註冊 登入



打印

寄生蟲入宅

寄生蟲入宅 E-mail 此主題給朋友

[隱藏]
首先講一下我屋企成員, 老豆, 老母, 阿哥, 同自己, 十幾年前已經移民左去海外定居。
阿哥同佢依加個女朋友由7~8年前已經係埋一齊, 當時仲係無咩事, 因為佢仲未大學畢業, 無去做野都有藉口,
一開始佢都係一星期來一兩日, 但近幾年幾乎長住係我地屋企, 而佢又唔係無屋企返。

最初佢都會清理返佢自己用完D碗碗碟碟, 但幾年前開始佢愈來愈懶, 成日留低D污糟碗碟係洗碗盤阻住, 好多時候要用跼住要洗埋佢戈份, 最初兩老都話算, 一家人唔好計咁多, 但最近佢地都開始後悔。

3年幾前我地賣左香港層樓, 再係喱邊買左層樓自住, 3房2廳2浴室
間屋我同阿哥2個人名, 我同佢一樣一個月比1萬幾HKD左右家用用作供樓, 而兩老都有出去做野

阿哥女朋友係買樓時已經畢左業, 做係到搵緊工, OK, 但搵到而家都仲未搵到, 佢係讀會計, 會計行業真係搵3年都搵唔到工做?
佢日日好似少奶奶咁坐係屋企遊手好閒, 咩都唔做, 喱幾年來無出去做過野, 連PT都唔去做, 日日係到打機上網玩手機睡覺食, 一毫子家用都無比過

都已經唔期望佢會幫下手做家務, D碗碟用完一樣係唔洗, 佢連自己D野都亂咁放, 成張飯枱有一半係佢D野霸左, 成日食晒我地D野, 又唔見佢有買過返來比我地, 日用品都係一樣

成屋人個個都要返工, 唔洗返工, 有手有腳, 對頭家無貢獻嘅反而係屋企仲舊過我地

上年佢地仲唔知係邊到搵左隻大狗返來, 問都無問過我地意見, 隻狗成日甩毛, 地下又搞到超污糟, 佢成日係屋企居然連抹下地, 吸下狗毛都唔肯, D毛多到連我魚缸入面都有

佢地出去又唔帶隻狗, 隻狗就係到吠到連街尾都聽到, 隻狗成日唔斷線係屋入面亂咁撲人亂咁搞, D狗玩具又係成地都係, 隨時仆死人
我要返夜班, 佢就成日係我訓戈時好似用擴音器咁話隻狗, 又同隻狗走上走落, 都唔知有心定無意

之前阿媽有事要去睇醫生, 想搵人陪, 但成屋人個個都要返工, 阿哥叫佢女朋友一齊去, 佢竟然超唔順氣話"咁去囉, 咪有得隻狗係屋企瀨屎瀨尿囉-"

我本身對狗隻有輕鬆敏感, 佢就成日係我用開戈個廁所同狗沖涼, 第2個廁所佢又掛D底橫係到

佢依加多左隻狗仲加大把藉口唔去做野, 日日好像寄生蟲咁坐係屋企, 完全無貢獻, 仲要吸返我地血
依加我D野食, 碗碟全部放係自己房, 房門長鎖

阿哥同佢一個願打一個願捱, 講左等於無講
感覺佢係想迫走我之後再對兩老埋手, 我係兩老死之前死都唔會搬出去

有無絲打巴打有好意見?



實用相關搜尋: 大學 會計 醫生 廁所 香港 沖涼 女朋友
要怪就怪煲阿哥啦
叫你阿哥搞掂距



熱門搜尋: 透明質酸 脫髮 眼霜 去眼袋 激光去斑 飄眉 豐胸
哇……佢原本屋企人呢?佢同你哥結左婚未?





回覆 引用 TOP

女朋友就咁樣呀!你父母都太好人啦!

你大哥都同佢一齊左咁多年啦!叫佢娶左佢啦!娶完成左家咪搬出去囉!反正有能力,冇野嫁!係咪!



實用相關搜尋: 父母 女朋友
^^

回覆 引用 TOP

[隱藏]
叫你阿哥帶埋隻野搬出去住啦


熱門搜尋: 懷孕須知 bb會 妊娠紋 陪月員
你有個無用的阿哥無計






引用:
原帖由 黑大福 於 2018-3-5 08:03 PM 發表

首先講一下我屋企成員, 老豆, 老母, 阿哥, 同自己, 十幾年前已經移民左去海外定居。
阿哥同佢依加個女朋友由7~8年前已經係埋一齊, 當時仲係無咩事, 因為佢仲未大學畢業, 無去做野都有藉口,
一開始佢都係一星期來一 ...
Saying your brother’s girlfriend has worn out her welcome at your home is an understatement. Frankly, her irresponsible personality does not shock me. What shocks me is the way you and your family deal with it in all these years – by doing practically nothing!

Her obnoxious behaviors and attitude should not be tolerated in the first place, from the very beginning when she moved in. You guys did not make it clear (even though that is common sense, sigh…) to her that her lack of a sense of responsibility and respect for others are not acceptable. In a healthy household, everyone chips in – be it financially or helping out with chores. No one should live like a parasite.

Suggestions:
1. With all due respect, talk to your brother first. “阿哥同佢一個願打一個願捱, 講左等於無講” It is totally your brother’s business only if they live on their own. But this is NOT the case. His girlfriend is causing conflict in the family’s daily life and he needs to deal with her.

2.If your brother cannot handle it, you need to step in. Tell your brother and her girlfriend that you guys will not put up with her anymore if she does not make adjustment.
  
3.Are you close with your brother? For his happiness sake, as his brother/sister, shouldn’t you at least point out that their relationship is abnormal? Maybe he is helplessly in “love is blind” situation that he can’t even see the fault of his love.

Good luck



實用相關搜尋: 大學 女朋友
Sail fast, live slow. Life is short, eat dessert first.
I run because I love cakes.
引用:
原帖由 a9358777 於 2018-3-5 08:23 PM 發表

要怪就怪煲阿哥啦
叫你阿哥搞掂距
叫過好多次, 佢係公家野就懶得理, 就算係佢地自己整污糟
引用:
原帖由 sau1412 於 2018-3-5 11:58 PM 發表

哇……佢原本屋企人呢?佢同你哥結左婚未?
佢屋企人都係喱卣, 未結婚, 見過幾次佢地屋企人都算正常, 又可能只係未發作
引用:
原帖由 fineok 於 2018-3-6 12:04 AM 發表

女朋友就咁樣呀!你父母都太好人啦!

你大哥都同佢一齊左咁多年啦!叫佢娶左佢啦!娶完成左家咪搬出去囉!反正有能力,冇野嫁!係咪!
佢地真係好好人, 好人到會令人覺得佢地其實怕事...
其實阿媽偷偷同我講唔希望佢地結婚, 因為阿哥都無錢結(大洗), 無錢搬出去, 結左可能仲大安旨意唔做野唔做家務, 最怕係生個小朋友來煩...






回覆 引用 TOP

引用:
原帖由 happy_kwan 於 2018-3-6 12:14 AM 發表

叫你阿哥帶埋隻野搬出去住啦
佢地無錢搬出去, 搬出去都搵唔到夠大地方放得落佢地D野同隻狗...
就算有租一定比佢依加供樓貴, 佢肯定唔制, 兩老又一定唔想
引用:
原帖由 四十歲退休 於 2018-3-6 03:38 AM 發表

你有個無用的阿哥無計
佢係好像比佢女朋友食住咁, D蘇州屎, 手尾就係佢清(只限佢地私人物品), 但整到公家野就一定唔會理
引用:
原帖由 sailFast 於 2018-3-6 06:29 AM 發表





Saying your brother’s girlfriend has worn out her welcome at your home is an understatement. Frankly, her irresponsible personality does not shock me. What shocks me is the way you and your f ...
我好早就警告過兩老佢喱D行為, 佢地就話可能佢返學考試累, 忙...我戈時日日返學連坐車朝7晚12都有做返自己野啦
佢地戈時仲成日幫佢洗佢用完D碗碟,
阿媽之前病左係屋企留足幾個月, 先睇清睇楚, 先開始知驚, 開始有戒心
隻野成日係屋企語氣又差, 講野好似發號師令咁, 好彩我一早就懶得理佢,
但阿媽依然覺得佢有朝一日會搵到野做再比家用, 其實佢根本就無去搵, 日日玩狗玩手機

下次真係要好好地同阿哥講講, 真好難搵到佢女朋友唔係到嘅時間, 佢係我地屋企時間比我地仲長
我都好想大聲, 但兩老一直叫唔好, 話忍下, 開左聲就有裂痕, 怕阿哥難做, 同大家面阻阻, 又喱樣戈樣
最怕係佢會掉左我地D信, 佢成日係屋企, 郵差又係大家返工時來

我同阿哥唔算太親, 性格唔太合, 不過佢唔笨, 只係怕麻煩同只會對私人野負責...



實用相關搜尋: 行為 考試 女朋友 供樓
[隱藏]
如果我係你, 我會係父母亞哥面前大聲小爆佢, 叫佢即刻執晒佢D野同佢隻死人狗即日搬走~

你大佬如果有異議, 叫佢一齊搬~

層樓雖則係你兩兄弟一人一半供樓, 但你父母仲健在, 供樓只不過係你地兩兄弟對父母既責任, 唔成為一個你大佬謢女既理由~

最差情況, 賣左間屋, 分番晒D錢, 樓主你同你父母再係出面搵樓住~

忍? 有樣野叫忍無可忍, 最憎垃圾寄生蟲~



實用相關搜尋: 父母 供樓
引用:
原帖由 黑大福 於 2018-3-6 03:44 PM 發表


佢地無錢搬出去, 搬出去都搵唔到夠大地方放得落佢地D野同隻狗...
就算有租一定比佢依加供樓貴, 佢肯定唔制, 兩老又一定唔想


佢係好像比佢女朋友食住咁, D蘇州屎, 手尾就係佢清(只限佢地私人物品), 但整到公家 ...
果隻野無屋企人架?



實用相關搜尋: 女朋友 供樓

回覆 引用 TOP

太多尼類啊哥






回覆 引用 TOP

引用:
原帖由 青嵐 於 2018-3-6 04:00 PM 發表

如果我係你, 我會係父母亞哥面前大聲小爆佢, 叫佢即刻執晒佢D野同佢隻死人狗即日搬走~

你大佬如果有異議, 叫佢一齊搬~

層樓雖則係你兩兄弟一人一半供樓, 但你父母仲健在, 供樓只不過係你地兩兄弟對父母既責任, ...
可惜兩老希望萬事以和為貴, 感覺我同兩老都係到等個爆發嘅機會
好難突然咁無事無干來爆...
賣左間屋兩老一定唔肯, 佢地係戈種中意一家人死都要係埋一齊戈種
我唔忍, 佢地出左去隻狗想大小便都唔會帶佢去, 真係痾左等佢地返來自己汁
引用:
原帖由 happy_kwan 於 2018-3-6 07:01 PM 發表


果隻野無屋企人架?
有啊, 仲大把TIM, 都唔知做咩瀨死唔走, 如果係同居又唔貢獻
引用:
原帖由 半空長長主題 於 2018-3-6 07:20 PM 發表

太多尼類啊哥
真係, 佢係戈種比佢女朋友好少少, 但如果樣野係大家有份用, 又係佢整污糟, 佢唔洗用就一定唔清







回覆 引用 TOP

怕麻煩同怕事.希望萬事以和為貴, my gosh. so let it be.






Porto Victoria - 跌吉新聞板心理變態.

回覆 引用 TOP

[隱藏]
otherwise, chinese ppl saying.
new comer daughter in law, newborn on eath baby.
MUST BE TAUGHT.



熱門搜尋: 高血壓 孕婦 腰背痛 包皮 更年期
Porto Victoria - 跌吉新聞板心理變態.
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。