註冊 登錄



打印

原諒他77次,應放手嗎⋯⋯(求意見)謝謝 (update) 香討焦點

原諒他77次,應放手嗎⋯⋯(求意見)謝謝 (update) E-mail 此主題給朋友

[隱藏]
小小背景:

本人同男友一齊左就快十年..識左十幾年,未結婚。自己都想30左右結,家人也有比壓力。

事源係咁..呢十年來,大家經歷左好多:long d(頭幾年)..家人離世(父親cancer離去)..男友工作不穩定(經常轉工,幾年前欠銀行錢)。加上我工作時間同男友相撞,所以一星期最多見一日甚至半日,通常都係食飯睇戲。

平時我地無所不談,透明度都高,即係佢知我手機密碼,我任意比佢用。佢密碼我都知,但我唔會用佢電話。不過佢就好緊張我用佢電話,我一用佢就借d 2搶番,電話mon永遠face down, 佢間中過黎瞓都會唔比我瞓出面,因為近電話差電個位。佢即使瞓覺都會將電話放pillow下面驚死我睇到咁。(其實佢之前有前科咁岩比我見到佢同其他女仔flirt,仲delete message)

就因為咁,我就更好奇佢有咩秘密收埋緊。佢一向都比我細心同謹慎,所以我都好難去睇佢電話。尋晚,我瞓瞓下醒左,發現佢電話竟然冇收埋。因為強大既好奇心軀使下,我忍唔住偷睇左。

果然不出所料,佢封存左幾段對話:

一段對話提到佢問朋友借左幾萬蚊,言談間,雖然唔關借錢事,仲話女友又迫婚,話我大洗唔生性之類 , 總之講到自己好慘而我就好唔體諒佢咁。但其實佢要借錢唔知關我咩事😅佢理財一向好差,收入又唔穩定因爲瘋狂轉工抄散之類(利申:除左一個月謹餘幾次既食飯睇戲dating佢會請我食飯外,佢係唔買野比我的,除左生日或節日。我自己有穩定收入,我洗自己錢的。如果一齊出街果日我都會比的,可能請睇戲之類。雖然次數冇佢咁多。但因為之前提到其實我地好少見,當果個月好彩見到4次,佢最多一個月洗$2000到喺拍拖呢方面。佢一個月揾二萬幾左右,我唔明點解連幾萬都要問人借。)問題係佢前幾年已經應承我好好存錢,因為佢永遠吊兒郎當。果陣已經因爲咁嘈到分手,佢死話會認真改。現在我發覺佢一直都仲係咁。

另一個對話係同個女性朋友每日緊密聯繫(雖冇露骨調情對話,但我男友會好似平時對我咁,叫我瞓前一定要同佢講聲,類似早抖之類),而果個女性朋友我都知係邊個,但就一向唔熟,係d common fd。佢地對話內容,泄露左之前有出街食飯,咁當然我男友冇同我講啦。🙈總括而言:揾果個女仔仲多過揾我。但果個女仔都純品,又知我地一齊,唔似係想介入。反而似我男友做主動。但每日傾計好似已成佢地既習慣,會交代。

再另一個對話係同另一女性朋友,提及結婚呢個話題,人地問佢幾時結,知道我地一齊好耐。佢答人「拖得就拖」。

當中太多細節唔講了,今日苦惱左成日,應唔應該拎出黎講,同可唔可以繼續行落去...因為唔想比身邊既朋友或家人知住...所以想喺度發泄下...多謝大家既耐心。我都知好長..😥

(點解會用戲名做題目?因為好多情節同本人經歷好似..)

---------------------------------

首先好多謝咁多有心人回覆及比意見我!🙏昨天我已處理好並結束了這個愛情長跑..雖然好痛苦但都無奈地及堅決地下了這個決定。😞

關於佢既財政問題,佢已詳細同我交代及說明..我是相信他的,因為他從來都是這樣的一個人,所有事情沒有詳細考慮便隨便借錢比人..結果搞到自己一身蟻..之前跟他說了很多次不要這樣..尤其自己都沒這能力..他就是不聽..現在他也內疚得很並沒面目面對我。

現在他不只沒有存款..還欠下銀行一筆數..雖然我已傷心欲絕但念在往日情份我本打算借錢給他..亦去了銀行拿了出來給他..但他堅持不要,說自己搞掂不能收我的錢。

關於那女生的問題,他說因這幾個月財務壓力好大,又唔敢同身邊人訴說..想找個人傾訴下,發誓同個女仔只係舊相識,沒任何關係或情愫。

最後我跟他說再見了..不是因爲他落難我就逃跑了..而是這麼多年來給過他多麼多次機會他都沒珍惜..從來我都不是他的priority..而當他出事的時候,他的親友不管他了..他才知道誰是重要的。

然後我把他的鎖鑰拿回了,把他的東西執好了,以後跟他不拖不欠了。

雖然這過程很痛苦⋯⋯但我知這個決定是對的。世界咁大,我估係時候放過我自己了..但我會加油,唔會放棄自己。the best is yet to come

再次多謝大家對一個陌生人既鼓勵!😊 我還願意相信這個世界是有愛的。

[ 本帖最後由 249726981430 於 2017-7-19 06:05 PM 編輯 ]



實用相關搜尋: 朋友 關係 愛情 緊張 結婚 結婚 電話 銀行
引用:
原帖由 249726981430 於 2017-7-16 10:01 PM 發表

小小背景:

本人同男友一齊左就快十年..識左十幾年,未結婚。自己都想30左右結,家人也有比壓力。

事源係咁..呢十年來,大家經歷左好多:long d(頭幾年)..家人離世(父親cancer離去)..男友工作不穩定(經常轉工 ...
唔需要拎出嚟講,只係要諗清楚佢仲係咪愛嘅人
就算你拎出嚟講,你覺得佢會知衰會改好(如果要,之前已經改咗)?定佢都只會嘈返你轉頭仲話你唔尊重佢私隱等等..
佢同嗰個女仔有D曖昧不突止,仲喺你背後同其他人講你壞話...一個真心愛錫你嘅人會咁做!?
我唔知佢為乜仲要同你一齊,可能佢喺某D方面要依靠緊你...但可以好肯定定佢唔係愛你

[ 本帖最後由 dunnohowtodo 於 2017-7-16 10:17 PM 編輯 ]






引用:
原帖由 dunnohowtodo 於 2017-7-16 10:09 PM 發表



唔需要
唔需要..?唔太明,唔好意思🙏






引用:
原帖由 249726981430 於 2017-7-16 10:11 PM 發表


唔需要..?唔太明,唔好意思🙏
未打完...已編輯






回覆 引用 TOP

[隱藏]
引用:
原帖由 dunnohowtodo 於 2017-7-16 10:09 PM 發表



唔需要拎出嚟講,只係要諗清楚佢仲係咪愛嘅人
就算你拎出嚟講,你覺得佢會知衰會改好(如果要,之前已經改咗)?定佢都只會嘈返你轉頭仲話你唔尊重佢私隱等等..
佢同嗰個女仔有D曖 ...
好多謝你的意見!🙏其實我覺得佢應該對我淡左,但又唔敢去改變d乜,因為佢性格較守舊唔中意改變。加上佢家人又中意我,雙方家長都好認定。又未揾到另一個所以就放住喺度先..
其實我本身都諗住即使佢唔改,但有少許進步,我都ok的。因為本身打算唔買樓,佢搬入我屋企住就算。只細搞婚禮只需十多萬,二人儲應該不是問題⋯⋯(亦有共識)但原來佢連幾萬都冇儲到做咗咁多年野,仲要問人借...



實用相關搜尋: 婚禮
10年長跑 都仲未想結婚 我以男人角度去看  除非意外懷孕 否則佢絕對唔會娶你





Hoped that possesses Philippine police you to die like a dog with yours family members
引用:
原帖由 andyloe 於 2017-7-16 10:40 PM 發表

10年長跑 都仲未想結婚 我以男人角度去看  除非意外懷孕 否則佢絕對唔會娶你
都好有可能...睇黎我要自動收皮..唉...我既初戀咁就冇左...好感慨..多謝你的意見😔






引用:
原帖由 249726981430 於 2017-7-16 10:45 PM 發表


都好有可能...睇黎我要自動收皮..唉...我既初戀咁就冇左...好感慨..多謝你的意見😔
另一個對話係同個女性朋友每日緊密聯繫(雖冇露骨調情對話..........
加上你男友已經搵定後備 等時機成熟 佢就開始新既愛情






Hoped that possesses Philippine police you to die like a dog with yours family members
引用:
原帖由 249726981430 於 2017-7-16 10:29 PM 發表


好多謝你的意見!🙏其實我覺得佢應該對我淡左,但又唔敢去改變d乜,因為佢性格較守舊唔中意改變。加上佢家人又中意我,雙方家長都好認定。又未揾到另一個所以就放住喺度先..
其實我本身都諗住即 ...
佢個問題重點唔係理財方面,而係對你個心係點...如果佢係對住你一個樣(同你一齊扮冇野),同其他人就另一個樣(其實係厭棄你),呢個先係最大問題...同對方家人關係好當然好,但唔能夠本末倒置,因為佢先係同佢一齊生活鴾H...
如果你]準備結婚,最好搵婚前輔導...不過可能佢都只會係輔導面前講假...



實用相關搜尋: 關係 結婚 結婚
[隱藏]
引用:
原帖由 andyloe 於 2017-7-16 10:54 PM 發表



另一個對話係同個女性朋友每日緊密聯繫(雖冇露骨調情對話..........
加上你男友已經搵定後備 等時機成熟 佢就開始新既愛情
唉...十年既感情,真係無奈..捱窮捱距離連借錢比佢都借過...但感情走左就走左...談過去已冇價值😞⋯⋯當佢事業剛開始有基礎就忘了我..



實用相關搜尋: 朋友 愛情 借錢 男友
引用:
原帖由 dunnohowtodo 於 2017-7-16 10:55 PM 發表



佢個問題重點唔係理財方面,而係對你個心係點...如果佢係對住你一個樣(同你一齊扮冇野),同其他人就另一個樣(其實係厭棄你),呢個先係最大問題...同對方家人關係好當然好,但唔能夠本末倒置,因為佢先係同佢一齊 ...
我諗佢冇厭棄我既..不過佢想揾個藉口問人借錢,推擾任落我度囉..唉

不過你講得岩,佢人前人後兩個樣,講哂大話咁...已經令我冇左信任😔



實用相關搜尋: 關係 借錢
引用:
原帖由 249726981430 於 2017-7-16 11:01 PM 發表


唉...十年既感情,真係無奈..捱窮捱距離連借錢比佢都借過...但感情走左就走左...談過去已冇價值😞⋯⋯當佢事業剛開始有基礎就忘了我..
既來知...則安知



實用相關搜尋: 借錢
Hoped that possesses Philippine police you to die like a dog with yours family members
引用:
原帖由 249726981430 於 2017-7-16 10:01 PM 發表

小小背景:

本人同男友一齊左就快十年..識左十幾年,未結婚。自己都想30左右結,家人也有比壓力。

事源係咁..呢十年來,大家經歷左好多:long d(頭幾年)..家人離世(父親cancer離去)..男友工作不穩定(經常轉工 ...
應該分手。最起碼唔應該同佢結婚。

第一、咁大個人連自理能力都有問題,財務記錄非常差。

第二、冇誠信。為自己既利益可以同朋友同埋你講大話。

第三、花心。佢容易對女性動情。

以上三點都係致命傷,是旦中一項你將來既婚姻生活都有極大風險。

當中又以第二項最嚴重,係連人格都有問題。

咁既人都可以容許佢訓係自己身邊,真係諗下都覺得不可思議。







引用:
原帖由 andyloe 於 2017-7-16 11:12 PM 發表


既來知...則安知
明白的..謝謝你..剛終於忍不住狂哭了一倫,希望哭過後明天會更好...😞



熱門搜尋: ring 眼鏡 手錶品牌 時裝 鑽石 名牌
[隱藏]
引用:
原帖由 怎麼捨得你 於 2017-7-16 11:16 PM 發表




應該分手。最起碼唔應該同佢結婚。

第一、咁大個人連自理能力都有問題,財務記錄非常差。

第二、冇誠信。為自己既利益可以同朋友同埋你講大話。

第三、花心。佢容易對女性動情。

以上三點都係致命傷,是旦中一 ...
多謝你的意見,現在的我就是需要一點理性的分析及意見!怕自己繼續沉淪下去,感謝你們。雖網絡世界好多偏激言論等等,但回覆我的都是有心人!已很感恩..我會振作的🤝💪🏻💋



實用相關搜尋: 朋友 結婚 結婚
伸延閱讀
 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。