[按此打開]
[隱藏]
男友六年多以來一直對我很好,千依百順的,開口埋口話我係佢一生中最愛忠心於我,當其他女性冇到,我信以為真,豈料上星期我fb彈出一位女名人的專頁,裡面竟有我男友的愛慕留言,再入該專頁細看,裡面多個帖都有男友對該位女名人的讚美留言,留言內容全是樣靚身材正有前有後人見人愛仙女下凡冇得頂由內靚到外珍惜美麗女神honey簡直殺死人😘😘😘❤️❤️❤️😍😍😍.....
睇到男友寫出大堆對另一女人的讚嘆傾慕留言,我感到難受,覺得好disgust!
我沒有對男友發難,但暗示已見到佢在女名人fb的留言,佢解釋話只係覺得女名人好靚好純,對嘢仲好大,所以才忘形地寫下愛慕留言。
男友主動答應我以後唔再讚好女名人或寫任何嘢,又解釋話該女名人只係公仔箱內的幻象,我才是實實在在的人,兩者不能雙提並論。
表面上我扮大方,冇再提起,但內心一直耿耿於懷,每當想起就會唔開心。
我是否太無謂太小器?明知該女名人唔認識更唔會睇上我男友,但現在每當男友讚我的衣著好看又或是個妝化得好靚時,我覺得好刺耳,潛意識裡覺得佢其實在讚緊女名人。
這幾天對男友也冷淡了,可能佢都感覺到,我問自己是否太執著,但此刻係真係好難釋懷。