Board logo

標題: 老公其實係想離婚定分居? [打印本頁]

作者: carbubu    時間: 2019-12-13 12:09 PM     標題: 老公其實係想離婚定分居?

件事都幾多編,可能要分開寫,先多謝各位肯俾耐性睇到尾.

件事由10年前講起...當時我20歲,我原本已經有一個拍左拖3年的同居男朋友,但因為佢工作關係,就算住埋一齊都好少時間見面拍拖,所以感情好快變淡,機緣巧合下,我轉左份新工,就認識左呢個老公,當時佢名聲都唔係咁好,成日都傳佢同唔同女仔拍拖,但同佢做左半年同事之後,多左溝通又會放工出去玩下.就漸漸同佢產生左感情,無幾耐我地終於決定係埋一齊,我同拍左3年拖男朋友分手,佢就同兩個有感情拖拉關係的女仔斷絕來往。
因為我由18歲已經搬左出黎住,所以我同老公拍拖的第一日已經開始住埋一齊,當時佢同兩個朋友係大陸租住左個大單位,每人一間房,咁樣我地就開始每日都一齊過關返工放工一齊生活,半年後因為間屋完左約,我地就搬返黎香港住,因為老公比較大洗無咩儲蓄而我當時人工亦唔高,所以我地就租左間劏房住。其實呢半年生活真係好甜蜜,我地會成日周圍去拍拖,我地拍左拖半年就已經當大家係結婚對象,我到宜家都無忘記個種戀愛甜蜜感覺係點。但無幾耐,我意外懷孕,我好清楚我地唔適合有小朋友,所以我二話不說就去安排人工流產,老公當時都好認同呢個諗法,件事好快就完結,可能始終當時年紀細,點都會有D心理影響,老公見我鍾意狗,所以提議養返隻狗仔,我亦好開心佢會咁體諒我,養左狗仔之後我地生活得比以前更開心同精彩...
作者: carbubu    時間: 2019-12-13 01:18 PM

引用:
原帖由 carbubu 於 2019-12-13 12:09 PM 發表

件事都幾多編,可能要分開寫,先多謝各位肯俾耐性睇到尾.

件事由10年前講起...當時我20歲,我原本已經有一個拍左拖3年的同居男朋友,但因為佢工作關係,就算住埋一齊都好少時間見面拍拖,所以感情好快變淡,機緣巧合下,我轉左份新工,就認識左呢個老公,當時佢名聲都唔係咁好,成日都傳佢同唔同女仔拍拖,但同佢做左半年同事之後,多左溝通又會放工出去玩下.就漸漸同佢產生左感情,無幾耐 ...
之後我地搬左幾次屋,我又轉左工,唔再同佢一間公司,平平淡淡咁過左7年同居生活,點解會話平淡,其實係因為我嘅關係,因為 我係一個比較獨家村嘅女人機,唔鍾意行街,唔鍾意影相,每日就係放工買餸返屋企煮飯,同隻狗一齊煲下劇。老公就放工返黎打機睇波賭馬,間唔中出去踢下波返下兼職咁。
因為老公性格比較任性,從來都唔唔儲錢,每個月都清袋,我成日怕佢唔夠,所以一直以黎都無要求要慶祝D咩節日,生日,情人節,聖誕,周年都只係簡簡單單食餐飯,禮物都無要求過。7年以黎除左一年去一次澳門,就無再去過其他地方。
終於係第8年因為覺得大家都穩定,我地決定結婚,我老公性格係咩都懶得理嘅人,所以婚禮所有野都係我搵好哂俾佢做最後決定,點知就同好多人一樣,越搞越大,就因為呢個婚禮我地借左一筆錢,要分3年還。老公亦因為呢件事,返多左兼職。。。。
作者: carbubu    時間: 2019-12-13 01:38 PM

一直又咁樣過生活,直至兩年前,因為我想儲返多D錢,我都出左去返兼職,但同老公夾好時間,每星期最少都會有3晚平日加星期日空出時間俾大家。返左兼職之後,見面時間係少左,但我地嘅生活質素好左。
直到一年前老公撞返好多年前嘅打拳教練,佢就開始打返拳。。。由個日開始,我地見面時間因為打拳又少左一半...可能就係因為咁,問題開始出現。。。
我地可能見少左溝通少左,我地感情開始淡,而佢亦漸漸唔再同我傾計,返黎都係講兩句就同班機友打機。。。。我以為係因為耐左,所以無咩點理,只係想用工餘時間好好打理個屋企,等佢住得舒舒服服,唔洗返屋企都要解決D鎖碎事。。。
但係3個月之前,我終於發現老公有小三,對象係佢秘書。我點諗都諗唔到晚晚話好愛我嘅老公會有外遇。。。
作者: carbubu    時間: 2019-12-13 02:24 PM

引用:
原帖由 carbubu 於 2019-12-13 01:38 PM 發表

一直又咁樣過生活,直至兩年前,因為我想儲返多D錢,我都出左去返兼職,但同老公夾好時間,每星期最少都會有3晚平日加星期日空出時間俾大家。返左兼職之後,見面時間係少左,但我地嘅生活質素好左。
直到一年前老公撞返好多年前嘅打拳教練,佢就開始打返拳。。。由個日開始,我地見面時間因為打拳又少左一半...可能就係因為咁,問題開始出現。。。
我地可能見少左溝通少左,我地感情開始淡,而佢亦漸漸唔再同我傾計,返黎都 ...
當我同老公攤牌後,佢即時二話不說就話會離開小三,唔想無左個家亦仲好愛我,同小三一齊係因為我太多太獨立,而個小三依賴佢愛慕佢,令佢重搭甜蜜感覺
佢話想同我重新開始,我亦原諒佢,決定重新開始。但我半個月後我發現佢仲有同小三電話來往,於是我又問佢,佢話因為要同小三講清楚,想好好咁了解段關係唔好影響工作,所以先拖拖拉拉左半個月,已經完哂,而老公亦決定離職轉工。

但可能條刺太大條,亦可能因為老公對我嘅態度表現就同出事前無分別,依然任性自私,亦無好好咁氹過我一次,只係叫我唔會再提呢件事,就因為咁令我唔能夠真正放低,唔能夠平靜咁同佢重新開始,經過1個月反覆嘅鬧交和好,我發現佢根本無打算無為呢件事作出彌補去對我好D,俾返D安全感我,反而係話我地係重新感受對方,重新搵返以前嘅感覺。。。我好失望咁提出分居,佢無接受,只係話不如大家分開冷靜下,又再吵吵鬧鬧,直至上個月中,佢鍾意簽左張分居協議,怕會搬走。。。。
作者: carbubu    時間: 2019-12-13 02:47 PM

引用:
原帖由 carbubu 於 2019-12-13 02:24 PM 發表




當我同老公攤牌後,佢即時二話不說就話會離開小三,唔想無左個家亦仲好愛我,同小三一齊係因為我太多太獨立,而個小三依賴佢愛慕佢,令佢重搭甜蜜感覺
佢話想同我重新開始,我亦原諒佢,決定重新開始。但我半個月後我發現佢仲有同小三電話來往,於是我又問佢,佢話因為要同小三講清楚,想好好咁了解段關係唔好影響工作,所以先拖拖拉拉左半個月,已經完哂,而老公亦決定離職轉工。

但可能條刺太大條,亦可能因為老公對我 ...
當佢同我講個刻,我個心好痛,我問佢仲愛唔愛我,佢話佢呢3個月努力過,但真係搵唔返愛嘅感覺,既然返唔到以前就不如放手俾大家重新搵過啱嘅人,佢話宜家只係想專心發展新嘅事業,想實踐抑壓左10年嘅理想(打拳同轉行)同過自由嘅生活,好想出去闖下。如果我地兩個註定係有緣份,始終都會係返埋一齊。。。

我理性話俾我自己知應該放手,但個心真係好痛好唔捨得呢個陪左我10年嘅人,朋友個個都話佢其實對我一D都唔好(同左小三一齊2個月就買左粒$7XX P字頭牌子珠仔送俾小三,但個個月係我生日,佢咩都無買俾我,話無錢,其實我同佢講過我係同一間野睇中隻$4XX戒指。。。),但我一諗返呢10年嘅點點滴滴,真係好唔想放手,但佢新屋都搵左啦,佢好快就會搬走 。。。

[ 本帖最後由 carbubu 於 2019-12-13 02:51 PM 編輯 ]
作者: carbubu    時間: 2019-12-13 04:28 PM

由20歲開始同佢一齊到宜家31歲,宜家先同我講,發現我唔係佢想要個種女人,為左個家為左佢,我由20歲嘅青春少女,變成一個皮膚差,身形差嘅中女,佢話搵個識得愛我嘅人比同佢無感情咁一齊更幸福。。。真係咁易搵咩?
作者: friendho    時間: 2019-12-13 05:24 PM

你仲好後生,過去就係過去,已經無得返轉頭,從現在起你努力keep好自己外形,一定可以有第二次春天,只要唔好自暴自棄,話唔定好快就見到下一站,世事如棋,保持希冀就一定有曙光
作者: carbubu    時間: 2019-12-13 05:28 PM

引用:
原帖由 friendho 於 2019-12-13 05:24 PM 發表

你仲好後生,過去就係過去,已經無得返轉頭,從現在起你努力keep好自己外形,一定可以有第二次春天,只要唔好自暴自棄,話唔定好快就見到下一站,世事如棋,保持希冀就一定有曙光 ...
只係一時接受唔到男人話變心就即刻轉身嘅速度,10年感情都咁脆弱。。。
作者: friendho    時間: 2019-12-13 11:26 PM

引用:
原帖由 carbubu 於 2019-12-13 05:28 PM 發表




只係一時接受唔到男人話變心就即刻轉身嘅速度,10年感情都咁脆弱。。。
呢個世界有兩樣野不能直視.....一樣係太陽,直視太陽會傷眼......另一樣就係人性,當見到真實既人性會傷心......
男人多心而長情,女人專一而絕情,你同佢咁多年相處,大家一定還有"情"存在,只係你能唔能夠再放心落注,心裡有條刺確實好難再走落去.....
作者: dragonfruit316    時間: 2019-12-14 07:18 AM

你老公咁決絕似乎真係變左心,好難挽回番佢喎。不如比d時間大家冷靜下先。
作者: carbubu    時間: 2019-12-15 12:50 PM

引用:
原帖由 friendho 於 2019-12-13 11:26 PM 發表


呢個世界有兩樣野不能直視.....一樣係太陽,直視太陽會傷眼......另一樣就係人性,當見到真實既人性會傷心......
男人多心而長情,女人專一而絕情,你同佢咁多年相處,大家一定還有"情"存在,只係你能唔能夠再放心落注,心裡有條刺確實好難再走落去..... ...
佢同我講,好清楚宜家對我已經無愛嘅感覺,只有10年親人嘅感覺,所以我覺得就算佢出去冷靜完都唔會再返黎,我預左一年後要簽離婚
作者: friendho    時間: 2019-12-15 09:37 PM

引用:
原帖由 carbubu 於 2019-12-15 12:50 PM 發表




佢同我講,好清楚宜家對我已經無愛嘅感覺,只有10年親人嘅感覺,所以我覺得就算佢出去冷靜完都唔會再返黎,我預左一年後要簽離婚
其實向好方面想都算好,起碼夠清晰,唔使拖拉落去浪費時間,你有你既將來!立即就從新諗下以後走一條點樣既路,好好裝備自己,十年後你先至剛40,真係仲有足夠時間比你重新黎過,只要唔放棄自己就一定得!
作者: dunnohowtodo    時間: 2019-12-15 10:41 PM

引用:
原帖由 carbubu 於 2019-12-15 12:50 PM 發表




佢同我講,好清楚宜家對我已經無愛嘅感覺,只有10年親人嘅感覺,所以我覺得就算佢出去冷靜完都唔會再返黎,我預左一年後要簽離婚
你老公咁清楚講埋出口...
你當年都因為呢個老公飛咗你ex,所以你應該都明,你宜家再唔開心都改變唔到你老公...
一段感情係重質唔係重量,如果日日見又感情好當然係最好,但如果係愛對方,少見咗反而係更珍惜相處嘅時間。如果連得返嗰少少嘅相處時間都冇珍惜冇更加親密,咁其實問題已經出現咗。當時冇去理,咁咪就令段感情自然死亡囉。好似病咁,有病初期唔去理唔去醫,都末期就真係點醫都救唔返...
而你講自己由青春少女變成宜家又幾差,呢個係你自己個問題。有幾多人妻甚至人母一直都keep得好好,三十多歲更有輕熟女嘅女人味吸引力。所以你宜家係先唔好放棄自己喺度自暴自棄,好好去改變返好自己,喺各方面都有吸引力。到時係有其他追求者定你呢個老公回心轉意,都係由你去選擇點
作者: carbubu    時間: 2019-12-15 10:45 PM

引用:
原帖由 friendho 於 2019-12-15 09:37 PM 發表


其實向好方面想都算好,起碼夠清晰,唔使拖拉落去浪費時間,你有你既將來!立即就從新諗下以後走一條點樣既路,好好裝備自己,十年後你先至剛40,真係仲有足夠時間比你重新黎過,只要唔放棄自己就一定得! ...
多謝你一直嘅鼓勵,我會好好做返應有嘅自己,好好重新出發,謝謝
作者: carbubu    時間: 2019-12-15 10:48 PM

引用:
原帖由 dunnohowtodo 於 2019-12-15 10:41 PM 發表


你老公咁清楚講埋出口...
你當年都因為呢個老公飛咗你ex,所以你應該都明,你宜家再唔開心都改變唔到你老公...
一段感情係重質唔係重量,如果日日見又感情好當然係最好,但如果係愛對方,少見咗反而係更珍惜相處嘅時間。如果連得返嗰少少嘅相處時間都冇珍惜冇更加親密,咁其實問題已經出現咗。當時冇去理,咁咪就令段感情自然死亡囉。好似病咁,有病初期唔去理唔去醫,都末期就真係點醫都救唔返...
而你講自己由青 ...
我都明以前係我太老定,但佢亦太好戲,我已經決心好好保養返自己,為自己好好活一次。thanks!!
作者: friendho    時間: 2019-12-15 11:16 PM

引用:
原帖由 carbubu 於 2019-12-15 10:48 PM 發表




我都明以前係我太老定,但佢亦太好戲,我已經決心好好保養返自己,為自己好好活一次。thanks!!
Good Luck
作者: dunnohowtodo    時間: 2019-12-15 11:50 PM

引用:
原帖由 carbubu 於 2019-12-15 10:48 PM 發表




我都明以前係我太老定,但佢亦太好戲,我已經決心好好保養返自己,為自己好好活一次。thanks!!
咁佢同你呢十年又唔係有心呃你嘅,你都講佢話咩想發展新事業(雖然唔知係乜)又話個理想係抑壓咗十年(咁佢自己呢十年又只係打機睇波賭馬),咁佢可能真係遇到d嘢令佢變咗(但應該就唔似係因為個秘書)...
Anyway,你自己加油,好好保養返自己再增值,有咩要宣洩就搵你閏蜜傾同喺度呻下。幾個月後半年後一年後,你就一定比宜家呢刻更加精彩
作者: 69gogo    時間: 2019-12-16 12:15 AM

提示: 作者被禁止或刪除 內容自動屏蔽
作者: carbubu    時間: 2019-12-16 09:54 AM

引用:
原帖由 69gogo 於 2019-12-16 12:15 AM 發表

做到有秘書跟,都唔買隻幾百蚊嘅介指,如果你想等佢返黎你就真係傻
其實佢真係搵唔少,但真係好大洗,有錢情願賭同買瘦肥食品,贏左錢就去買衫買波鞋。。。
作者: milktealover    時間: 2019-12-16 11:11 AM

引用:
原帖由 carbubu 於 2019-12-16 09:54 AM 發表




其實佢真係搵唔少,但真係好大洗,有錢情願賭同買瘦肥食品,贏左錢就去買衫買波鞋。。。
佢搵咁多錢,又咁大駛,但就連生日都唔送隻戒指仔俾你,對你冇心,晨早應飛左佢
作者: carbubu    時間: 2019-12-16 11:36 AM

引用:
原帖由 milktealover 於 2019-12-16 11:11 AM 發表



佢搵咁多錢,又咁大駛,但就連生日都唔送隻戒指仔俾你,對你冇心,晨早應飛左佢
所以我D朋友話佢根本唔係真心對我好,話今次係個天俾多次機會我搵過一個真心對我嘅人
作者: carbubu    時間: 2019-12-16 11:40 AM

引用:
原帖由 milktealover 於 2019-12-16 11:11 AM 發表



佢搵咁多錢,又咁大駛,但就連生日都唔送隻戒指仔俾你,對你冇心,晨早應飛左佢
佢當日解釋係覺得我同佢咁耐嘅感情同相處唔需要送野俾我,我要會自己買。。。但個女人收到會好開心好感激佢,個種祟拜嘅滿足感係我俾唔到佢。
但我覺得10年黎我同佢嘅經歷同生活唔會存在崇拜,只有陪伴與照顧。。。我宜家真心覺得同佢越黎越遠,根本就唔夾。。。
作者: 69gogo    時間: 2019-12-16 03:36 PM

提示: 作者被禁止或刪除 內容自動屏蔽
作者: carbubu    時間: 2019-12-16 06:51 PM

引用:
原帖由 69gogo 於 2019-12-16 12:15 AM 發表

做到有秘書跟,都唔買隻幾百蚊嘅介指,如果你想等佢返黎你就真係傻
多謝你俾支持我,宜家個帳號仲係新手,覆唔到短訊^^但我會努力,宜家每日一得閒 就寄情香討,睇下D帖,等自己唔得閒諗起佢,近兩日係呢度講下野宣洩下情緒,已經喊少左好多啦,尋日開始我出多左街行,先發現原來好多野一直想食想買,好多地方想去,但就因為一直想等佢一齊試而錯失哂,所以決定今日起逐樣去完成,就算一個人,我都要活得精彩!
作者: 炎夏狂野的雞翼    時間: 2019-12-16 07:06 PM

樓主, 您只得30 咋喎!甘後生你驚咩啊?

肥就減..... 去做面,整靚個樣!大把人埋身啦!

女人只要keep! 如果你樣靚身材正啲人會問你幾歲咩!
三十真係可以仲好過之前...... 又唔係四五十,而且我真係識四十歲都仲樣靚身材正㗎女人㗎!咪一樣有男人追!你唔好放棄啊!

你要加油喔!
作者: 69gogo    時間: 2019-12-16 07:09 PM

提示: 作者被禁止或刪除 內容自動屏蔽
作者: carbubu    時間: 2019-12-16 07:42 PM

引用:
原帖由 炎夏狂野的雞翼 於 2019-12-16 07:06 PM 發表

樓主, 您只得30 咋喎!甘後生你驚咩啊?

肥就減..... 去做面,整靚個樣!大把人埋身啦!

女人只要keep! 如果你樣靚身材正啲人會問你幾歲咩!
三十真係可以仲好過之前...... 又唔係四五十,而且我真係識四十歲都仲樣靚身材正㗎女人㗎!咪一樣有男人追!你唔好放棄啊!

你要加油喔! ...
多謝你啊,我會努力架啦
作者: 家中強勁的羊    時間: 2020-1-21 09:18 AM

引用:
原帖由 carbubu 於 2019-12-15 12:50 PM 發表




佢同我講,好清楚宜家對我已經無愛嘅感覺,只有10年親人嘅感覺,所以我覺得就算佢出去冷靜完都唔會再返黎,我預左一年後要簽離婚
我而家同你經歷的野差唔多,又係十年,又係話對我無愛,又係發現左佢出軌原諒等等。咩都做過都係挽回唔到,我仲有一對仔女,因為佢要同我掙撫養權,所以我提出暫時同佢分居,比兩個細路仔比佢同個女人湊。一來想搏他們兩個分手,二來想自己再儲多啲錢兩年後同佢打官司!我都系好痛好痛,自殺都試過,真係唔想放手。我們這種太重感情的人系會傷的好深,所以我們一定要自己想辦法走出來,我都系同自己講,加油,一齊去忘記
作者: 不基含情的妹頭    時間: 2020-1-21 04:39 PM

引用:
原帖由 69gogo 於 2019-12-16 07:09 PM 發表




未覆到唔係問題,最緊要你知道個價值觀
69叔叔,我又想要PM
作者: 救世廚    時間: 2020-1-21 05:06 PM

簽得好清楚啦
你真係仲後生,當然有無下一個。下一個係咪可到老係另一回事。
第一段你話佢放棄兩個女性,之後有小三,話斷又唔斷……佢已經唔值得你再等佢
冷靜過後諗清楚再簽紙
早日解脱
作者: gdwej08    時間: 2020-1-21 05:54 PM

提示: 作者被禁止或刪除 內容自動屏蔽
作者: candynking    時間: 2020-1-22 12:58 AM

引用:
原帖由 carbubu 於 2019-12-15 12:50 PM 發表




佢同我講,好清楚宜家對我已經無愛嘅感覺,只有10年親人嘅感覺,所以我覺得就算佢出去冷靜完都唔會再返黎,我預左一年後要簽離婚
其實係好,好似我咁拖拖拉拉左成年,佢死都唔認自己有問題,一直只係話我有問題,我唔岩
作者: MeoMeo88    時間: 2020-1-23 12:00 AM

31歲還好年輕啊。好好咁再Keep好自己啦
作者: 沒落天使    時間: 2020-1-25 10:41 PM

變咗心,無論你做到幾好,在佢眼中都不值一提




Copyright © 2003-2020 香港討論區