註冊 登錄



打印

真係當我係兵? 香討焦點

真係當我係兵? E-mail 此主題給朋友

[隱藏]
之前係另一個地方有同人討論,不過沒有什麽回應,所以問大家

我早排係網上識左個女仔,大概25嵗。都ok好傾。 大家約見過幾次面。我都算有少少追佢. 覺得ok…佢本身做開OL,點知前排失業,都有約我出黎。大家都見面兩次,都係下午飲杯野。點知第三定第四次(唔記得)見面我地有次係商場,佢見到中意H嘢,點知埋單時佢無錢。我話我俾住先啦,佢開頭都話唔係太好。我話無所謂啦,幾百蚊。佢話我好似兵咁,我咪講笑話做你兵都好開心。

唔知係咪因爲我咁講,佢之後幾次去街都有講笑叫我做兵埋單… 同埋有買一兩次野。佢話覺得好搞笑所以咁叫我。過左幾個月(我地都每個禮拜有見面,每日都網上傾下計),佢有次話當時交租有問題,問我借住$8000。咁有寫欠單H。我都有借,因爲又唔係話好多錢。個時我地已經有去街n次,同埋有食飯之類,不過冇拖手或拍拖。

後來好幾個禮拜都冇還錢,我都追問佢幾次。跟住佢話有另一個男可以還錢俾我,話呢個男屋企有錢所以可以叫佢。跟住佢話佢唔係唔還,真係呢排有少少麻煩,同埋唔想煩呢個男,畢竟冇我地咁friend。咁我話唔緊要啦,你鬆動少少先,唔係好多錢。過無耐,我又問。大家傾左陣,然後佢話其實佢都好多男仔追,但都中意我做兵Hfeel但有好認真考慮同我拍拖。問可唔可以破例一次,豪俾佢。我都講笑話覺得唔係太合理,我地又唔係拍拖。佢話佢從細都好中意被人供奉的感覺,所以希望我可以咁做。咁我又覺得其實都認識幾個月,ok開心每次都,又唔係好多錢,真係買張機票都冇左… 我最後都答應左。佢都話會補償我啦

早排我地照常見面,講起呢個話題,佢話其實都覺得自己張我儅左係兵,問我介唔介意。我冇答,但我話點可以長期咁架,一次半次就話姐。佢話自己需要少少時間,因爲單身太耐,問我可唔可以繼續咁,同埋有事錢銀上幫下佢。佢未ready有正式關係但唔係玩我。我唔記得講左咩但我地最後都話ok啦,我地暫時保持咁。

以家我地又冇件事咁, 照來往,但我有幫佢俾下錢如果佢要求。佢每次都講笑話我真係好適合做男朋友,唔知係咪講真。我有一次問係咪認真,佢話係不過更適合做兵,然後就話講笑。我最近都有幫交雜費同埋有次佢去飲,都有話叫我幫俾人情…

大大話話都半年喇,同埋都有可能洗左5-6萬。其實過咁耐,佢係咪真係儅我係兵根本唔會拍拖?



實用相關搜尋: 朋友 關係 商場 講笑 拍拖 網上 男朋友

回覆 引用 TOP

可能我真係錯啦聽大家講





回覆 引用 TOP

引用:
原帖由 脫褲濟貧 於 2017-1-17 07:40 AM 發表




呢家野無對錯既
睇來師兄家境都唔錯
只不過你可以試下供奉其他人
例如助養兒童呀,佛堂呀,教會奉獻

我活左五十年,真係第一次聽到一個活生生既人
話鍾意比人供奉
佢真係當左自己係佛堂裡面既觀音
我估佢係講笑可能,或者唔係完全呢個意思






回覆 引用 TOP

我意思係話佢可能想俾人錫





回覆 引用 TOP

伸延閱讀
 提示:支持鍵盤翻頁 ←左 右→
[按此隱藏 Google 建議的相符內容]



重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。