註冊 登入



打印

新抱永遠都係外人!

新抱永遠都係外人! E-mail 此主題給朋友

[隱藏]
我同先生結左婚無幾耐就有左,之後搬左出去住
兩公婆都好開心
但我99由一開始知道我有左就俾說話我聽
又話個仔事業岩岩開始
又未買到樓
唔應該呢個時候有
其實我明係佢驚我兩母子搶左佢個仔姐
有次佢黎我屋企
我老公幫我手洗碗
我係廳睇電視
佢入左廚房搵我老公好大聲話
:[依家大肚姐 又唔係有大病 洗幾隻碗都唔願做 因住陀懶個B第時生出黎都係咁懶]
我好清楚佢係講俾我聽
之後我因為小事同老公嗌交
佢知道左(老公個日自己返去食飯)
佢當晚打黎同教我老公點樣鬧返我
我自問由拍拖到結婚對我奶奶老爺都盡左新抱責任
但唔知點解我奶奶要咁做
有時我一諗起就好唔開心好想喊
無論點樣做
我都係佢地屋企既外人



實用相關搜尋: 結婚 結婚 拍拖 電視
你奶奶講得一D都冇錯, 錯在唔應該講到出口.


冷靜觀察、穩住陣腳、沉著應付、韜光養晦
善於守拙、決不當頭、抓住機遇、有所作為



回覆 引用 TOP

唉…….女婿永遠都係外人!





引用:
原帖由 笨豬傻咪 於 2017-12-4 12:07 PM 發表

唉…….女婿永遠都係外人!
是的, 只有仔女才是家人,女婿新抱要留一手是老生常談.



熱門搜尋: 防脫髮 假髮 膠原蛋白 增髮 頭髮造型
冷靜觀察、穩住陣腳、沉著應付、韜光養晦
善於守拙、決不當頭、抓住機遇、有所作為



[隱藏]
如果佢當你係外人, 你都當番佢係就可以了
同佢死過啦, 佢d說話都講到咁難聽囉, 駛乜比面佢呀 
你老公見到咁樣都唔出句聲嘅
比我以後唔會返去食飯, 你都唔好踏入我家門口 



引用:
原帖由 museee 於 2017-12-4 11:49 AM 發表

我同先生結左婚無幾耐就有左,之後搬左出去住
兩公婆都好開心
但我99由一開始知道我有左就俾說話我聽
又話個仔事業岩岩開始
又未買到樓
唔應該呢個時候有
其實我明係佢驚我兩母子搶左佢個仔姐
有次佢黎我屋企
...
你知道自己係外人,
就用外人的方法…一笑置之.
後生一輩點做都好,
老一輩都有嘢講的了,
第日你做咗奶奶,情况又係差唔多。



實用相關搜尋:
最緊要老公企係你果邊, 佢話你時你老公有冇出聲?  

我老婆有左果時連放啲碗落洗碗機都係我做. 老婆唔係咁鐘意人上屋企, 我呀媽淨係上過黎一次. 到老婆生左既頭一個月我拎左假. 我自己湊哂, 老婆淨係負責玩同訓

我呀媽知道我錫老婆所以唔會出聲. 我唔排除我呀媽都好似你奶奶咁諗但係起碼佢唔會出聲.

你地有冇諗住埋樓. 反而奶奶講呢個point 應該都係關心你地? 如果有諗住買結婚前買定會好啲. 而家有小朋友都未遲,再慢慢plan. 唔需要比你奶奶影響到



實用相關搜尋: 朋友 結婚 結婚

回覆 引用 TOP

樓主,唔洗諗太多。懷孕期間要開開心心,自己做咗自己本份已經足夠了,無謂將情緒放係不值得的人身上。

因為有D奶奶係唔抵得自己個仔對人好,覺得自己蝕咗或者個仔蝕咗。所以思想唔同,根本唔洗同佢計較。只要同老公開心過日子已經足夠了






引用:
原帖由 museee 於 2017-12-4 11:49 發表

我同先生結左婚無幾耐就有左,之後搬左出去住
兩公婆都好開心
但我99由一開始知道我有左就俾說話我聽
又話個仔事業岩岩開始
又未買到樓
唔應該呢個時候有
其實我明係佢驚我兩母子搶左佢個仔姐
有次佢黎我屋企
...
唔洗理99,你大肚無需要花時間去討好99、62. 果D人叫你老公去應付就得,正如你唔好要求你老公去點樣討好外父外母一樣,你要公平D! 你唔好理你老公點樣曬62、99佢地,大家都只係要做場戲應酬,你亦唔好介意佢講D乜野台詞。 你叫你老公應該要去擋就得! 你最好直頭唔好聽佢地對話。 只要你老公收左線之後對你好就得! 你亦唔好追問你老公究竟99講左D乜,因為你知道只會唔開心,不過其實你都估到。

你唔怕開心建成同你老公講唔好咁幼稚去修補婆媳關係,要佢成熟D,婆媳永遠都唔會真正有好關係,正如外父外母同女婿一樣! 大家肯做門面野、大家都肯收貨就已經好好彩! 有心情既就會扮下野做到好來好去。 如果其中一邊心情唔好的話,就最好唔好見,否則只會核爆收場!

不過生左BB 之後,你都要成熟D,唔好惗住依賴99來照顧。 過時過節見下面禮節性食餐飯還可以,長期依靠99去凑BB,唔講你都知下場會變成點。

唔好聽人講阿邊個邊個婆媳關係幾好! 人地私底下係點頂唔會話你知! 以前中國人傳統媳婦要聽99點,係因為媳婦要寄人籬下,要痴飲、痴食、痴住,無得你唔去忍! 但21世紀,你如果忍唔到,就要學獨立!

兩公婆結左婚就係獨立個體,BB 出世之後會好辛苦!3歲前攞你半條人命,體力負擔好重! 3歲至6歲會不停睇病,因為開始返幼稚園,BB身體需要適應外邊世界病菌。 又要去四圍搵學校! 6歲至12歲如果讀本地學校就要同佢做功課到半夜三更!9至10歲開始反叛期第一期,應付到好累! 12至16歲反叛期第二期,仲更加累! 所以要俾埋心裏準備你老公,果十幾年會超辛苦! 唔單只要賺錢供書教學,仲要賺錢預備自己將來退休用! 唔好旨意D細路第日佢同你養老,香港生活壓力超巨大,佢大左唔洗你養到佢老你就要偷笑! 你地係慘過去擔泥好多! 講仔女養大就係咁! 一D都唔好玩,係考你地兩公婆EQ 同 IQ 既遊戲! 不過睇住自己小朋友日漸長大健康成長,多數都會有滿足感!

經濟負擔得到就請個工人,唔得就要自己頂硬上,為人父母就係咁! 習慣左就無事! 習慣唔到都要習慣,因為無得揀!

總之花多D心思去養大小朋友,無謂花太多心思去同62、99鬥! 你亦要同你老公擋外父、外母,千其唔好話你阿媽、阿爸點好點好! 做人仔女多數都唔會話自己爸媽係衰人,父母對住人地仔女一定係不及對自己仔女好! 你地日都會變成咁!

千其唔好成日聽乜野三姑六婆講你老公壞話,因為八卦、講是非係人類天性! 所有靠自己雙眼同智慧去做判斷!

養大仔女,大把野等你地去學! 跌低唔好怕,最緊要識得點樣起返身! 因為你地已經為人父母!



實用相關搜尋: 朋友 關係 工人 遊戲 賺錢 香港
[隱藏]
做好自己,人地自然無位入,有d野,老公做係合理,但係夫家人響度時,都要硬食,目的係令人無位指責你






回覆 引用 TOP

明知佢係咁咪係佢面前扮下好人,討好下佢咯,呢類人係鐘意人咁架,咁你老公都好過啲呀,唔使左右做人難。



回覆 引用 TOP

引用:
原帖由 maggie1610 於 2017-12-4 12:54 PM 發表

如果佢當你係外人, 你都當番佢係就可以了
同佢死過啦, 佢d說話都講到咁難聽囉, 駛乜比面佢呀?
你老公見到咁樣都唔出句聲嘅
比我以後唔會返去食飯, 你都唔好踏入我家門口?smile_38:
無錯,我都係,我都唔會比面佢







回覆 引用 TOP

引用:
原帖由 museee 於 2017-12-4 11:49 AM 發表

我同先生結左婚無幾耐就有左,之後搬左出去住
兩公婆都好開心
但我99由一開始知道我有左就俾說話我聽
又話個仔事業岩岩開始
又未買到樓
唔應該呢個時候有
其實我明係佢驚我兩母子搶左佢個仔姐
有次佢黎我屋企
...
平常心啦!
如拒唔鍾意妳,就算做咩都係唔啱😅







回覆 引用 TOP

引用:
原帖由 museee 於 2017-12-4 11:49 AM 發表

我同先生結左婚無幾耐就有左,之後搬左出去住
兩公婆都好開心
但我99由一開始知道我有左就俾說話我聽
又話個仔事業岩岩開始
又未買到樓
唔應該呢個時候有
其實我明係佢驚我兩母子搶左佢個仔姐
有次佢黎我屋企
...
樓主保持心境開朗,你果句'老公幫你手洗碗' 想法唔太啱,姑勿論你返工家在家養胎,飯係大家一齊食,個家係大家既,做家務係共同責任, 老公洗碗都好應該(兩人冇分邊個應該洗)。所以只要你老公覺得冇問題,你完全唔洗理你99發嗡風啦。



實用相關搜尋:

回覆 引用 TOP

[隱藏]
自古以來,呢二種動物都係相處有問題既啦,睇開d啦






 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。