港鐵今日（14日）起為香港九龍站往返深圳福田站的高鐵乘客推出「靈活行」，乘客可以在原來車次開出前45分鐘至開車後1小時內，免費改乘同日指定車次最多三次。立法會交通事務委員會主席陳恒鑌今早在電台節目中表示，新措施可以實現「車等人」，但希望最終可擴展至廣州一帶站點，另外是次試驗增加企位亦具意義，但數量要視乎乘車安全、超載及舒適度等因素。

可實現「車等人」　望最終目標擴至廣州
陳恒鑌今早在港台節目上表示，「靈活行」可以實現「車等人」，亦提供企位，具有意義。不過他亦指有局限，如一群人一同出發，在改乘車次未必能後獲派在一起。他亦指，由於只涉及福田站，靈活性有限，希望試驗後能擴展至其他站點。他建議未來可以擴展至深圳北、東莞或廣州一帶車站，而最終目標起碼擴至廣州，而班次密度在一小時內起碼有四班車次。
他認為擴展指其他站點後，面對最大問題為票務系統：「比如話你呢一度有張飛，明明派咗比你嘅，咁你突然間改，咁張飛係下個站賣唔出，咁就會浪費咗。」故票務系統計算方式或需改變。

企位數量視乎安全、超載等問題　希望座位等級靈活改變
對於二等座有機會變成企位大約佔百分之十，需增加與否，陳恒鑌指票務系統要預設限額，但相信有機會調整。他指安排企位數量，需要考慮乘車安全、超載及舒適度等因素。他亦表示，希望購買二等座或一等座的乘客可以靈活地改變座位等級，令彈性更大。

有高鐵靈活行方便到乘客，如果擴展至更多站就更好 👍

早排公司黎左個新高層,男仔黎睇落去好後生,三十幾歲,青靚白淨,女同事話似玄彬咁
初初以為呢個人睇得唔打得,點知做起野上黎又真係好唔錯,有板有眼
公司既女同事都好八卦呢個男高層係點…仲知道左佢仲係單身
由呢個男高層出現之後,公司既女同事個個都盛裝打扮完先返工
有d本身平時著得好hea既都突然間著得好靚,唔化妝既都化返個淡妝,突然個個都好有動力返工
老闆話覺得好開心,請左一個人返黎可以令到成間公司好有氣氛好有士氣.
直頭連生意都好左好多
估唔到請左一個岩既人就可以令到間公司變好禁多…

我公司有個女同事日日個飯盒都好精緻好靚睇落好好味咁
d同事每日都會去八下佢食咩,有d仲話試完都話好味
個同事個飯盒大概係整到咁

呢個女同事依家直頭part time賣飯盒
佢早前問我地d同事係咪對佢個飯盒好有興趣,佢話可以幫大家整埋,不過就50蚊一個
要食既話早一日6點收工前截單。
其實平時我買外賣平就40幾蚊.普通飯盒閒閒地都60蚊左右
如果收50蚊一個又係健康野又係住家飯,又唔駛lunch time同人爭位食飯計落都好似化算
又真係每日都有一堆同事落單喎,覺得呢個同事好醒目,好有生意頭腦。
我都要學下煮返一手好菜先得 賺下外快

我平時睇親波都好鐘意係中埸煮個公仔麵黎食
但係靜係煮一個公仔麵又好齋咁,我自己鐘意煎蛋/午餐肉.方便,快靚正

而我女朋友就鐘意間唔中朝早都會煮公仔麵食,佢就鐘意加五香肉丁,五香肉丁都係一個好邪惡既食物..諗起都餓

我呀媽就清d,佢鐘意加生菜.佢話麻油加生菜好香 
其實麻油加咩都香 
你地又覺得公仔麵覺得配咩一齊食係最夾呢?
同埋大家自己有冇煮公仔麵既特別技巧分享下?例如會過冷河,煮幾耐之類