最新成就
雞精帖王
帖子得到10位會員訂閱
已達成會員: 20767人
達成日期: 2017-07-18
風頭躉
受到10位會員追蹤
已達成會員: 17635人
達成日期: 2017-07-18
勁𥄫
瀏覽10條帖子
已達成會員: 929000人
達成日期: 2017-06-21
放完新年假第一日返工，有啲已婚同事同埋上司派利是好合理
但係今日有個唔係好熟嘅同事行埋嚟同我講恭喜發財，咁佢同我講我自然都回返句身體健康畀佢
以為咁樣就完，大家尷尬對望咗幾秒之後佢問我：你唔派利是㗎？
我又未結婚又唔係做上司，點嚟利是派呀？
我同佢講我未結婚，佢話：吓，睇你個樣我以為你結咗婚添… 唔好意思，咁祝你快啲搵到好人家
之後佢就尷尬地離開
乜樣似結咗婚㗎咩，佢係咪兜個圈嚟話我個樣老似已婚人士…
家姐個女而家3個月大，出世到而家我都唔知見過好多次，可以用唔係好熟嚟形容
我今日放假打算留喺屋企廢一日，平時家姐會放低佢個女去媽咪度畀媽咪湊
但係媽咪今日有啲事幫唔到佢，家姐原本想打電話叫我請假幫佢湊女，心諗點解你自己唔請假？個女聽講係你㗎喎
我話我今日放假之後佢就叫我畀地址佢帶個女上嚟畀我同佢相處一日
冇啦啦一早畀佢嘈醒已經好燥，仲要幫佢做義工湊女仲燥
原本約咗10點上嚟，結果足足遲咗一個鐘，家姐話佢請咗半日假所以喺屋企同個寶貝玩咗陣先遲
都請得半日點解唔請足全日同你粒寶貝玩？
上嚟又話我而家住呢度唔方便，又話我搬出去住之後完全唔打算理個家姐
一話聽朝可能掛8號又未到收工時間我同事冇端端彈起身，好緊張咁講：係咪要執定啲嘢返屋企呀？死啦，我屋企冇嘢食喎如果打足一日我咪成日冇嘢食？打風都要WFH，唔打風好過啦！
又打電話叫屋企人落街買定啲嘢食，成半個幾鐘完全所有公事都冇做過就去咗諗聽日打風啲嘢
可能掛幾個鐘又要出門口返工啦，咁緊張都唔知做咩
緊張聽日打風冇嘢食，不如諗吓落大雨返工有幾狼狽好過啦
之前家姐因為要霸我間房畀佢個B做BB房，而我阿爸阿媽又唔同我一齊反抗家姐，我最後都係自己同朋友搬咗出去住
而家家姐生咗原本我間房都畀佢拎咗嚟做BB房，每個月最多都係見一次有時就唔啱時間返去食飯就見唔到
由0+3開始我已經plan緊想去旅行，琴日媽咪打電話同我傾計，我同佢講我打算11月頭去旅行
我同媽咪收線唔夠10分鐘，家姐就電話嚟鬧我而家仲有疫情點解仲要去旅行？
吓，就嚟香港都可以畀遊客嚟啦，仲問點解我話要去旅行？😑
家姐仲話如果我去完旅行帶埋啲菌返嚟傳染畀佢個寶貝咁點算？
其實我哋都唔一定會見到面，你咁驚咪一個月唔好見我囉，我都可以唔返屋企食飯
你老公確診嗰陣又唔諗吓有機會傳染畀你影響到你個寶貝？
查看更多帖子
|
