小朋友,
我話佢講過唔打小朋友嘅喎,
佢話佛都有火~

教小朋友要多方便實施,
身教、言教、獎勵、懲罰、自力…

如果打手板係有陰影,
咁言語上責罵亦有陰影,
唔打、唔責罵啦…
到時“唔顧佢感受“亦話 ...
咁好多人唔打唔鬧依然可以教好小朋友,我淨係話你今日點對個小朋友,他日個小朋友就會點對你,由頭到未無話過咩乜都有陰影就唔洗教,係你諗得太極端。
你朋友打小朋友,咁當佢個小朋友打架打人嘅時候佢就冇立場出聲話個小朋友,
因為佢自己都做唔到唔郁手。
好簡單嘅道理,你點對人人就點對你,你自己都做唔到嘅嘢就唔應該要求其他人做得到
作者: 87er    時間: 2020-7-16 04:16 PM

引用:
原帖由 晚間遠方的旅程 於 2020-7-16 12:52 PM 發表


咁好多人唔打唔鬧依然可以教好小朋友,我淨係話你今日點對個小朋友,他日個小朋友就會點對你,由頭到未無話過咩乜都有陰影就唔洗教,係你諗得太極端。
你朋友打小朋友,咁當佢個小朋友打架打人嘅時候佢就冇立場出聲話個小朋友,
因為佢自己都做唔到唔郁手。
好簡單嘅道理,你點對人人就點對你,你自己都做唔到嘅嘢就唔應該要求其他人做得到 ...
教唔教得好小朋友就大家都唔知,
小朋友未來會點大家都唔知,
亦冇人識教,
冇一本適合全人類的天書。
始終覺得教小朋友要讚、氹、罰、嚇…
之後小朋友點~就睇佢造化、睇佢本性。

“由頭到未無話過咩乜都有陰影就唔洗教”
我知你冇講過,
我亦冇話你講過,
只係打個譬如。
作者: 袋中瘦盒子    時間: 2020-7-16 08:39 PM

提示: 作者被禁止或刪除 內容自動屏蔽
作者: cherrypl    時間: 2020-7-18 10:05 AM

你有幫手湊女都好好
要同個老婆好好傾下, 教小朋友要好有耐性, 湊小朋友都好辛苦.
作者: Keo    時間: 2020-7-19 11:34 AM

你老婆教仔太心急了,个bb会特别反感的,可能会有心理阴影,教仔唔系打就得啦,一定不可以用脾气去教,不然个bb大个就会养成坏习惯,老豆呢应该树立一个好榜样,唔系带bb出去玩就系负责了,要多方面的去关心个bb,就好像个bb唔使出声个老豆就知道个bb想要咩野
作者: JJJtai    時間: 2020-8-11 02:17 AM

我仔太扭時,我會同佢講你唔洗刷,由得牙蟲先生蛀晒佢。我得閒又俾佢望下我既已補蛀牙,佢唔敢唔刷,冇得刷會爆扣咸,不過都會扭要我幫佢刷。
作者: 正义的使者    時間: 2020-8-11 09:16 AM

不要打,耐心教育4岁了她很多都懂了,耐心点就好。
作者: angel媚儿    時間: 2020-9-11 02:55 PM

提示: 作者被禁止或刪除 內容自動屏蔽
作者: ac_cml    時間: 2020-9-11 03:29 PM

打小朋友係犯法, 呢個版一直都主張法治, 所有犯法的人都係黑暴曱甴


無理由俾你老婆變成黑暴曱甴
無論什麼理由, 都唔可以打小朋友




Copyright © 2003-2021 香港討論區