• 瀏覽: 147,380
  • 回覆: 257
  • 追帖: 31
  • 分享: 50
今天是我生命中一個非常低落的日子……由15/9得知右邊卵巢生咗個8.6cm泡泡,今日約睇婦科醫生,醫生話比我知個泡泡有8.2×5.6×6.7咁大,入面唔只有液體,仲有組織,佢話手術要我右邊卵巢連輸卵管全切,因個泡泡情況唔樂觀,有機會係癌症,所以佢話個手術費連化驗基本要20萬,對無買保險嘅我係困難……雖然可以負擔到……但擔心真係癌症,日後嘅化療費用先係最恐怖,醫生好好人,即時寫咗封緊急轉介信比我去公立醫院排期……但個期係2019年……我覺得真係好委屈,我今年只有27歲,剛結婚,一直都想要生小朋友,點解會發生喺我身上,如果真係癌症,其後嘅化療,會影響我淨底嘅左卵巢……我覺得好絕望……今日聽到醫生咁講,好似判咗我死刑咁,我難過到喊唔出,成個人呆咗,一直陪住我嘅老公就扮淡定,我知佢都好震驚……

[ 本帖最後由 一問搖頭三不知 於 2016-10-11 07:55 PM http://i.discuss.com.hk/d/images/r10/androidD.jpg 編輯 ]



師姐
你要好好振作



提示: 作者被禁止或刪除 內容自動屏蔽
加油!!!


[隱藏]
鎮定D. 搵多兩三個醫生拎意見。
好似有d個案係中西醫都睇,結果係縮到無或者縮到好細。
就算真係切,都仲有一邊,可以生架。
唔好嚇自己,加油加油加油!



昨天做了癌細胞血液檢查,星期二有結果


師姐,知道你呢個時候會擔心會好多野諗,慢慢黎丫

錢方面係最不應該要擔心,若身外物可換取健康毫不考慮。

至於手術同之後跟進治療,建議點都問多一個醫生意見先,身邊有無信得過既人可介紹呀?

公立果邊,第一次拎轉介信去真係排好耐的,如之後有化驗報告/多一封醫生信,可以去煩多幾次講到緊急啲佢可能會俾個快啲既期你既。

呢個時候 放鬆心情最緊要。祝福你健康平安,小小問題好快解決。



引用:
原帖由 迪b 於 2016-10-1 03:46 PM 發表
師姐,知道你呢個時候會擔心會好多野諗,慢慢黎丫

錢方面係最不應該要擔心,若身外物可換取健康毫不考慮。

至於手術同之後跟進治療,建議點都問多一個醫生意見先,身邊有無信得過既人可介紹呀?

公立果邊,第一次 ...
你講得啱,錢用咗可以搵返,用錢買健康,但做完手術,化療嘅部分可以返公立醫院做嗎?



樓主 我今年得24歲 未婚
兩邊卵巢都有卵巢瘤
也切了一邊卵巢!
樓主定d黎!
如果你年輕未曾生育
醫生會幫你盡量保留
記住手術前要同醫生講自己既意願!
公立醫院個期唔洗驚
初頭預約個期一定係咁遲因為多人輪候
但醫生會每個新case review
如果真係衰野 個期會提早嫁!



[隱藏]
引用:
原帖由 CCTVTVB 於 2016-10-2 04:18 PM 發表
樓主 我今年得24歲 未婚
兩邊卵巢都有卵巢瘤
也切了一邊卵巢!
樓主定d黎!
如果你年輕未曾生育
醫生會幫你盡量保留
記住手術前要同醫生講自己既意願!
公立醫院個期唔洗驚
初頭預約個期一定係咁遲因為多人 ...
請問你還記得,當時照陰超時,個瘤係全黑色,還是裡面有白色陰影?而且我一直都唔痛,你會痛嗎?



引用:
原帖由 zoroaster 於 2016-10-1 04:07 AM 發表
鎮定D. 搵多兩三個醫生拎意見。
好似有d個案係中西醫都睇,結果係縮到無或者縮到好細。
就算真係切,都仲有一邊,可以生架。
唔好嚇自己,加油加油加油!
放鬆地,保特心情呀,你還年輕,身體好快好回,祝福自己,唔好好疢,家裡人有沒生癌,因我很明白你的心情,我也是上年全切除卵巢,唔過我年記大你一半,我祝福你身體健康先,加姓呀係加油!

[ 本帖最後由 787960 於 2016-10-2 05:15 PM http://i.discuss.com.hk/d/images/r10/androidD.jpg 編輯 ]



引用:
原帖由 787960 於 2016-10-2 05:09 PM 發表



放鬆地,保特心情呀,你還年輕,身體好快好回,祝福自己,唔好好疢,家裡人有沒生癌,因我很明白你的心情,我也是上年全切除卵巢,唔過我年記大你一半,我祝福你身體健康先,加姓呀係加油!
多謝祝福!
雖然家裡無人患癌症,但我亦唔放心,因家族入面都無人有甲抗,而同樣不幸地我亦患有甲抗,所以心情很不安



引用:
原帖由 一問搖頭三不知 於 2016-10-2 04:48 PM 發表



請問你還記得,當時照陰超時,個瘤係全黑色,還是裡面有白色陰影?而且我一直都唔痛,你會痛嗎?
我是照transabdominal既超聲波 據說好似無transvaginal咁準既!
我唔記得入面咩色 但我粒瘤唔係空心果d ultrasound同CT都照到係畸胎瘤黎
我有痛的
樓主你有無照CT? 如果懷疑係衰野CT report 可能會suggest埋!
其實最初我都好擔心係衰野
但當時我安慰自己 如果係衰野都無辦法 我不能改變事實 只要有得醫我會盡力去醫返好 要記住有好多人連接受醫治既機會都無 又或者年紀太大了唔敢搏 也想想好多年紀比你大拼了命都要去做手術和化療 佢地都捱得住 自己咁年輕點會捱唔住!至於生育果方面 初頭醫生話係衰野就有機會要全部切哂佢 我都好擔心我都好想生小孩 但其實諗深一層條命仔緊要d 生育都係其次!而且我相信有無小朋友是註定的 有好多夫婦有完整的生殖器官努力很久也沒有小孩 而我媽媽係只有一邊卵巢的情況下意外有了我! 樓主你千萬唔好放棄自己 要積極去面對!

[ 本帖最後由 CCTVTVB 於 2016-10-2 06:10 PM http://i.discuss.com.hk/d/images/r10/iphoneD.jpg 編輯 ]



振作振作!!!


[隱藏]
我當年29歲,驗出惡性畸胎瘤,初初去照已話我知個瘤實心,唔係好野
手術割左一邊卵巢連輸卵管,之後做左化療
依家過左幾年,我結婚了,仔都生埋
所以樓主唔使太擔心,加油!
引用:
原帖由 一問搖頭三不知 於 2016-9-30 11:10 PM 發表
今天是我生命中一個非常低落的日子……由15/9得知右邊卵巢生咗個8.6cm泡泡,今日約睇婦科醫生,醫生話比我知個泡泡有8.2×5.6×6.7咁大,入面唔只有液體,仲有組織,佢話手術要我右邊卵巢連輸卵管全切,因個泡 ...



鍵盤翻頁
左右
[按此隱藏 Google 建議的相符內容]