• 瀏覽: 2,434
  • 回覆: 11
[隱藏]
一年前經朋友介紹識左個男仔,佢大我2歲,34歲。佢個人無乜點,成日都無所謂。佢都好大方,出街會送我番屋企,食飯佢掙住俾錢。其實有時都吾係幾好意思,有時我都會請番佢食飯。因為我覺得佢吾係搵好多。佢係做地盤整嘢的,一千蚊一日。佢一個人要養佢媽同老豆。本身都覺得佢幾好,幾友善,但相處耐左,發覺佢真係好單純,思想好簡單。經常出街,佢都講佢自己外表好細個吾似30幾歲。佢啲同事話佢好細個吾似30幾歲。我同佢講30幾歲男人,個樣後生吾後生作用都吾大,人哋話你細個都不一定係好事。佢又吾明,成日覺得佢好後生。其實點解啲人會覺得佢細個,吾似30幾歲,我覺得可能,因為佢矮細,因為佢啲同事都好高大,肥,而佢只有160cm同我一樣。而且細粒。我又吾好意思直接同佢講。同佢出街,有時好貴,幾千蚊的嘢都會買俾我,叫左佢吾好買,又會買,買左但我又無用處。佢覺得係佢嘅心意,吾好講用處同價錢,但我覺得無謂用錢去囇,佢成日都話錢無左可以再搵。所以成日都曹呢樣嘢,佢送花我又吾鍾意,因為我覺得無乜作用,又無地方放。話佢又係曹話我咩都講錢。我都係吾想曬你錢姐,佢又係話錢無左可以再搵。我覺得又吾係搵得多,得兩萬幾一個月,又辛苦。其實佢覺得佢份工好似好自豪。有幾次傾到啲朋友現時嘅小朋友,有啲幾歲都要好多班要讀,有啲又要英文,補習,琴,好多,樣樣都係錢,又要教,教吾好真係兩公婆都大壓力,但佢就好自然咁講,男人應該無教小朋友壓力架,男人負責搵錢咋。教係女人的責任。邊有父母想個小朋友讀吾成書,時代都吾同,讀吾成書出路好小。佢覺得讀到中三,做地盆一樣可以搵到份大學生的人工。李嘉誠一樣搵咁多錢。所以吾一定讀好書。邊有人一開始就咁樣唸法。有次我要申請個公司銀行戶口,但趕著用,又未得,佢就提意我同我朋友的公司戶口一齊用,我就同佢講,錢係吾可以同朋友同一個戶口,免得有喊叫,佢就覺得無所謂,係我睇錢睇得太著緊。所以我地好多睇法都吾啱。我有時都吾使番工,佢就話早上喊我起身,我都吾知我都吾使番工,做乜野要喊我起身,好似中學生拍拖咁。佢有次話俾我知,佢啲朋友話佢好純,我話有啲人口裡好聽就純,吾好聽就低能。佢就覺得我話緊佢。我同啲朋友食飯,佢又覺得我同啲男仔食飯,夜晚用whatapp佢又覺得我同男仔傾計,其實我好少男仔朋友,只有幾個男仔同事,但都係好細個嘅,二十幾歲,講佢又吾信。佢成日send啲無聊嘢想引我笑,例如之前嘅人獸交,個傻佬地鐵燒著個下體,佢就覺得好興奮好好笑,我覺得其實都幾慘一啲都吾好笑,我越來越覺得係好似教緊一個二十幾歲的同事咁。佢就越來越覺得我現實。大家覺得分開係咪最好的選擇?


回覆 引用 TOP

熱賣及精選
覺得可惜,樓主咁識念佢竟然唔識欣賞...雖然揾個溝通到,啱channel既人一定好好多,但樓主都要注意自己既條件有無市場。另外引導佢成熟D,Keep起佢D錢都係一個選項。


回覆 引用 TOP

樓主都係 3 字頭 ?

佢係想對你好 , 但真係太幼稚 , 佢有冇打算將來 ?



睇你有幾愛佢
缺點就肯定人人都有
但呢個男人真心愛你,只是唔成熟,佢大洗無plan,但係佢花錢係因為錫你,思想價值嘅野,唔係一個層次你好難短時間去改變佢,師姐你有同理心,但佢無,所以你覺得慘,佢覺得好笑,呢種價值觀唔係話改就改,你要問你自己係咪願意花時間係呢個男人到,等佢長大,但時間一定係長



[隱藏]
其實大家唔夾。免強冇幸福。

34 思想停留左係20幾碎。  你都32, 唔好晒時間係佢身上了!



回覆 引用 TOP

引用:
原帖由 pinky1010 於 2017-7-26 12:12 AM 發表

樓主都係 3 字頭 ?

佢係想對你好 , 但真係太幼稚 , 佢有冇打算將來 ?
佢覺得結婚生小孩係人生必經的街段,有時叫佢儲多啲錢,佢話佢俾佢媽儲,佢每個月都會俾一萬蚊俾佢媽做所有開支,佢媽同老豆都70幾80歲,無工作,儲都儲得吾多。佢一見到出糧,戶口好多錢就好開心好想買嘢。



回覆 引用 TOP

有時真係覺得嬲嬲地,佢同我講話今日去朋友家,在露台聽到個男仔大喊,吾想遊水,過左陣,佢地同個男仔同一部電梯,佢話佢喺度玩嘢,扮番個小朋友啱啱咁喊,吾想遊水。佢個刻好開心,好興奮。我聽落真係吾知俾咩反應。


回覆 引用 TOP

引用:
原帖由 崖上的妹頭 於 2017-7-26 12:22 AM 發表

睇你有幾愛佢
缺點就肯定人人都有
但呢個男人真心愛你,只是唔成熟,佢大洗無plan,但係佢花錢係因為錫你,思想價值嘅野,唔係一個層次你好難短時間去改變佢,師姐你有同理心,但佢無,所以你覺得慘,佢覺得好笑 ...
我成日話佢買佢買咁多嘢,送咁多嘢俾我曬錢,我都無用嘅,我真係肉痛佢用咁多錢,佢話佢每一樣野出發都為我去唸,我話你為我唸就應該由我的想法出發,我都無用買嚟做咩!佢話吾係所有買嘅嘢都要有用。佢話佢珍惜我佢想逗我開心。所以吾好咁著緊啲錢,錢無左可以再搵。



回覆 引用 TOP

其實你都咁反感,你已經失去左耐性,咁不如早啲分,價值觀嘅野,一就佢就你,一係你就佢,既然就唔到,就唔好晒時間


回覆 引用 TOP

[隱藏]
性格單純冇咩心思其實係一件好事黎,
你唔洗對佢猜忌太多,諗佢有好多野收收埋埋。
女人不嬲自覺思想上比同齡男人成熟,
但有時相處愈耐,或者你會發現佢有你未知而又好有理想既一面。
佢唔同你計較錢,你可以話佢冇金錢觀念,
但另一方面其實又意味左佢重人情輕金錢,認為值得既就唔計較金錢付出多少。
你想你另一半緊張錢多過你定相反?

你視為既缺點部分,係人地眼中可能係優點。
如果你覺得你唔識欣賞,就不如早點放手揾個對你黎講思想同你同步既男士



回覆 引用 TOP

其實接受唔到咁唔識諗既男友,成日覺得佢幼稚,不如分開
價值觀好難改變,佢覺得冇問題,定型左係咁,你一係接受一係搵另一個男人

成日為左佢既缺點而嘈,之後都係會對佢既行為思想睇唔過眼,冇謂令佢同你浪費時間,分開啦

你都32,佢都34,唔合適就分開,唔好因寂寞而錯愛



回覆 引用 TOP

同你做朋友可以嗎?


回覆 引用 TOP

[按此隱藏 Google 建議的相符內容]