註冊 登入



打印

老婆迫我做不孝子(留意#245)(13/09更新) 香討焦點

老婆迫我做不孝子(留意#245)(13/09更新) E-mail 此主題給朋友

[隱藏]
小弟真係谷得好辛苦,  眼見班老同學、老朋友個個兩夫妻恩恩愛愛, 過時過節帶妻兒返父母家食飯 。

而我帶囝囝返父母屋企食飯, 都要限時限刻返黎, 只可帶個囝返去食午飯, 唔比佢留落黎食埋晚飯。

甚至限定每個月只可帶囝囝去父母屋企一次!  點解攪到大家關係更差? 整件事要追究到結婚前 ...  成

件事有少少長, 不過小弟真係不吐不快, 想大家香討兄弟姐妹評評理, 講返句公道說話.

         先講返近因, 爆發點: 老婆為左想同佢父母一齊住, 想由現時二房單位換樓到三房單位住。但迫我父母

將個現時的二房單位賣出的所有錢比晒我地換三房。(現時的二房單位係我同屋企人聯名)。佢

換三房理由係囝囝要同工人訓廳, 話好可憐, 但佢又唔講係因為佢父母住左間細房先引至囝囝要訓

廳。 當初請人工, 就係唔想外父外母藉口過來湊外孫, 外母+老婆+工人湊一齊湊B唔止, 重話湊B好辛苦,

然後外父都整日過來幫手湊, 4個人一齊湊一個B 。 原本一個三人家庭, 無端端變左6-7個人, 原本我阿爸阿媽都想過來幫手湊, 但見

到親家巳在湊, 唔想因為大家湊小朋友的方式不同而產生唔高興而自動退出。但平時一有需要到的我媽幫忙的地方, 佢

都會盡量抽空幫忙, 再者我睇得出我老婆根本唔想我阿媽幫手。 Sorry, 講到有少少離題~ 講返換樓問題

,  我一直都唔讚成, 第一, 層樓係我同屋企人一人一半的, 依架迫我父母比晒我, 我就算幾衰仔都

做唔出。而且好唔尊重我依個做老公。 第二, 依架住緊層樓又唔係唔夠住(實用500幾), 係妳父母暫時過黎湊孫先叫迫D。另外我唔想

同外父外母住埋一齊, 原因我遲下先講。

         我巳唔止一次話過唔想換, 囝囝剛一歲幾, 將來讀書返學大把洗費, 依架層樓供斷左, 有餘錢買個

細單位收租好過。換樓 - 佢完全無計一賣一買要交既印花稅, 為左買多一間大約90-100呎既房, 要比多

100幾萬? 值嗎? 。佢就唔聽, 一意獨行去睇樓, 我唔睇就發晒老脾。到最後重要迫我叫埋我阿媽去睇,

叫我阿媽睇係咩意思, 其實我父母都心照啦, 結果我阿媽就忍唔著口話層樓唔會賣, 將來拿回來養老住。結

果我老婆將所有怒氣全部發洩係我阿媽頭上, 發脾氣帶個B返外家住。 佢知我好鍚個囝, 佢將囝帶返外家,

我尚且唔估真正意思係咩? , 淨係比我父母既感覺就係佢拿個囝黎威脅我同我父母!

          我為左個囝囝, "矮"返佢返黎, 期間佢開出左唔少條件, 話只准我出2/3 (佢出1/3, 我出1/3)賣返

我屋企人果一半業權, 另外唔准比父母家用, 唔可以比個B見爺爺麻麻, 我當然一口拒絕!  父母家用由我黎負責返OK, 唔比B見我父母, 佢敢講得出, 我都唔敢答應, 會比雷劈架!




       講返少少我同我老婆背景, 佢同我都係大陸沿岸一線城市人, 分別係我從細就跟父母黎左香港, 在

香港長大, 亦接受香港傳統思想長大, 而我老婆係從細在大陸長大。在大陸我們既城市既結婚觀念係

男家出錢買樓, 如果男家能力不夠買樓, 就男家出錢比首期, 男女一齊供樓, 但層樓一定要男女雙方名。

      
         小弟在公營企業做, 再係出面做下Freelance, 香港地做野大家都知, 打份工餓你唔死亦唔會因此發

達, 比較幸運既係早年樓價未有現時更癲時, 同屋企人夾錢買左層樓, 而同屋企人巳有共識, 將來層樓準

備日後結婚後比我地住。(當時巳同現時老婆拍緊拖, 因為層樓係我同屋企人既事,細節上我無同佢提

過。)

         而我老婆佢一直在外資公司做, 因為工種關係佢近年人工升得好快, 現時佢人工差唔多係我既一

倍。 所以係現時香港黎講, 比上固然不足, 比下算係尚尚有餘, 至少我地唔洗供樓, 有餘錢可以投資, 為將來作出安排。


          睇返網友留言, 解釋返層樓當初其實係準備比我婚後住既, 父母自己另有地方住, 但性質上係我男

方物業,  我父母由始至終都唸著比我地住, 作為兒子我真係好過意唔去, 原本同父母一人一半既樓, 現

在我住左, 父母一分錢都收唔到,  所以我每月都比返5-6千當半層樓的租金比返父母。依件事我老婆知

道但係一直唔太鍾意。

          講返遠因, 當初同老婆傾結婚果時, 佢老豆突然彈出黎話一係寫佢個女個名去層樓到, 一係層樓要

我全權擁有, 否則唔會比個女嫁。 當時唔好話我父母唔會接受, 就算我都接受唔到。 為人父母的個女

嫁到香港, 我明白想比D保障佢, 但香港地, 大部份人 大部份家庭勞碌半生都係為左買樓供樓。
           我相信有人會話將來都係夫婦, 唔好太計較 , 又或者你愛你老婆定係層樓? 之類說話, 但個人覺

得用層樓黎同人黎作比較, 又或者用黎作籌碼, 根本就係對我地感情既恥辱。 最後拖拖拉拉左大半年,

佢老豆先死死地氣改條件係 1. 層樓要比我地住, 2. 唔需要供樓。

待續.....

[ 本帖最後由 家和萬事輿2017 於 2017-9-13 04:36 PM 編輯 ]



實用相關搜尋: 結婚 父母 結婚 投資 工人 讀書 香港
樓主老婆都幾誇張,佢想你父母訓街?想你斷六親?





有無前傳先?例如樓主一直比開一個唔合理家用,或者層樓樓主供了大部份,導致老婆想糾正過錯呀?





回覆 引用 TOP

就咁睇你的描述, 你老婆一家都太壩道,
無論在湊BB, 家用, 以至財產,
都去到一個離譜的地步

佢地想你父母賣樓, 然後拿錢買大屋佢地住,
正常人想也不會想, 何況佢地講出口,

我不是黑心, 但你都好難忍下去
BB才一歲, 你都會好辛苦
對住佢地又辛苦, 離婚又有另一種辛苦






[隱藏]
樓主一定要强硬,唔合理唔妥協,或用相同條件向外父母!


實用相關搜尋: 父母

回覆 引用 TOP

未婚前應知少少,這種人(男女都有)閃的快好世界……

己家樓主你裏外不是人……

如你外父,外母,同你老婆同一諗法,
睇來你要做定孤家寡人了







唯心布施.....

天佑中華!天佑香港!
經過這次以後,讓我們更堅強,更同心...


你老婆 好恐怖

有d 野一定要企硬, 唔係會成世內疚,

人與人要互相尊重, 如果沒有尊重, 太過份的, 分開都是一種解脫






樓主大男人鵅I個老婆咁霸道,要點去做,你自己應該有主見燿縑I係嘩!





好難相信無前因


熱門搜尋: 韓語 補習老師 課程

婚紗展~婚紗展~ My Only Baby=)
[隱藏]
引用:
原帖由 家和萬事輿2017 於 2017-9-11 04:49 AM 發表

小弟真係谷得好辛苦,  眼見班老同學、老朋友個個兩夫妻恩恩愛愛, 過時過節帶妻兒返父母家食飯 。

而我帶囝囝返父母屋企食飯, 都要限時限刻返黎, 只可帶個囝返去食午飯, 唔比佢留落黎食埋晚飯。

甚至限定每個月 ...
我同樓主 情況都差不多, 但最後 我賣左 間 五百幾 兩房 同我 父母的 六百幾尺三房 , 換了 間 千八百幾尺 雙連單位, 目前五房 +工人房 + 洗衣房 , 現時同 我父母,兩小孩 6個人+ 工人, 有時 外母外父來都Ok, 老婆同我阿媽關係亦有所改善, 始終我父母令了間屋出來吧!



實用相關搜尋: 父母 工人 單位
引用:
原帖由 家和萬事輿2017 於 2017-9-11 04:49 AM 發表

小弟真係谷得好辛苦,  眼見班老同學、老朋友個個兩夫妻恩恩愛愛, 過時過節帶妻兒返父母家食飯 。

而我帶囝囝返父母屋企食飯, 都要限時限刻返黎, 只可帶個囝返去食午飯, 唔比佢留落黎食埋晚飯。

甚至限定每個月 ...
離婚啦 , D港女成日覺得只應孝順女家父母 , 男家父母最好唔好理



實用相關搜尋: 父母
Hagi
相信總有前因吧?有無傾過點解一定要外父母一齊住?你外父母依家住緊邊?


實用相關搜尋: 父母
樓主係咪講啲無講啲呀??事出必有因喎






回覆 引用 TOP

眼見班老同學、老朋友個個兩夫妻恩恩愛愛, 過時過節帶妻兒返父母家食飯 。 --------- 凡事唔好睇表面, 家家有本難唸的經, 你睇人好, 人地又睇你好~

層樓 -------- 究竟真係咁均爭你父母同你各自佔一半, 定係你俾左大部份但寫埋你父母名?? 但又離奇在, 你話層樓同你父母一人一半, 你依家住緊; 你老婆帶你亞媽去睇樓, 你亞媽居然話想層樓將來攞番黎養老用? 老老實實, 究竟真係父母有份俾錢, 定係你一早對婚姻冇信心驚結婚然後離婚俾個女人分層樓, 所以要由1/2變做1/4保障自己??

外家 -------- 你老婆親外家好正常, 就好似你親你父母一樣, 既然你太太係無做野係屋企同工人一齊湊細路, 佢父母上黎幫手亦都好正常~

點解你太太咁唔鍾意你父母, 同樓上師兄所言一樣, 估計有前因, 相信好大可能係層樓點解係你同你父母名 ..............



實用相關搜尋: 結婚 婚姻 父母 結婚 工人
[隱藏]
甚至限定每個月只可帶囝囝去父母屋企一次!  點解攪到大家關係更差? 整件事要追究到結婚前

咁婚前又發生了什麼事?因為樓主只講近因,所以好難公平地去評論。相信婚前樓主妻子的父母及妻子,可能已有不愉快對吧?如不解決相信過得到今次事件,日後只會沒完沒了。



實用相關搜尋: 結婚 父母 結婚
生命本在有與無之間,學會放下,樂得自在也。

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。