註冊 登入



打印

[原創] 中秋特約:巴士佬與Macy的地空情緣

本主題由 Gallaxy 於 2017-10-4 11:02 PM 設置高亮

中秋特約:巴士佬與Macy的地空情緣 E-mail 此主題給朋友

[隱藏]
[其實你只係一個巴士佬,有無諗過自己配唔配得起佢,麻煩你返屋企無鏡都攞盆水照下自己個樣喇!]

我叫有成,係一個典型既90後,唔鐘意返工,但又好鐘意去旅行wo

點解阿媽會改我呢個名?可能因為佢想我事業有成,成日都叫我帶個女朋友返屋企睇下,但自知毒撚一名,又點會有女朋友吖?應該係話無囡會對自己睇得上眼

唔記得講,我係一個兼職巴士車長,點解有正職唔做全職?因為我鐘意去旅行,一有平機票就買,之後再攞假去旅行,得閒果陣都有寫下遊記俾其他人參考的

話說有一次去東京旅行喺飛機上我就偶上佢,大家好,歡迎大家承搭本公司UO848由香港前往東京成田既航班,我係呢班機既乘務長Macy,會為大家介紹以下嘅安全示範

係佢講完呢番話之後我就瞓着咗因為的確實太眼瞓,琴晚先收工,一大清早就去旅行,唔攰就呃人既

喺我睡夢中嘅時候突然被人叫醒,原來就係Macy

Macy:先生,請問你介唔介意幫我填份意見表呢?

我:唔介意呀

Macy:唔該你

填完之後就咁呼叫制,Macy就過黎

Macy:先生,唔該你,為左答謝你,公司會送返枝筆俾你,仲有其實你係咪大快活車長揸A36嫁?

我:你又知?

Macy:上次落大雨,我係形點2追你部巴士你無印象嗎?而且你上車有遞紙巾俾我抺下,同埋有時見你會借差電線比人,所以我對你都有啲印象

有成心諗,其實車長係為乘客服務,所以做到既佢都會去做,因為服務乘客從心出發呀嘛,但有時啲乘客唔會還返條差電線比我, 但都唔會打擊自己嘅使命感

但估唔到回程航班上都遇上Macy,但更加估唔到嘅事Macy送咗份餐比我食

Macy:大快活車長,我多左份餐所以請你食,唔好食咁好大快活

有成:其實我係龍運車長,不是大快活車長

Macy:唔好意思啊因為你件制服真係好似大快活而我又唔知你叫咩名說一直咁叫你

有成:唔緊要啦我叫有成,我知你叫Macy嘛

Macy:你就好啦去左10幾日旅行先返,你唔好睇我啲空姐成日去旅行,其實都係即日來回囉

有成:我聽日就返工架啦,其實我一直有寫遊記,你Search下90後巴士佬,就會見到我好多嘅遊記

Macy:我想知你去咗啲咩地方可以交換whatsapp嘛?

返到香港後友成即刻加Macy嘅WhatsApp

有成將唔同嘅相send俾Macy但一直都冇讀到直至第二日

Macy終於回覆有成,話有成影嘅相好睇,去嘅地方好特別, 仲話如果有機會嘅話想有城帶佢去一次

兩個人都傾得好開心下, 就好似一拍即合咁無所不談

有一日有成返工遇上同Macy公司嘅其中一個乘務長而佢又係自己公司既一個兼職車長Stephen

有成問佢Macy有冇男朋友

Stephen:佢有冇男朋友我就唔知不過有個男人經常接佢返工放工好似話係作家嚟嘅,點呀係咪想溝人哋使唔使比佢更表你?

有成:唔使啦我都係問下姐唔該你

Stephen:我可以話你知佢今個星期三放假,靠自己啦努力

有成以忐忑嘅心靈去WhatsApp Macy問佢星期三得唔得,因為而且自己都放假

最後Macy有應約,佢哋去咗觀塘APM食飯睇戲,最後睇咗套煙花應該和誰看, 呢套戲令有成明白凡事要靠自己雙手 ,煙花是圓還是扁,在乎同任何人看,但呢一刻佢只想同Macy睇

睇完戲食完飯有成就送Macy返屋企啦,佢哋行到駿業里準備搭268C,有車嚟有成見到車上嘅車長係佢一直好崇拜嘅臭飛哥

上到車有成講:臭飛哥兩個人唔該你

臭飛哥:同女朋友行街食飯

有成:只係朋友嚟啫

臭飛哥:咁我幫你接收佢架啦,俾啲心機買一束花同人表白喇,今晚好多人快啲去搵個位坐啦

之後有成同Macy行去上層,得返車尾窗口位有位

兩個人望住個USB插頭笑,友成話:需要叉電線叉電嘛?

Macy:你聽日會揸咩路線啊?我聽日都要飛呀

友成:未知呀,因為我係後備車長要返到去派更部先知揸邊條線,希望可以車到你啦

40分鐘嘅車程單有成覺得好似過得好快咁,話咁快就返到形點,同Macy告別後有成就返屋企


係當晚有成用WhatsApp同Macy表白但佢已讀不回,有成忐忑左成晚瞓唔着,第二朝返到車廠派更,派更大佬話原本要你做E34A,但見你咁嘅樣加上A36有車長病假所以你去做A36啦

有成將A36由朗屏站開出,去到形點2,就見到Macy上車,身邊仲有個男人幫佢攞行李,此時有成已經心淡

因為咁有成唔夠膽再搵Macy,但係用膳時突然收到Macy既 WhatsApp [你今晚有時間嗎?我班機22點鐘到香港,你會黎接我機嗎?有嘢想同你講]

有成收工後去花墟買咗一束玫瑰後返屋企沖涼食飯晚上九點半已經係接機大堂等候Macy,準備同佢表白,但同時見到今朝同佢搭巴士嘅嗰個男人

點知個男人走埋黎同友成講:你係度等緊Macy,我係佢男朋友,其實你只係一個巴士佬,有無諗過自己配唔配得起佢,麻煩你返屋企無鏡都攞盆水照下自己個樣喇!唔好諗住賴蛤蟆食天鵝肉啦傻仔

有成玻璃心碎滿一地,此時Macy出現,男人:Macy,我幫你鬧咗佢啦,呢條友賴蛤蟆想食天鵝肉

點知Macy一巴打落個男人度:就係你啲咁嘅人,狗眼看人低自以為係一個作家就攞住支筆以筆傷人,我一直當你係兵嘅咋,友成我地走!

Macy一手拖住友成手去到A36巴士站,車上客中,點知個車長又係臭飛哥,臭飛哥:哈哈仲要拖住左人喇

友成:多謝你臭飛哥

臭飛哥:一切都係靠你自己啦,我番說話都係鼓勵你自己付出勇氣!

友成同Macy又坐返上層車尾窗口位,兩個人又望住USB插頭笑,有成問需要叉電嘛?

Macy:你有冇啲咩野想同我講呀?

友成面都紅晒:Macy你可以做我女朋友嗎?

Macy:我願意, 之前你係WhatsApp講覺得你好冇誠意,所以冇應承你,其實因為你份人好真對人友善所以我好鍾意你!

呢個故事最後會發展成點,還需要有成同Macy嘅努力,但如果你冇努力過就永遠都冇可能,用雙手去改變呢個世界,唔好因為呢個世界而改變自己,因為呢個世界有好多無限嘅可能

千祈唔好睇小自己因為每一個人都有自己既價值

故事完,我巴士佬祝大家中秋節快樂,人月兩團圓!無女嘅早日搵返條女,有女嘅就幸幸福福



[ 本帖最後由 KU7002_258D 於 2017-10-4 06:56 PM 編輯 ]



實用相關搜尋: 朋友 幸福 旅行 行街 睇戲 香港
🤔
同之前個空姐,紙巾古有無關係?😂


加油~






回覆 引用 TOP

巴士佬,中秋節快樂!早排收工有幸坐你80號返屋企,同你打左個招呼





回覆 引用 TOP

支持巴士佬





回覆 引用 TOP

[隱藏]
中秋節快樂,祝巴士佬有情人終成眷屬


回覆 引用 TOP

引用:
原帖由 KU7002_258D 於 2017-10-4 06:50 PM 發表

[其實你只係一個巴士佬,有無諗過自己配唔配得起佢,麻煩你返屋企無鏡都型痐艩茪U自己個樣喇!]

我叫有成,係一個典型既90後,唔鐘意返工,但又好鐘意去旅行wo

點解阿媽會改我呢個名?可能因為佢想我事業有 ...
請問你係咪成日去日本個巴士佬?
件事係咪你真人真事?
如果係就恭喜你。






回覆 引用 TOP

巴士佬UO真係好利你





回覆 引用 TOP

恭喜巴士佬!





回覆 引用 TOP

吹水故黎既炸


實用相關搜尋: 吹水

回覆 引用 TOP

[隱藏]
巴士佬踩過界,連呢版都撈埋


熱門搜尋: 化妝品 雙眼皮 吊線雙眼皮 soak off gel liposuction lipstick 眼睛

回覆 引用 TOP

故事?認真睇1/3,,,


熱門搜尋: 口罩 肩周炎 濕疹 肝癌 更年期 牙齒美白 牙醫

回覆 引用 TOP

支持巴士佬






回覆 引用 TOP

由日遊板飛撲過來支持巴士佬老吹愛情故事!






回覆 引用 TOP

支持90後巴士佬老吹愛情故事😂
期待下次90後巴士佬同80後巴士妹一齊去日本,整本大遊記😏



實用相關搜尋: 愛情

回覆 引用 TOP

[隱藏]

回覆 引用 TOP

[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。