Board logo

標題: 人到中年,仍會記住第一份工某同事 [打印本頁]

作者: 一人行    時間: 2019-11-10 04:39 AM     標題: 人到中年,仍會記住第一份工某同事

人到中年就嚟五張了,已有穩定另一半,但仍會記住當年初出茅廬第一份工某女同事。

當時日日見到佢,返工都會好開心,後來佢嫁左人離開香港,同佢已超過廿一年冇聯絡。

佢個英文名喺香港好少女仔改,外國人就間中會見到,每次睇電視或電影,見到有運動員係呢個名,有角色起呢個名,出字幕有工作人員用呢個名,個心都會有異樣感覺。

由於佢個英文名香港少人用,加埋佢個姓都唔係最大路嗰啲,所以一搵就搵到佢facebook,但都冇勇氣同佢聯絡,或了解佢近況,或者就讓我地今世嘅交集,結束於廿一年前最後一次聯絡吧!
作者: GOG    時間: 2019-11-10 09:03 PM

如果重要佢根本唔記得你,咁就真係慘到飛起
有人話每個男人心中都有一個女神,係你永遠得唔到,錯過左,唔敢追果個。
作者: 一人行    時間: 2019-11-11 01:07 AM

引用:
原帖由 GOG 於 2019-11-10 09:03 PM 發表

如果重要佢根本唔記得你,咁就真係慘到飛起
有人話每個男人心中都有一個女神,係你永遠得唔到,錯過左,唔敢追果個。
其實當年佢冇男朋友,不過佢係公司第二把交椅兼未來第一把交椅個老細嘅秘書,大家都比面佢,我只係小職員,雖然以佢嘅人品,唔會介意,但當日梗係覺得大家爭左啲。

佢當然好靚啦!而且好學,流利國英日法語,當年公司好free,如果大家做完野,可以喺個位度做自己野,當年冇手機,啲同事就睇報紙雜誌,佢就睇教科書,甚至紅樓夢,文青到呢...對於當年仲年青嘅我,呢啲係女神級架啦!

後來佢嫁左去外國,但對方都只係個小職員,我同佢對上一次聯絡,佢話讀完個master,諗緊讀唔讀doctor,佢真係好中意讀書。

過左咁多年,以一個中意讀書嘅人嘅記性,我估佢仲記得我嘅,或者我過一排會用FB聯絡佢都唔定,其實仲諗緊。
作者: jkdsslsjd    時間: 2019-11-12 04:27 PM

提示: 作者被禁止或刪除 內容自動屏蔽




Copyright © 2003-2020 香港討論區