今日食飯個陣同同事傾緊之前整親隻手去邊間做物理治療，我有個表姨丈係做物理治療個陣整親搵佢睇
有收平我之餘起碼認真啲唔係捽幾下就叫你約下次先，同個同事講開呢樣野我相信佢都唔係想R折純粹想叫我介紹比佢
我搵到個電話同地址叫佢自己約，好衰唔衰比後面枱個其他部門阿姐聽到，返到office佢去pantry捕我！
叫我介紹比佢，仲叫我同表姨丈講聲佢係我同事叫佢收平啲
我話價錢呢啲野我唔知佢點收你每個人要做幾多次同埋幾多錢我都唔知，有興趣就自己打去問下啦
又情緒勒索我話一場同事咁都唔幫，唔知係咪夾埋周圍同同事講個物理治療師點點點叫人去睇佢，之後收到貴一貴你就有錢分想搵埋呢啲陰濕錢

其實你覺得會收貴你之後我有錢分既話你大可以自己上網搵，想R折又唔想自己去到同人講係我同事，講到尾咪又係死要面
最後我話唔會幫佢約仲要鬧返我咁簡單既野都唔幫佢做，咁簡單你唔自己約？
冇乜事真係唔好咁多事懶好心介紹野比同事，分分鐘幫佢整埋處理埋一句多謝都唔會有

近年iPhone會有特別色，iPhone13有天藍色今次iPhone14就有暗紫色
相信唔少人會買特別色電話，買特別色有啲人話一定要用透明殼，咁先睇到你買左特別色
有人堅持買實色殼，相鏡個邊位漏少少罅一樣見到部機係特別色

平時我就透明殼同實色殼都會買一個得閒換下，冇錢買新電話咪買新殼囉

一完發佈會iPhone 13 Pro就落左架13同13 Mini減價，咁多代iPhone我以前覺得iPhone 11偏重同XS冇咩分別已經算好廢
但估唔到用13之後我覺得佢仲廢
舊電唔襟用，健康度維持唔到，玻璃底傳熱過屋企隻平底鑊
問過天才吧啲人話原來iPhone 13係唔主張用線叉電，應該要用無線叉電先會襟用啲

雖然話依家啲電話太襟用就冇人買新機，但係都唔洗越出越求其掛…
出完發佈會同逼人買14Pro有咩分別？14同13個樣應該除左個鏡頭位之外唔會有分別，唔明點解iPad用緊type C頭，iPhone仲要lightning

之前有人話193唔係好敢言架咩，點解同公司Mirror演唱會咁大件事佢都唔回應下？終於有勇敢既網民直接問193，又得到193覆佢啦！

193咁講又唔岩啦，又叫人地send完比傳媒send返條link比佢，又要block人地
你block左人地又點send link比你呀
唔好再話193冇回應啦！依家佢回應左啦，唔好當佢係社評員呀！

原圖：pie apple