• 瀏覽: 39,898
  • 回覆: 130
  • 追帖: 12
[隱藏]
故事既背景係辦公室,一男一女,男30+已婚,女25+未婚 (純粹分享下我所見所聞)
先講男 - 幾年前有一位30出頭男同事(C君)加入公司,一般高度約175,身材非常SLIM,白過好多女人,佢鍾意聊人傾計,公司上下連個清潔阿姐都鍾意佢,佢好鍾意請人飲咖啡,尤其係女同事,每星期都會約同組既女同事一齊落樓買咖啡,買完唔會收錢,我有時亦會搭單買,但會比番錢,佢亦會收既。男同事初入公司時成日都會提到佢個靚女女朋友,聽佢講佢女朋友係某會計師樓既公司之花,後來食LUNCH撞到佢地撐枱腳,都真係好靚女,白白淨淨,瓜子口面。當時C君入職無耐已經計劃結婚,開始籌備,期間仲同女友一齊去旅行,在FB開心SHARE旅行靚相,一直都以為佢只係愛同女同事SOCIAL打好關係。直至入職第2年,最強小三出現左...

最強小三(X小姐) - 呢位女仔細C君8年,入職果一年約25歲,係老闆朋友既女,在內地出世,去左外國讀左八年書,屋企有D錢,嚟左我地公司掛名做個助理既職位。因為係經老闆入職,好自然要照顧下呢位有VIP待遇既X小姐。佢未入職前我就打去問佢幾時想番工呀? 佢就比左個日子我,咁好啦我就幫佢安排宿舍啦公司張枱既電腦之類既嘢,到差不多番工日子啦,佢有日打比我就話佢老豆想佢陪佢過節(印象中係大陸假期),我心諗:你LIKE啦,你個位都係掛名,可有可無既。可能因為佢態度有D懶散,所以一開始覺得佢都係嚟HEA既。到左佢指定既日子,終於見到X小姐真人,個樣唔靚,D頭髮因為漂染過度好DRY好似堆草,不過皮膚好白,所謂一白遮三醜,又廿幾歲,所以唔可以話人醜。X小姐為人大方,又係好鍾意請人食嘢,每日都買一大堆零食請大家食,性格比較活潑,好愛笑,好易相處,同事都當佢小妹妹咁。

C君好快同X小姐熟絡左,每日都會一齊落樓買咖啡,X小姐有時會埋大家食蛋撻,開頭我以為佢地只係比較熟絡既同事關係,因為C君一直在籌備婚禮既事,間唔中都會呻下女方家長要求太多,日日都要加碼,搞到佢壓力好大。而X小姐本身同太子女熟,所以好多時佢公司週圍撩人傾計講笑唔做嘢,大家唔會出聲,佢有次公開表示鍾意公司其中一位已婚高層,話揀老公要揀呢一種,仲幫果位高層起左個好肉麻既花名在背後叫佢。公司既人只當佢講下笑當佢天真無邪,點知果位高層有一日生日,X小姐整左個心型蛋糕比佢。仲買左D超級貴既配料當裝飾咁放左蛋糕上,我記得當日果位高層好忙,成5點幾先番到公司,X小姐等佢切蛋糕等到無曬MOOD,有D老羞成怒,後來無等個男主角番嚟就切左蛋糕分左,只剩左一件比個高層,個高層後來番嚟就食左件蛋糕,由頭到尾都唔知個蛋糕係X小姐整,亦唔知道個CAKE係心型既。可能係因為咁,佢就將視線放在同佢好夾得來既C君身上。

C君好順利咁結左婚,請左大部份同事去飲,當然,X小姐都有去,記得X小姐當日著一身黑色貼身露背裙去贈慶,同其他同事玩得好HIGH。估唔到,C加並沒有因為結左婚已收心養性,係反而更大膽更張揚咁同X小姐在公司辦公時間內打情罵俏。我地有事搵X小姐時係要去C君個位去搵佢,個X小姐唔知係咪遺傳左佢父母既腳骨力,可以一直挨在C君既位上面望住佢做嘢,有一次,我見到X小姐同C君按摩,不時發出一D好高音既笑聲,好似好想全世界都知道佢地有路咁,講真,我個位就在佢地前面少少,我內心係厭惡既,因為我當時有男友,我亦怕男友咁樣背叛我。每一日,只要C君在,X小姐都會NON STOP咁ATTACH在C君個位度,有一次大廈停廁所水,我地要落樓到商場搵廁所,我見到佢地兩位一體咁在樓下一間SHOP裡面攬住一齊,好似好X相逢恨晚咁。

跟住,我不斷聽到公司裡面有同事都在不同地方發現佢地一齊,當然,佢地兩位因為人緣好,同佢地有交往既同TEAM同事一如以往咁扮見唔到,有部份人仲不斷鼓勵製造機會比佢地,例如一齊請假去大陸飲內地同事結婚酒咁。有一次我真係忍唔住問其中一位同佢地熟既女同事點解要鼓勵佢地一齊,個女同事話:哎呀...感情呢D嘢真係好難講架...EE 哦哦咁過左去...其實呢位女同事都結左婚,難道佢老公第二時出去搵小三佢都可以咁講咩? 响呢件事度我最睇唔過眼既就係呢班無立場無道德既同事,人地偷食你可以唔理當唔知,因為唔關自己事,但專登去製造多D機會比佢地相處,變相鼓勵佢地偷情係乜嘢心態? 唔怕會有報應架咩?

呢種日日被迫睇男女偷情戲碼既日子我過左年幾,深深感受到咩叫做世風日下道德淪亡。不過,花無百日紅,可能佢地真係太過恃無忌憚,竟然連大老闆都知道左,就係咁,一男一女相繼咁"被辭職"。而我亦終於可以恢復平靜既日子。今日得知,C君原來已經離左婚,相信都係因為佢老婆得知左呢件事。我深深咁祝福佢老婆可以搵一個尊重佢愛佢既男人,而另外兩位則請佢地自求多福啦。

[ 本帖最後由 noturningback 於 2017-8-24 11:14 AM 編輯 ]



搞到甘揚好難唔知... 離婚係正確


引用:
原帖由 venuslo1216 於 2017-8-21 05:55 PM 發表

搞到甘揚好難唔知... 離婚係正確
想唔離都唔得啦



最憎依d人!仲要做到甘揚真係唔要面。


[隱藏]
 
引用:
原帖由 Junko_86 於 2017-8-22 10:41 AM 發表

最憎依d人!仲要做到甘揚真係唔要面。
我都好憎, 但又攞呢D人無辦法, D男人係要中個頭埋去...



回覆 引用 TOP

我喺舊office都見過類似咁嘅男女,
個男結左婚,又係成日將個老婆掛口邊,
個女嘅就後生廿零歲新入黎,
成日要「痴」車坐(個男嘅有揸車返工),
坐坐下就自己買埋樽香薰擺喺人地架車,
成日「挨」喺個男嘅位度傾偈同按摩。
依家咁嘅情況都好普遍,
OFFICE好多後生女都唔介做依D野咁。



引用:
原帖由 sinchau 於 2017-8-22 03:43 PM 發表

我喺舊office都見過類似咁嘅男女,
個男結左婚,又係成日將個老婆掛口邊,
個女嘅就後生廿零歲新入黎,
成日要「痴」車坐(個男嘅有揸車返工),
坐坐下就自己買埋樽香薰擺喺人地架車,
成日「挨」&# ...
D女仔諗緊乜...



回覆 引用 TOP

個故事度幾長盡,不過,真心覺得最有趣系個結尾;

不過,花無百日紅,可能佢地真係太過恃無忌憚,
~~~ 竟然連大老闆都知道左,咁都系同佢個FRIEND同個女講叫佢辭職啫?
~~~~ 一男一女相繼咁"被辭職"?  樓主confirm? 定估?
~~~~~ 而我亦終於可以恢復平靜既日子 ...  果兩位做咩,其實同樓主無咩關系呀 .. 似系你自已『被打擾』
~~~~~~ 今日得知,C君原來已經離左婚,相信都係因為佢老婆得知左呢件事。我深深咁祝福佢老婆可以搵一個尊重佢愛佢既男人 ~~~ 做咩咁關心人地前妻?
~~~~~~~ 而另外兩位則請佢地自求多福啦。... 佢地可能結左婚囉。
引用:
原帖由 noturningback 於 2017-8-21 03:40 PM 發表

故事既背景係辦公室,一男一女,男30+已婚,女25+未婚 (純粹分享下我所見所聞)
先講男 - 我係資深員工(OVER 10年),見過公司好多人好多事,所以同大家都一直保持友好,唔會太熟亦唔會變仇人。幾年前有一位30出頭男同 ...



引用:
原帖由 buleo0 於 2017-8-22 05:57 PM 發表

個故事度幾長盡,不過,真心覺得最有趣系個結尾;

不過,花無百日紅,可能佢地真係太過恃無忌憚,
~~~ 竟然連大老闆都知道左,咁都系同佢個FRIEND同個女講叫佢辭職啫?
~~~~ 一男一女相繼咁"被辭職"?  樓主 ...
我在同一公司 親眼見到 男先辭職 跟住大老闆請左女仔家長上嚟傾計 無幾耐個女仔搬出宿舍兼無做啦 但仍然同太子女做朋友 至於大老闆點得知呢件事就真係唔知 至於我同佢前妻都見過面 佢都有請我飲 我只係可惜個女仔唧 一開始我都講左係純粹分享 其實唔止我投訴佢地影響我工作 連其他同事都會被影響 例如你同客講講下電話 佢地倆個無啦啦會大聲笑 好似係女仔比人吱 笑到騎騎聲 連電話另一邊都聽到 呢啲情況係日日都發生 唔煩就奇!

[ 本帖最後由 noturningback 於 2017-8-22 07:28 PM 編輯 ]



[隱藏]
 
好過我前上司同佢小三。這件事是我轉部門後聽舊同事講的。小三係我的舊同事年約三十幾四十,我知道的係佢有三個小朋友加一個孫,有男朋友或丈夫(我唔知咩關係)。上司果老婆太不多成日見因為佢係同公司另一部門的主管。我地員工知道倆公婆係非常之恩愛的。所有人都唔知發生咩事有日佢就同小三非常光明正大一齊返工等。後來先知佢地玩地下情成年幾兩年,仲同老婆辨緊離婚tim。不過最少佢地三個無係公司開片,私底下就無人知。


關你9事咩,睇唔過眼咪去踢爆佢囉


引用:
原帖由 noturningback 於 2017-8-21 07:29 PM 發表


想唔離都唔得啦
大陸妹大把錢,怕咩



回覆 引用 TOP

硬膠膠,玩還玩,玩到通街都知,百痴有個普。


回覆 引用 TOP

引用:
原帖由 noturningback 於 2017-8-21 03:40 PM 發表

故事既背景係辦公室,一男一女,男30+已婚,女25+未婚 (純粹分享下我所見所聞)
先講男 - 我係資深員工(OVER 10年),見過公司好多人好多事,所以同大家都一直保持友好,唔會太熟亦唔會變仇人。幾年前有一位30出頭男同 ...
好長! 冇心機睇  可唔可以直接講重點



回覆 引用 TOP

[隱藏]
 
引用:
原帖由 noturningback 於 2017-8-21 03:40 PM 發表

故事既背景係辦公室,一男一女,男30+已婚,女25+未婚 (純粹分享下我所見所聞)
先講男 - 我係資深員工(OVER 10年),見過公司好多人好多事,所以同大家都一直保持友好,唔會太熟亦唔會變仇人。幾年前有一位30出頭男同 ...
雖然你篇都幾長,不過我都睇晒,發覺你都是一個有主見的女孩。但希望你唔好對婚姻存在太多期望!最重要結了婚都要有自己的事業,不要太依賴老公。



回覆 引用 TOP

提示:支持鍵盤翻頁左 右