話說三月時有一晚，我老竇無啦啦whatsapp我，問我借一萬或者萬五蚊，我第一時間就問佢做乜要咁多錢，佢話俾人盜用個人資料去咗虛擬銀行借咗錢，俾人追佢「還」三萬蚊，莫講佢係一個七十歲既老人家，我都唔識呢啲虛擬銀行既嘢，淨係知開戶只係個apps度搞無銀行職員做嘢既，當時我無諗咁多嘢，結果就同細佬一人一半，用咗兩個月清咗條數，原本以為告一段落，點知上星期六佢又打俾我，話又收到一個陌生whatsapp要「還」九萬蚊，我今次係電話度問到好詳細，當時太亂唔知可以點幫佢，由於結婚後搬咗出去住，我當日就即刻飛奔去同佢商量對策，我返到去時唔見佢，得返阿媽係度喊晒口話班賊叫佢當日六點前要入五千蚊去一個渣打戶口，我即刻再跑落去截住佢唔好入錢，問咗佢好多嘢、同佢冷靜分析後就知道係一場恐嚇勒索老人家既把戲，因為佢地曾經收過一張字條叫佢「還錢」，但我老竇從無爭人錢既，但佢就俾張字條嚇窒咗，即係班賊真係踩過上門，我拉住佢唔好入錢，但佢堅持要入，話再唔入就會死人架啦，我拗佢唔贏就同佢妥協，施捨完班乞兒後就拉住佢去報警，而家報咗案班差佬都做唔到嘢架啦，全部都係文字，連幅相都無係拉唔到人，唯一可以自救既就係佢地自己，班賊唔知我係邊個，我可以做復仇者，不過都要考慮佢兩老同細佬既人身安全，只要企硬唔驚呢班乞兒就可以擊退，不過老人家怕事又唔想俾其他鄰居知道家醜，真係縛手縛腳，但無理由乜都唔做坐係度等死，而家只諗到係裝CCTV同埋電子防盜眼，起碼佢地上黎都可以錄到個賊樣然後俾差佬通緝佢地，希望快啲拉到呢班仆街冚家鏟啦，唉........

話說我外家個仆街大仔要掉低外母舉家移民，噚晚被迫去食餞別飯，我只係睇在老婆同外母份上先出席，之前已經一路追問時間地點，條仆街大安旨意話到當日先話我地知，結果追到前晚條仆街先至講去旺角一間貴夾唔飽既日式放題餐廳食，全程我充份發揮佈景板功能，dup低頭只顧食，但條仆街係咁講話移民好多嘢搞呀，呢樣嗰樣既廢話，到要埋單時，條仆街厚臉皮到就咁遞張單埋黎，大安旨意叫佢個細佬同我老婆埋張二千幾蚊既單，結果咪又係由我碌咭先，佢細佬夾返一半錢俾我。呢條仆街真係好撚仆街，由頭到尾都只顧自己，無考慮過其他人既負擔能力，咁就俾佢老屈咗一餐，錢財身外物，但被迫就唔gur囉，唯有當送走瘟神，呢一世都唔想再見到佢同佢條死肥婆咀臉! 如果俾我揀，我必定去酒樓食，起碼照顧到老人家口味，同埋唔洗夾住個袋坐半邊屎忽丫，仆街!!!!