• 瀏覽: 20,926
  • 回覆: 273
  • 追帖: 7
提示: 作者被禁止或刪除 內容自動屏蔽
熱賣及精選
引用:
原帖由 greentea_latte 於 2021-6-14 01:09 PM 發表

我都冇生,
2公婆撈咗咁耐仲係冇乜成就,自己都仲諗緊中年之後嘅生活保障,要學多們技能旁身。
如果夾硬生,其實好似係夾硬搵多個人黎陪葬咁,純粹係為咗老咗有人照顧。
就算夾硬生,就一定如願老咗佢會養我?可能怨我憎我,之後自己各自生活。
見到有啲朋友佢well prepared,俾到資源同生活保障仔女,我覺得生小孩對佢地係好事。
唔好因為怕悶所以人有我有,鬥完生仔,到你生到喇,之後一樣大把嘢攀 ...
係呢個社會好難,大部份人都諗唔生



其實有冇諗過,生仔係一個幾自私嘅行為,以前D人務農,生仔好大原因都係想增加「勞動力」,男丁可以幫手耕田,生女就洗衫煮飯同繼續做生仔機器... 其實從來都係一種人力資源,同埋想「養兒防老」,係求有回報嘅「投資」,而「養兒防老」呢個心態去到現代社會都仲係比比皆是,即使自己明明冇乜經濟能力,都要生好幾件,窮有窮養,但窮養出來的子女,大個咗都係會被要求「報親恩」,要「還」,要孝順,要滿足父母期望,因為父母辛辛苦苦養大你... 但其實,生仔係一個「conscious choice」 ,辛苦係必然,付出係必然,day one就應該預咗,但回報就如同買股票咁可升可跌,不過好多父母都唔會咁諗,都係輸打贏要居多,情感勒索仔女嘅比比皆是,一句「我咁辛苦養大你」就好似大晒咁。


所以,我覺得唔好畀人哋所謂「有仔女人生先圓滿」之類說話,令你覺得唔生就係少咁D嘢,其實講得出呢D說話/有呢種思想嘅人,都係自私到不得了,淨係諗自己。想自己「人生圓滿」,想自己開心,所以生一件出嚟圓你嘅心願,如果你有心理同實質(如金錢)準備,去為呢一個生命負責,唔好求任何回報(有係bonus),咁都還好,因為呢個生命嘅來臨,就係為咗圓滿你嘅欲望,佢冇要求出世,佢冇要求做你仔女,完全係你有意識之下單方面嘅選擇,係你欠佢多過佢欠你,佢真係唔孝順,讀唔成書,你老咗佢唔養你/無能力養你etc etc... 你都要無怨無悔,你問自己做唔做到先,做唔到就唔好生。


大部份人都係有所謂「圓滿家庭」「完整人生」嘅想法,但呢D想法只係人一直以來被上一代/社會貫輸嘅想法,就好似以前細個你都係被告知幼稚園>小學>中學>大學>搵份好工(最好就做醫生呀律師呀,搵好多錢就最好)>結婚(女嘅仲要做好嫁個有錢人)>生仔呢種既定公式/人生路,好似是但一樣做唔到就係失敗就係唔圓滿,但如果你稍微有自己想法,獨立批評思考,你就會對呢D想法提出質疑,點解一定要係咁?點解人哋同你講係咁就係咁?


我而家都30中,但我身邊熟嘅朋友,生咗嘅唔多,以往我有朋友生仔,我都好平常心(可能當時我未到30中),但最近有個由細識到大嘅朋友生咗,我又到咗再唔生就變「高齡產婦」嘅關口,我的確係會諗多咗生唔生好,加上佢又好鍾意咩都拉我落水同我比較,搞到我好驚同佢有任何交流,好驚佢又會講埋D「女人要生咗仔,人生先完滿」呢D說話畀我聽(之前佢結婚已經成日同我講呢D嘢),所以我唯有係唔同佢交流/見面,我唔想畀人影響,畀人用佢嘅選擇同標準去量度我,去講到我係「有缺憾嘅女人」咁。


不過近年我父母都有催我生,我唔可以避開我嘅父母,所以都幾困擾,但somehow佢哋越催我,就越令我堅信我頭先所講嘅,嗰種情感勒索,嗰種強加於下一代嘅期望... 我唔想延續落去。其實佢哋講點解想我生嘅理由,都離不開係話生咗開心D,圓滿D之類,同埋「佢哋想」都係一個理由,我真係想問佢哋,咁我生係為咗令你哋開心?定為我自己開心?但好似冇人諗過生出嚟嗰件開唔開心... 其實真係從來冇人諗過架,個個都淨係諗自己,我費事同佢哋講太多道理,求其講話我好窮,無錢養,佢哋都係話「窮有窮養」,唔使好多錢,佢哋都係咁養大我三姊弟(我都係公屋出身,最窮時試過要攞綜援),仲講到好自豪咁,我心諗,就係因為你哋冇資源養我栽培我,我成長中先有咁多遺憾同缺失,但我嘅唔開心佢哋唔會知,只係因為佢哋好彩,我哋三姊弟都算孝順讀書算叻大個咗又自己照顧到自己唔使佢哋粗心咋,但佢哋就覺得自己好成功好大成就了。我同自己講,如果我有信心唔將呢個循環延續落去,如果我能力對呢個我為咗圓滿自己人生而生出嚟嘅生命,呢個決定,負上全責,不求回報,不求佢再滿足我其他欲望,我先會生。



引用:
原帖由 KearaAlyssa 於 2021-6-14 06:26 PM 發表

其實有冇諗過,生仔係一個幾自私嘅行為,以前D人務農,生仔好大原因都係想增加「勞動力」,男丁可以幫手耕田,生女就洗衫煮飯同繼續做生仔機器... 其實從來都係一種人力資源,同埋想「養兒防老」,係求有回報嘅「投資」,而「養兒防老」呢個心態去到現代社會都仲係比比皆是,即使自己明明冇乜經濟能力,都要生好幾件,窮有窮養,但窮養出來的子女,大個咗都係會被要求「報親恩」,要「還」,要孝順,要滿足父母期望,因為父母 ...
多謝分享🙏🙏 本身無樓留比佢. 錢又唔多, 又唔識教, 生一個又覺得得佢一個好慘咁, 都唔應該為左自己去生小朋友.



提示:支持鍵盤翻頁左 右
[按此隱藏 Google 建議的相符內容]