最新成就
風頭躉
受到10位會員追蹤
已達成會員: 17628人
達成日期: 2022-07-29
雞精帖王
帖子得到10位會員訂閱
已達成會員: 20764人
達成日期: 2022-07-15
應push即擊
點擊香討push1次
已達成會員: 195481人
達成日期: 2021-10-21
勁𥄫
瀏覽10條帖子
已達成會員: 928890人
達成日期: 2021-08-09
最近留意到女朋友好似日日都著同一件衫，所以就問佢點解好似最近見你都係著呢件衫。之後女朋友就話，因為呢排天氣都好潮濕，又落雨，唔想洗咁多衫，洗左好難乾，所以一件衫著多幾次先會洗。
而佢著緊果件已經成日星期冇洗過咁濟。仲要上個禮拜同佢食燒肉佢都係著住。食完咁大陣燒肉味都可以唔洗衫！
聽到佢咁講之後，都唔係咁想攬佢... 點解可以咁污糟都有㗎！
女朋友平時咩都無所謂，又會使好多錢，係月光族，冇做咩理財，對將來嘅規劃都指意晒我。
雖然我成日都話以後會養佢，亦都諗住娶佢。唔知係唔係因為我成日咁樣講，女朋友話諗住結婚之後就唔做野，辭職等我養佢做少奶奶。
聽到女朋友咁樣講之後有啲驚，同佢都冇打算生小朋友，如果佢真係唔做野，咪日日遊水好閒？得返我一個人掙錢但兩個人一齊使，養家嘅壓力真係好大。兩個人一齊為頭家努力唔係更好咩？
年尾嘅生活好似真係特別多節目，呢個星期基本上日日都約左唔同朋友出去玩、食飯。除左玩，就係要番工。陪女朋友嘅時間就真係少左，一個星期可能就只陪到佢兩日左右。但我就將好重要嘅日子留左畀佢，好似倒數、新年都冇約到其他人去玩。
但冇諗到女朋友因為咁樣都要同我吵分手。
佢話一個禮拜先陪到佢兩日太少啦，佢仲懷疑自己係小三，問我其實係唔係已經結左婚，所以先冇時間陪佢。
都唔知係唔係因為佢太疑心重所以先會咁樣諗。
但我覺得一個星期7日，5日要番工，剩低2日都拎嚟陪你，咁都嫌唔夠！仲想點啵！
唔知大家通常一個星期陪女朋友幾多日？我真係覺得拎左2日出嚟已經好好...
女朋友本身就唔鍾意沖涼，夏天就算佢出左一日街, 出左一身汗，都可以幾日唔沖涼。
到最近天氣凍左，佢唔沖涼嘅問題好似又嚴重左。見到佢個頭油到好似識反光咁樣，叫佢沖涼佢又話好凍。我都已經買埋個浴室寶裝喺廁所，諗住咁樣佢就唔怕凍肯去沖涼啦，點知都唔係。見到天文台個天氣，好似下個星期都仲係咁凍，再係咁落去，我怕佢可以一個月唔沖涼。
為左令女朋友沖涼，我諗左個方法，我同女朋友講，只要每日都肯沖涼嘅話，我就每日畀佢碌我張信用卡一次。
呢個方法好似都幾吸引到女朋友。呢兩日都收到短訊通知，張卡碌左幾多幾多錢，仲要每次都幾百幾千都有。女朋友真係一啲都唔錫住我張卡用。
但係唔講都講左，起碼女朋友而家真係肯沖涼，個頭都唔油。但我諗到下個月要找卡數就開始有啲驚...
查看更多帖子
|
