[按此打開]
[隱藏]
人到中年就嚟五張了,已有穩定另一半,但仍會記住當年初出茅廬第一份工某女同事。
當時日日見到佢,返工都會好開心,後來佢嫁左人離開香港,同佢已超過廿一年冇聯絡。
佢個英文名喺香港好少女仔改,外國人就間中會見到,每次睇電視或電影,見到有運動員係呢個名,有角色起呢個名,出字幕有工作人員用呢個名,個心都會有異樣感覺。
由於佢個英文名香港少人用,加埋佢個姓都唔係最大路嗰啲,所以一搵就搵到佢facebook,但都冇勇氣同佢聯絡,或了解佢近況,或者就讓我地今世嘅交集,結束於廿一年前最後一次聯絡吧!