[按此打開]
[隱藏]
其實拍拖未求婚之前,已經知我未婚妻係個好煩好多要求既女人,但鬼叫我好鍾意佢咩,冇計,唯有硬食。結婚前佢話要買靚屋先肯嫁俾我。好啦,大家死慳死抵,努力工作,再加埋屋企人補貼少少,儲夠首期買到天晉,佢應承嫁俾我,諗住一天都光晒啦,點知原來仲未!
早幾日搞掂晒所有裝修,搬入去住住先(仲有三個月先正式結婚),點知第一日佢就投訴話點解上唔到網,我估啲線未搞掂掛,但佢都炸哂型咁罵點解我搞少少野都搞唔掂。大姐呀,我又唔係寬頻師父,上網嘢鬼識咁多啫,求其搞得掂就算啦,同埋裝修大部分都係我去理晒咁滯,咁細微既嘢可能miss咗好正常啫。最癲既係佢竟然因為咁而發晦氣話唔嫁俾我,仲即刻返左屋企訓,到而家都唔肯睬我。唔知而家點算好