• 瀏覽: 1,249
  • 回覆: 7
[隱藏]
三年前 係交友app識到你
仲記得當時我地大家都有男女朋友 我地當時各自經歷緊唔同既問題
所以係果段時間變成大家既傾訴對象
我地大家當時係好安份守己 食過幾次飯 局限於大家互相訴苦既對象
而我都係你有新對象離開 以免你新伴有任何誤會

三年後我地撞番 我用另一個名字去接觸你 我單純想知道依幾年過成點 完全無諗住約見你 大約一個月之後 你開始好奇約我出去食飯一次二次三次你幾乎將你每一次的假期比左我我一次又一次扮OT 你都堅持等左幾個鐘 我開始好驚再係甘會浪費你既時間 你每一次都同我講唔緊要做野要緊你都係放假走圍行下有一日我放工經過你屋企附近自己一個擔心左好耐係度諗同唔同你相認好呢你知我一直呃你你會唔會嬲呢最後我都做左個決定同你講其實我係3年前識你既一個女仔 果晚我地係你屋企樓下相見番 我好開心 因為我見到你係由心而發 開心見番我 我地果晚一齊係茶記食宵夜果種有D熟悉又有D重新認識既感覺 好特別 食完飯 我地坐係小公園 傾左幾年前既野 同樣都傾下幾年之後大家既轉變 果晚返到屋企 你仲係好似個小朋友甘 同我講 真係諗唔到可以撞番大家好有緣份你仲係覺得好興奮

果晚之後我地一直保持住每日都MSG傾電話,你比起3年前細心左好多, 我傾電話既時候咳左下,你格左一日就拎雪梨水過黎我公司; 我話成日坐係office腰都痛, 你說去買個腰墊; 我唔識睇google map 你放工之後等我 送我去目的地; 傾電話既時候講起我地3年前有個小學雞既澳門旅行未去, 你有二話不說甘,去訂飛,當我同你講我最近鐘意左跑步, 你又自己做驚喜, 送件運動衫黎公司。所有野我無表現得好興奮,但其實我每一件都覺得好窩心。我叫你唔使對我甘好, 你永遠都話好朋友呀MA, 係我做自己鐘意既事,叫我唔使唔好意思。

一日又一日甘過, 直到臨近你生日, 3年前我地都曾經一齊慶祝過你既生日,當時你28歲,三年後我地一齊留係屋企煮飯食, 果晚見到你成日都會有D灰諧既動作,係減低我係你屋企既不安感,由準備到食飯,一直好好地, 對不住果晚我做錯左決定,你哄我玩,我就捉住你隻手咬你, 果下你鍚左我塊面,我無抗拒,果晚我地無做其他野,但之後我地關係改變左甘, 我地出街會拖手鍚鍚,唔飲酒既你因為我簡左間酒吧形式既餐廳你會陪我去; 你會專登送我返屋企 。不過由始至終都無確立過大家既關係。我地一齊MSG一齊傾電話 ,你返工捱通宵既時候,永遠都會打過黎,陪我傾兩句,叫我唔使等,訓先。我都好迷惑,你做既所有野係咪對我朋友甘簡單,曾經趁你訓左,我MSG你,問你其實有無鐘意過我,但我好驚 個ANSWER唔係我想要既 我當下BLK左你 你永遠都會好緊張MSG我 打番比我 搵番我 叫我唔好做埋依D野。 我一直以為你有日會同我講我係好重要,你唔捨得我消失。
直到唔知幾時你開始抽離,我去到果刻我都無勇氣去再問你,我地係咩關係,點解你每份每秒都會應我, 每日每晚都打比我,點解每次放假你都會約我。不過我開始意識到我地既關係,有日會變得更遠,所以我更加珍惜你每晚打黎,珍惜每次約我,珍惜你每次拎比我既野。因為我知道我地關係遞減緊。而我忍住心痛同不捨得,我努力去改變,去適應做個最普通朋友的位置。

直到對上兩星期,我大約估到你有新目標,我不停問自己係咪應該放你走, 定應該趁最後既機會同你講清楚呢。我問你係咪有野唔開心有野想講係我希望你可以同我親口講你沒有你叫我唔好講你唔想聽果個星期我選擇左消失你照樣有MSG我 但你偷懶左定覺得無意思 你無打比我 你反而SD左個MSG比我 你問我係咪唔想再搵你 我當下諗如果我話係 你係咪就打算由我離開 我甘努力去做番朋友既角色原來我唔係

其實我內心想同你講 但我諗無咩機會 都無勇氣同你親口講既

如果你屋企 工作上有煩惱
就算我幫你唔到 我都會隨時聽你講聽你呻 無論如何都會企你果邊

如果你係有野唔知點同我講 甘我同你講 做個你認為最開心既決定 我依個臥底無咩大志由頭到尾都只希望你過得開心甘簡單如果要放低我先會開心D 我幫你簡 放心 放低我 我承認我一定會好失落難過 比3年前我知道要放低你果陣難過好多可能要捱過一段唔開心唔習慣既日子可能仲係好想攬住你等你去安慰我同我講無事嫁仲係度依d說話 不過最後我決定簡你開心 因為我無唔記得自己點解要同你重遇 果一晚既決定 無論係依刻係岩定錯我都好珍惜3年後可以再同枱食飯 3年後重新認識一個人好難 可能我真係好蠢 一時樂極忘形 唔記得有日都要歸於原狀

對一個人好無限期 但我同你之間唔知由幾時開始掛勾左限期 所以我會儲每樣你比我既野每次見你我都會偷偷影低我地食咩偷偷影低你d醜態 偷偷mark schedule記低幾時見過你 因為你講過 到你捨得既時候 又或者淡左 就係我地既最後一次  我從來唔知邊一日係最後果一次係果日之前自己其實仲有咩未講未做我為左令自己可以適應有日可能無你係身邊陪我為左唔使接受有日你同我講係時間走又或者好似依家甘你要離開喇所以出現一次又次離家出走

同時我都好努力學習做番個簡單 無期望既我  每次你揸車送我返屋企 我都同自己講 夠喇 到你有日到你離家出走 我一定要笑住同你講我無事我真係可以好好照顧自己

多謝你陪左我甘耐 依段時間我真心每一日都過得好開心 時間好似特別容易過返工放工每一日起身等你既msg 同夜晚打電話叫我好似變左route 習慣甘 我開心享受同時 其實都希望電話另一邊既你都一樣多謝你每日陪住我特登約我去過街食過既飯格離電話唱過既歌一切既野離開之後我都會記得只係隨住日子有新生活之後收埋左個腦平時唔察覺既位置

我既出現 係陪住你 令你係工作上有壓力既時候同樣覺得返黎 有個人 會令你覺得舒服開心所以如果我離開你會有新生活有更好既人同事令你繼續可以開心期待既我地又講再見喇因為令你開心依個先係我出現同最後留低既原因要同你講最後一個再見喇我刪除晒我地既msg喇 放心 我永遠都唔會出賣你 最近同你講左好多次掛住你 我終於有充份既理由 同你講 我掛住你 =D

你過得好,和你在我身邊 我永遠選擇前者
我情願離開 都不想成為你既壓力



引用:
原帖由 yanki000000 於 2020-8-10 05:49 PM 發表

三年前 係交友app識到你
仲記得當時我地大家都有男女朋友 我地當時各自經歷緊唔同既問題
所以係果段時間變成大家既傾訴對象
我地大家當時係好安份守己 食過幾次飯 局限於大家互相訴苦既對象
而我都係你有新對象離開 以免你新伴有任何誤會

三年後我地撞番 我用另一個名字去接觸你 我單純想知道依幾年過成點 完全無諗住約見你 大約一個月之後 你開始好奇約我出去食飯一次二次三次你幾乎將你 ...
可以傾下計嗎?



回覆 引用 TOP

提示: 違規內容已被屏蔽
提示: 作者被禁止或刪除 內容自動屏蔽
[隱藏]
樓主,睇得出你依然不捨
睇完你片文章,我反而想喊
早兩日分手我都喊唔出,我以為自己唔係太傷心,原來唔係,見完你的回憶,再回想起自己的境況,感覺你比我更堅強呢,加油!!!
你會找到個更好的



嚴禁宣傳,再違者永禁

回覆 引用 TOP

其實咁樣你對佢好唔公平,你已經前設晒佢嘅諗法,一切都係你"以為"
感情係兩個人嘅事,點解你做晒決定?!唔問清楚佢諗法?!



一個打唔開的鎖,一條未琢磨的匙

回覆 引用 TOP

字數太多,看了一點,感覺樓主是個有故事的人


回覆 引用 TOP

提示: 作者被禁止或刪除 內容自動屏蔽
[按此隱藏 Google 建議的相符內容]