Board logo

標題: 一個狠心母親的告白 - 奶奶,我輸了 [打印本頁]

作者: nicky_8543     時間: 2020-6-3 02:00 PM

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為OT,所以唔返奶奶度,過左黎大家樂搵我,我係大家樂打左佢幾巴,我話我個仔星期五就要死,佢個仔就因為懷疑長短腳所以要返奶奶度睇下佢。當然,結果佢個仔緊係健健康康。
仲要因為OT先返黎,當我係咩?當我個肚係咩?

結果BB無落,一黎未確實,二黎我驚,三黎醫生話如果只係因為心漏而落左去佢覺得好驚訝。其實係果一刻我好想有個人係我身邊支持我落左佢,唔好唸。結果當然又係要我自己決定。

到生完放產假,bb要留院觀察,奶奶又要召見我老公,話佢自己皮膚敏感,想老公返去睇住個仔。
果三日產假我好珍而重之,我真係好需要人陪,結果佢又係想離開呢個家。

最後,BB結果出左,証實有罕見病,果一刻我覺得我個世界好似已經完左。身邊有一個媽寶,要時時刻刻同奶奶鬥法,再加個病兒。我唔知自己日後既日子點過,我知有好多單親既媽媽會過到,但我過唔到。

到真係決定唔要果一日,係我果個星期六日出左去搵朋友。真係唯一一次自己出左去。本來星期六晚想見一見呢個成三年無見既朋友就算,但佢同我講佢有血管瘤,所以第二日都出左去。我本來唸住星期日帶BB去,但老公話要帶BB比奶奶見,所以就此作罷。

返到屋企比說話我聽,話我唔理個仔,就咁就放個仔比佢,話個個女人都係咁,呢頭生完果頭唔理。

我真係好想知我點唔理屋企。佢媽咪話要層樓有繼子名,由佢。我無名,由佢。我有比一半錢首期同裝修,無所謂。工人住院費仔仔各樣雜費我比,無問題。我點唔理?

果一晚,我簽左棄養書。我好攰,我想逃離唔想再理。

原來所謂既家庭有定無真係命水黎,唔係強求返黎就會有。

永遠只會叫我忘記昨日既事,但永遠都會有無限個明天等緊我。

更新 : 有關再婚家庭

其實我老公對奶奶果邊都算係盡左責。
未懷孕前每邊一三五,二四六咁照顧。
但人就得一個,永遠其中一邊都會有缺失既時候。
所以同佢結婚生仔之前大家都傾過,好早其實都講過好多次分手,甚至我都同奶奶講不如佢接收返老公。
但我老公每一次都用可憐攻勢,佢真係可以訓兩日街黎博我同情要我聽佢電話,見佢。
就係咁,我一而再再而三咁退,每一次都比藉口自己。
同自己講“算啦,有小朋友之後只要佢健健康康,我無老公陪都有個仔陪”

可能會有人話生仔唔應該想個仔陪,唸自己benefit等等。
但其實每一個人生仔都一定會有一種期望強加左係小朋友身上先會生。可能係陪伴,可能係養先防老,可能係擔番買水。
呢點不作討論。

其實再婚有小朋友既人,真係唔係咁容易相處。
無論小朋友係咩性格,奶奶係咩性格,都總會有佢既問題產生。

當年都有人同我講過以我既情商根本無可能處理到呢啲咁複雜既三角關係。

可惜我再一次自己呃自己。

希望我犯既錯誤,會係其他同路人既一盞明燈

其實大家鬧我係應該,路係自己行出黎,出左事就掉個問題比個仔處理,就算我養佢我亦都比唔到一個健全既家庭佢。開初未知呀仔有罕見病我好後悔同呢個男人生呀B, 難聽啲講果時呀B好似一出世就無老豆咁。果種內疚真係要經歷過先明。

如果兩公婆好相愛,生個小朋友會係一種助燃劑。
如果兩公婆已經係可有可無,生個小朋友就會變左冷凍劑,每一日無限重覆既湊仔都足以磨光夫妻間僅餘既感情。

[ 本帖最後由 nicky_8543 於 2020-6-7 11:40 PM 編輯 ]
作者: nicky_8543     時間: 2020-6-3 02:07 PM

題外話,我真係好慶幸我有對好錫我既爸爸媽媽,由我結婚生仔到BB有罕見病,一句唔好聽既說話都無講過比我聽,反而好支持我任何決定。仲好記得當日買公屋,奶奶話我地買埋啲乞丐單位,呢句我記得好深。我老豆知道左,就捉我老公去傾計,話佢可以比一百萬我做首期買私樓,男家可唔可以比返同等份量? 果一下真係好感受到愛,亦到好好彩最後無要到。
作者: 堅不可摧     時間: 2020-6-3 02:13 PM

加油!大把冇用的男人
作者: myhwb     時間: 2020-6-3 03:34 PM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為 ...
咁既癈人,早走早著!!!!垃圾人渣!如果樓其只要證明到你有俾錢,就算冇你名,都可以攞得返錢,唔好俾咁既衰人好過!

[ 本帖最後由 myhwb 於 2020-6-3 03:35 PM 編輯 ]
作者: 笑意盈盈     時間: 2020-6-3 04:13 PM

長痛,不如短痛。加油!
作者: 萬家黃色魚蛋     時間: 2020-6-3 05:19 PM

你幸運出生在一個幸福家庭,只能說你本身的經驗不足夠你去選擇人生伴侶,奶奶呢種關係,千萬不可比佢係你生活中周旋,自己要有底氣,不過問題中心,樓主揀錯人,媽寶一定不能揀
作者: 明日難吃的豬豬     時間: 2020-6-3 07:40 PM

呢啲垃圾男人都唔洗恨啦 絲打你真係有勇氣 同埋你做得好岩個決定 同時都覺得唔抵 買樓冇你份又要你比錢有冇得拎返
作者: KKT     時間: 2020-6-3 08:20 PM

媽寶男永遠是早走走著!加油💪🏼!
作者: 賢豬     時間: 2020-6-3 09:30 PM

自己個b都可以棄養,咁冇責任感嘅
作者: @Ada@     時間: 2020-6-3 09:33 PM

加油💪 做女人最緊要學識愛自己
作者: 工廠男     時間: 2020-6-4 12:08 AM

引用:
原帖由 nicky_8543 於 2020-6-3 02:07 PM 發表

題外話,我真係好慶幸我有對好錫我既爸爸媽媽,由我結婚生仔到BB有罕見病,一句唔好聽既說話都無講過比我聽,反而好支持我任何決定。仲好記得當日買公屋,奶奶話我地買埋啲乞丐單位,呢句我記得好深。我老豆知道左,就捉我老公去傾計,話佢可以比一百萬我做首期買私樓,男家可唔可以比返同等份量? 果一下真係好感受到愛,亦到好好彩最後無要到。 ...
你太大怨氣。
生活不如意,但,怨氣只會令生活更不如意。
放下。
當然,要時間。
作者: 荃西人     時間: 2020-6-4 02:02 AM

你都不是甚麼好人
作者: 肥仔xxx     時間: 2020-6-4 06:26 AM

嚡,冇言
作者: 儍廢物     時間: 2020-6-4 07:35 AM

誰錯也好。已一世積怨。勿再見。
作者: 風流盲俠花滿樓     時間: 2020-6-4 07:56 AM

自己攞嚟
作者: singsing510     時間: 2020-6-4 08:40 AM

前段十分同情你,後段好憎你。
作者: sweetandsour     時間: 2020-6-4 09:26 AM

棄養后個B會去左保良局?
作者: whynotudie     時間: 2020-6-4 10:07 AM

引用:
原帖由 nicky_8543 於 2020-6-3 02:07 PM 發表

題外話,我真係好慶幸我有對好錫我既爸爸媽媽,由我結婚生仔到BB有罕見病,一句唔好聽既說話都無講過比我聽,反而好支持我任何決定。仲好記得當日買公屋,奶奶話我地買埋啲乞丐單位,呢句我記得好深。我老豆知道左,就捉我老公去傾計,話佢可以比一百萬我做首期買私樓,男家可唔可以比返同等份量? 果一下真係好感受到愛,亦到好好彩最後無要到。 ...
一睇到買公屋, 幾個大字,就知你EX99 無錢
上個代啊姐, 全部都有西太后個氣場,但乞衣個底

人又窮, 又覇氣, 你係有本事, 啊爸都唔洗出動

立即還拖, 老娘外家有首期, 要買乞衣樓係你仔能力問題

乞衣婆你兩母子加埋有無錢? 依我觀察d 啊婆最凶係把口, 一哭二鬧迫人上吊
作者: 87er     時間: 2020-6-4 10:11 AM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為 ...
“奶奶已明言不可結婚,不可生育“
咁你又結婚生仔?
好多人想脫苦海~
你就自己落海,
奶奶指條路比你行你又唔接受。

“由我結婚生仔到BB有罕見病,一句唔好聽既說話都無講過比我聽”
你做人後母~父母背後己經揼緊心口你唔知姐。
你父母睇你係婆家唔開心,
唔通返到娘家你父母再踩你兩下?
當然要錫住個女。

“我同現任老公…”
你之前好多任老公嗎?
作者: whynotudie     時間: 2020-6-4 10:15 AM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為 ...
你大啦, 理應由你照顧老爸
知自己家有錢, 有底氣
應立即還拖, 啊婆我生唔生仔, 買樓落邊個名, 我既事你off
錢係我娘家出既, 你無話語權

你做最啱既事, 係離開痴母盪兒
作者: yxcheung65     時間: 2020-6-4 02:12 PM

大把無用男人 幾個女人幾多個小朋友 最後掉俾阿媽湊 慘
作者: 11081985     時間: 2020-6-4 03:11 PM

你有冇搞錯,明知有機會有問題就應該落咗去 ,點解生咗出嚟先唔要?你真係好自私⋯⋯
作者: nicky_8543     時間: 2020-6-4 03:21 PM

其實你鬧得好啱,男人自己揀,幾衰都唔捨得放手。當日自己唔夠膽決斷落既小朋友,而家就好似掉左一個我唔夠膽面對既問題比佢自己處理。我都好內疚
作者: 11081985     時間: 2020-6-4 05:02 PM

引用:
原帖由 nicky_8543 於 2020-6-4 03:21 PM 發表

其實你鬧得好啱,男人自己揀,幾衰都唔捨得放手。當日自己唔夠膽決斷落既小朋友,而家就好似掉左一個我唔夠膽面對既問題比佢自己處理。我都好內疚 ...
個男人就放手罷了,希望你能重新開始
作者: pinot     時間: 2020-6-4 05:13 PM

媽寶廢男,我都遇到一個!
作者: 溫溫潤潤飛揚     時間: 2020-6-4 05:17 PM

睇了呢個忍唔住落淚。
作者: 凡間的雪     時間: 2020-6-4 05:25 PM

家家有本難唸的經
只能面對現實 
先令到自己開心D帶好個仔
講真尼種男人你唔要都罷啦
女人重新開始有幾難喈 加油
作者: 革離     時間: 2020-6-4 07:19 PM

只可以講一個男人如果完全聽一個野蠻既奶奶話,佢只係一個廢柴垃圾
作者: Demetrius     時間: 2020-6-4 08:57 PM

你話奶奶成日召個仔返去,到底有幾頻密?一星期一次定兩次?你奶奶想見個仔,同你唔捨得落咗個仔,其實係一樣道理。
作者: 唐家霸王枪

提示: 作者被禁止或刪除 內容自動屏蔽
作者: fish903     時間: 2020-6-5 12:15 AM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為 ...
分手,向前望,唔好返轉頭
作者: tacticsolve     時間: 2020-6-5 12:59 AM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為OT,所以唔返奶奶度,過左黎大家樂搵我,我係大家樂打左佢幾巴,我話我個仔星期五就要死,佢個仔就因為懷疑長短腳所以要返奶奶度睇下佢。當然,結果佢個仔緊係健健康康。
仲要因為OT先返黎,當我係咩?當我個肚係咩?

結果BB無落,一黎未確實,二黎我驚,三黎醫生話如果只係因為心漏而落左去佢覺得好驚訝。其實係果一刻我好想有個人係我身邊支持我落左佢,唔好唸。結果當然又係要我自己決定。

到生完放產假,bb要留院觀察,奶奶又要召見我老公,話佢自己皮膚敏感,想老公返去睇住個仔。
果三日產假我好珍而重之,我真係好需要人陪,結果佢又係想離開呢個家。

最後,BB結果出左,証實有罕見病,果一刻我覺得我個世界好似已經完左。身邊有一個媽寶,要時時刻刻同奶奶鬥法,再加個病兒。我唔知自己日後既日子點過,我知有好多單親既媽媽會過到,但我過唔到。

到真係決定唔要果一日,係我果個星期六日出左去搵朋友。真係唯一一次自己出左去。本來星期六晚想見一見呢個成三年無見既朋友就算,但佢同我講佢有血管瘤,所以第二日都出左去。我本來唸住星期日帶BB去,但老公話要帶BB比奶奶見,所以就此作罷。

返到屋企比說話我聽,話我唔理個仔,就咁就放個仔比佢,話個個女人都係咁,呢頭生完果頭唔理。

我真係好想知我點唔理屋企。佢媽咪話要層樓有繼子名,由佢。我無名,由佢。我有比一半錢首期同裝修,無所謂。工人住院費仔仔各樣雜費我比,無問題。我點唔理?

果一晚,我簽左棄養書。我好攰,我想逃離唔想再理。

原來所謂既家庭有定無真係命水黎,唔係強求返黎就會有。

永遠只會叫我忘記昨日既事,但永遠都會有無限個明天等緊我。
題外話,我真係好慶幸我有對好錫我既爸爸媽媽,由我結婚生仔到BB有罕見病,一句唔好聽既說話都無講過比我聽,反而好支持我任何決定。仲好記得當日買公屋,奶奶話我地買埋啲乞丐單位,呢句我記得好深。我老豆知道左,就捉我老公去傾計,話佢可以比一百萬我做首期買私樓,男家可唔可以比返同等份量? 果一下真係好感受到愛,亦到好好彩最後無要到。
你確有不幸,

PK 媽寶老公係你自己揀,
BB 也是你為佢生,
決定生BB 出來又係你,
唔要BB 又係你,
離婚又係你決定要咁做...

你自己最大責任, 而你所作的決定, 睇到應該是你自己太過任性...
作者: 前晚進擊的肚臍     時間: 2020-6-5 08:03 AM

搬去奶奶家,整死奶奶
作者: ondougdoug     時間: 2020-6-5 11:21 AM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為 ...
加油我睇到想咸,男人有時真係好垃圾
作者: Bblyre     時間: 2020-6-5 11:31 AM

唔好再理佢了.... 根本唔值得
作者: P72     時間: 2020-6-5 12:06 PM

引用:
原帖由 nicky_8543 於 2020-6-3 02:07 PM 發表

題外話,我真係好慶幸我有對好錫我既爸爸媽媽,由我結婚生仔到BB有罕見病,一句唔好聽既說話都無講過比我聽,反而好支持我任何決定。仲好記得當日買公屋,奶奶話我地買埋啲乞丐單位,呢句我記得好深。我老豆知道左,就捉我老公去傾計,話佢可以比一百萬我做首期買私樓,男家可唔可以比返同等份量? 果一下真係好感受到愛,亦到好好彩最後無要到。 ...
加油啊.明天會更好
作者: KarinaLai     時間: 2020-6-5 05:59 PM

其實樓主你都唔好得去邊,一早你奶奶都唔想你生就預佐佢唔會對你好,咁你明知個B有機會有罕見病咁你生前就應該諗定萬一真係有事會唔會棄養,如果當時有機會棄養就唔應該生啦!既然生得就唔應該棄養咁衰!你依家賭輸佐就唔要個B都好做孽囉!
作者: KarinaLai     時間: 2020-6-5 06:03 PM

引用:
原帖由 凡間的雪 於 2020-6-4 05:25 PM 發表

家家有本難唸的經
只能面對現實 
先令到自己開心D帶好個仔
講真尼種男人你唔要都罷啦
女人重新開始有幾難喈 加油
樓主棄養佐B啦!
作者: 不死人888     時間: 2020-6-5 06:17 PM

跟我走
作者: lplplp111     時間: 2020-6-5 10:02 PM

覺得最不知所謂是樓主本人,仲開個帖想博同情!自己骨肉都可以棄養!!!BB是什麼罕見病?冇得醫嗎?如果BB不是殘障或者低智商,妳就更加不知所謂,妳這些人都係養寵物好了.因為可以隨隨便便棄養的....
作者: winnerlo     時間: 2020-6-5 11:32 PM

我係男人睇到都著火,裙腳仔到好火滾,大家痛錫自己家人唔緊要,但個女人自己揀,插就識射撚完肉緊完就完,咁九大個人仲要結過婚,仲有女人跟你執到啦,正一廢柴。坦白,你家人好痛錫你,世界上有好多更慘既人,你仍然好幸福,因為有爸媽痛錫你,加油
作者: nicky_8543     時間: 2020-6-5 11:41 PM

我睇到好多鬧我既留言,其實我唔係想博同情。因為我更愧疚我自己作出既選擇同懦弱。
我甩唔到個男人係我成日心軟。
係知道呀B有機會有罕病我無勇氣自己係24週既時候落左佢係懦弱。
我用結婚生仔黎作一個賭注係我既任性。
但時已至此,還可以如何?
即使我要呀B我都唔肯定可以照顧好佢。
我要呀B, 我過唔到自己。我係唔甘心咁就一輩。
我唔要呀B, 我亦過唔到自己。就好似我將我自己解決唔到,面對唔到既問題掉比個初生嬰兒。

[ 本帖最後由 nicky_8543 於 2020-6-5 11:43 PM 編輯 ]
作者: nicky_8543     時間: 2020-6-5 11:45 PM

我父母有提出過佢地可以幫我,但我除左係人地呀媽之外我都係人地個女。
我已經累左下一代難道我要累埋上一代?
我唔係想將我既行為去合理化,我知道我好錯,但我亦都好無能為力。
作者: nicky_8543     時間: 2020-6-5 11:47 PM

慘其實我又唔覺自己慘,係唔憤氣,唔甘心,同時亦唔識點面對個仔。我由24週,到生完放產假。每每唔開心除左打自己之外,我覺得自己好無能,無力感好重
作者: simplelove168     時間: 2020-6-6 12:03 AM

Your husband family no gd, Ur husband also not on your side. Can fly him.
Your own parent family is very gd.
作者: Be_princess     時間: 2020-6-6 12:17 AM

我好明白樓主心情
但係既然離開咗個男人
點解唔好好同bb生活落去
個bb係無辜 你唔想俾個bb拖累你一生
但呢點好自私... 你明知道個男人對你可有可無
點解仲要生個bb出嚟?你係希望用bb留住呢個男人? 無辦法  你唔識愛... 愛都唔係咁 你係任性
作者: 風輕吹柳飄搖     時間: 2020-6-6 12:25 AM

引用:
原帖由 nicky_8543 於 2020-6-5 11:47 PM 發表

慘其實我又唔覺自己慘,係唔憤氣,唔甘心,同時亦唔識點面對個仔。我由24週,到生完放產假。每每唔開心除左打自己之外,我覺得自己好無能,無力感好重 ...
你生完BB幾耐?要回健康院做產檢嗎?其實產後情緒會好波動特別係新手媽媽,你試下去健康院搵姑娘,通常有當值精神科社工可以同你傾下,你唔放下你既內疚同憤怒你會好辛苦,搵人幫下你,會有出路的
作者: 香港神仙     時間: 2020-6-6 12:31 AM

引用:
原帖由 nicky_8543 於 2020-6-4 03:21 PM 發表

其實你鬧得好啱,男人自己揀,幾衰都唔捨得放手。當日自己唔夠膽決斷落既小朋友,而家就好似掉左一個我唔夠膽面對既問題比佢自己處理。我都好內疚 ...
女人就算結過婚,未生,都還有機會第二個男人。

但生了,就很難,,。
作者: tfortest     時間: 2020-6-6 12:59 AM

最緊要可以開帖
作者: 至愛老輝2     時間: 2020-6-6 03:42 AM

引用:
原帖由 nicky_8543 於 2020-6-3 02:00 PM 發表

我同現任老公由相識到結婚生仔,已有六年。老公再婚,與前妻育有一子。
期間經歷好多事,大部份同奶奶有關。
由開始時,奶奶已明言不可結婚,不可生育,買樓要落繼子名外,到我懷孕,生子前後奶奶用各式各樣理由要老公返去陪佢,我已經覺得呢段關係好攰。
24週前做結構,照出黎話bb有機會有罕見病,但無法確實,我地同醫生講決定左星期五落仔。係果一個星期,老公足足3日返左娘家。我仲好記得係星期三,老公打電話黎話因為 ...
棄養係咩意思?交俾政府養,當孤兒?唔係呀嘛?
作者: 壯陽熱情的OL     時間: 2020-6-6 12:49 PM

只可以講你老公好失敗,佢個大仔唔理比左奶奶照顧就算,你奶奶講有事先去睇,咁無責任嘅人你重有期望,只可以講你老公無論金錢定時間都無本事應付兩頭家
作者: 夜落漠鳳凰

提示: 作者被禁止或刪除 內容自動屏蔽
作者: 明日純情的獅子     時間: 2020-6-6 01:50 PM

你一直同自己鬥氣,
搵自己搵老公搵父母搵個仔。
作者: catcloud     時間: 2020-6-6 01:50 PM

正本歸源,無拍拖?
作者: nicky_8543     時間: 2020-7-7 07:14 PM

我真係好努力去協商,都好努力過每一日。但同時我真係好攰,早排傾過叫大仔5,6日黎,轉校黎呢邊長住。但結果? 上星期weekend帶完佢黎,星期一佢又話要過去教仔 我真係好攰好攰
作者: 冬寒地獄工人     時間: 2020-7-8 12:45 AM

睇完成段野,只為個BB覺得可憐。
當初應該預見到同奶奶既關係會點。。。
之後發生既一切點解會變成唔要BB,自己逃避責任既藉口?
不過見到你父母既態度我就知點解。。。




Copyright © 2003-2021 香港討論區