Board logo

標題: 我應該分手嗎? (好長) [打印本頁]

作者: pretty_ugly    時間: 2017-1-11 01:58 PM     標題: 我應該分手嗎? (好長)

我本身有個對我好好既男朋友,我地一齊左就快4年,我地係由朋友撮合既~~
其實我地一直都冇乜大起伏既~~係間唔中會鬧下交咁~~

咁我係一個OL,返一至五姐,見星期六得閒,所以之前就起同區搵左份part time~~可以賺錢,又可以hea時間~~

大約起3個月前,公司來左一個新男仔,佢係咁撩我講野,又問我姘q話,,我好肯定佢對我係有d野, 但佢當時唔知我有男朋友,所以有次佢wts我時我就順手同佢講我有男友,因為我唔係想收兵,我唔想呃佢~~

我最初諗住佢之後就對我避忌,但又冇喎~~仲會逢星期六晚放工都送我返屋企,我叫左佢唔洗,但佢照送~~

慢慢,我都鐘意左佢,我地公司d人都知我地有d野,個男仔仲會起公司當住佢地面前約我去街,但我次次都拒絕,費時比公司d人講,但私下我同佢出過一次街~~

咁講返我男友,佢對我真係好好,無微不至,我講過將來結婚要買樓,佢為左我返兩份工(一正職,一part time),仲有返學,同埋努力儲錢, 唔煙唔酒又專一, 我有個咁好既男友應該係好滿足~~

但其實我一早已經發覺,我對佢一早已經淡左(起識個男仔之前已經係),,而呢個男仔既出現當然帶比我新鮮感, 但亦都令我諗左一個問題,就係 “我仲應該同男友一齊嗎?”


撇除呢個男仔既存在,其實我對我男朋友本身已經淡左,最近,我發覺真係淡到,我同佢出街已經唔會再有任何興奮或期待,只係好似例行公事咁~~亦都冇關心佢既生活發生咩事,每日通常都係佢wts我多,我極少主動搵佢

我近呢兩個星期差唔多日日都喊,我個心係想分手,但一諗起佢對我咁好,但我竟然咁hurt佢我就唔忍心,如果我同佢講,佢絕對會晴天霹靂~~佢咩都冇做錯,唔應該要承受呢個結果~~我唔係驚冇左佢,只係驚佢個世界會U,因為我幾乎係佢既全部~~

我唔知我喊係因為對佢仲有dd愛,定係純粹因為內疚感~~如果只係內疚感,我覺得我應該分手,因為內疚感唔足以令我地維持一世~~

但我唔知點分我係愛定內疚,麻煩大家幫下我~~~比d例子我思考下,, 我淨係想知分唔分好~~至於果個男仔就之後先算~~分左唔等於一定同佢一齊~~感謝你睇曬我成篇野🙏🙏🙏
作者: 雜工達人2    時間: 2017-1-11 02:13 PM

提示: 該帖被管理員或版主屏蔽
作者: b2467153    時間: 2017-1-11 02:50 PM

樓主分手啦, 唔好累人
作者: 酒店進擊的樓主    時間: 2017-1-11 02:57 PM     標題: 分手啦

分手啦
作者: 香水格格    時間: 2017-1-11 03:00 PM

我覺得你係內疚多過愛佢😅
如果你愛佢就唔會唸分開
你喊係因為你覺得有壓力,令你左右做人難
作者: pretty_ugly    時間: 2017-1-11 03:10 PM

引用:
原帖由 香水格格 於 2017-1-11 03:00 PM 發表

我覺得你係內疚多過愛佢😅
如果你愛佢就唔會唸分開
你喊係因為你覺得有壓力,令你左右做人難
咁如果真係分,有冇方法可以將個傷害減到最低??
我諗住起wts打一大段野比佢,但內容絕對冇怪佢既成分,反而係話我自己點唔好,祝福佢搵到另一半~
咁樣會唔會好d?
作者: 雜工達人2    時間: 2017-1-11 03:13 PM

提示: 該帖被管理員或版主屏蔽
作者: OXO厚燒    時間: 2017-1-11 03:24 PM

你男友都幾慘下......
作者: 禁止探訪    時間: 2017-1-11 03:27 PM

仲想講到自己好有道理想分手 根本你就見一個愛一個
作者: 香水格格    時間: 2017-1-11 03:40 PM

引用:
原帖由 pretty_ugly 於 2017-1-11 03:10 PM 發表



咁如果真係分,有冇方法可以將個傷害減到最低??
我諗住起wts打一大段野比佢,但內容絕對冇怪佢既成分,反而係話我自己點唔好,祝福佢搵到另一半~
咁樣會唔會好d?
都話你係內疚,你由頭到尾都只係怕hurt倒佢
呢d case最難搞,處理得唔好,唔單止做唔反朋友咁簡單,最怕佢做傻事😓
不如你唸多幾晚先,confirm自己已經唔再愛佢,如果你考慮清楚就搵個藉口同佢講分開下,睇下佢咩反應

[ 本帖最後由 香水格格 於 2017-1-11 03:43 PM 編輯 ]
作者: 安素    時間: 2017-1-11 03:46 PM

有冇諗過咩野原因導致咁?太悶?
作者: pretty_ugly    時間: 2017-1-11 03:53 PM

引用:
原帖由 安素 於 2017-1-11 03:46 PM 發表

有冇諗過咩野原因導致咁?太悶?
都係架~我地兩個本身都係比較悶既人~~加上佢個人比較木獨,冇乜幽默感,又比較少野講,通常都係我多野講,佢就聽同應~~
作者: Bankker    時間: 2017-1-11 04:03 PM

樓主 新鮮感後問題又會重復出現…
咁你要換幾多個男朋友/老公先可以滿足到你既新鮮感呢
有一個係佢愛你多過你愛佢既人响新邊有多幸福,要懂得珍惜喔。
作者: pretty_ugly    時間: 2017-1-11 04:14 PM

引用:
原帖由 Bankker 於 2017-1-11 04:03 PM 發表

樓主 新鮮感後問題又會重復出現…
咁你要換幾多個男朋友/老公先可以滿足到你既新鮮感呢
有一個係佢愛你多過你愛佢既人鈮s邊有多幸福,要懂得珍惜喔。
我都知我好幸福,,所以我先至諗咁耐,,否則一早分左,,有冇咩方法可以令我投入返多d
作者: Ki3a    時間: 2017-1-11 04:16 PM

自己早走早著啦!唔好講到話淡左!為自己解釋咁多做咩?哂氣!唔好害你男友啦!消失吧
作者: 月結單2011    時間: 2017-1-11 04:23 PM

唉!知足好了
作者: 紅豆水    時間: 2017-1-11 04:31 PM

難捱便無謂再拖!好心一早放開佢
作者: samlee    時間: 2017-1-11 04:37 PM

咁樓主應該同男朋友講感情淡左,希望大家努力補救,如果ok就繼續一齊,如果都係唔得先分手,分手後先再同第二個一齊…

咁樣係盡量理性的做法,妳亦無欠佢咁多,如果挽救失敗,妳先同第二個一齊,妳個心日後都唔會咁有負擔

但呢個時候妳要叫妳男朋友接妳收工,等新同事唔好係呢段時間擾亂妳,作出唔公平的決定…
作者: qd52231314    時間: 2017-1-11 04:37 PM

我選擇左分手
其實我而加情況同你一樣
但只可以講你簡左就吾好後悔;
就算佢話只會等你,你攰可以番佢身邊,
我都吾會再番去,因為我已經決定左
如果到最後2面都解決吾到
我寧願2面都吾簡。。自己一個算
作者: 今天含情的貓奴    時間: 2017-1-11 04:38 PM

我覺得樓主已經唔愛你男友,分手吧啦!你唔珍惜佢,自有珍惜佢嘅人在!咁好仔都唔要,真係覺得你蠢,佢咁努力工作都係你話過要結婚買樓,佢咁努力係以後比個好生活你,咁好嘅男仔去邊度搵呀!唔好後悔!你而嫁想飛尼條仔係冇新鮮感,拍耐左覺得悶,想問你,人地一對夫妻結左婚幾十年果d又點講,唔通又冇新鮮感要離婚?唔愛佢就唔好害佢,快分手!仲有,追你果條仔都唔係咩好仔,明知你有男友都要繼續追你,第時佢遇到第二條女一樣都係咁做,好自為之!

[ 本帖最後由 今天含情的貓奴 於 2017-1-11 04:52 PM 編輯 ]
作者: Bankker    時間: 2017-1-11 04:41 PM

引用:
原帖由 pretty_ugly 於 2017-1-11 04:14 PM 發表



我都知我好幸福,,所以我先至諗咁耐,,否則一早分左,,有冇咩方法可以令我投入返多d
試下放假時候搵d之前無一齊去過玩過既活動/地方去下
不過最重要係你用咩心態去對待你地既感情,愛情係唔會一世都咁刺激和新鮮架 大家一齊相處開心舒服信任就已經好好啦
作者: wincible    時間: 2017-1-11 04:44 PM

分手…同新男仔一齊…之後被飛…變剩女
作者: samlee    時間: 2017-1-11 04:49 PM

引用:
原帖由 pretty_ugly 於 2017-1-11 04:14 PM 發表



我都知我好幸福,,所以我先至諗咁耐,,否則一早分左,,有冇咩方法可以令我投入返多d
可以不提新歡,但坦言感覺淡左,想大家嘗試補救

條新仔一定日日等妳收工架啦,呢個時候妳要清醒d處理定一個問題先一個問題,妳想心安理得,想傷害最少,就要公平一點,等妳同而家呢個男朋友都有機會盡力再拉返近,唔得,都叫雙方都無憾…

之後妳先搵妳認為更屬於妳的幸福

條新仔一定死纏爛打,叫佢比時間妳處理問題再好好決定,一定要加句:「如果你尊重我就唔好逼我,呢排唔好搵我猛whatsapp我,比時間我」。但請不要明言妳和男朋友的問題是甚麼,因為妳挑明的話,好多男仔會懶好心扮幫妳分析解決,不知不覺妳就會比佢干擾到睇唔清佢自唔自私

我見好多case都係第三者扮感情排解完排排下就乘虛而入

要自己想得清晰不後悔現時一定要狠少少,別被對方干擾

仲有如果最後決定同男朋友繼續一齊,最好辭工,換個環境等自己唔好胡思亂想,也斷絕對方死纏爛打
作者: isallaboutlove    時間: 2017-1-11 04:52 PM

放生你男友啦,佢值得更好
作者: samlee    時間: 2017-1-11 04:55 PM

引用:
原帖由 今天含情的貓奴 於 2017-1-11 04:38 PM 發表

我覺得樓主已經唔愛你男友,分手吧啦!你唔珍惜佢,自有珍惜佢嘅人在!咁好仔都唔要,真係覺得你蠢,佢咁努力工作都係你話過要結婚買樓,佢咁努力係以後比個好生活你,咁好嘅男仔去邊度搵呀!唔好後悔! ...
我唔同意,趁樓主仲有少少理智,應該比機會同現男朋友雙方嘗試努力,雖說男未婚女未嫁大家都可以再揀…

但情況仍可控制可應該給大家公平機會解決問題,任性而為真的不負責,而且樓主都係善良的人,變心負情佢覺得會內疚,如果就咁走左去一定會背負壓力…

個心有條刺,總覺得有負他人,新戀情點會愛得舒服坦然心安理得?
作者: samlee    時間: 2017-1-11 04:59 PM

引用:
原帖由 isallaboutlove 於 2017-1-11 04:52 PM 發表

放生你男友啦,佢值得更好
唔好一味教人分手好無陰功,如果當事人仲有三分理智,不如教佢理智d解決問題,將傷害減至最少

你班人中意睇人變心,又多一個情傷受害者就食花生要不得
作者: samlee    時間: 2017-1-11 05:01 PM

引用:
原帖由 今天含情的貓奴 於 2017-1-11 04:38 PM 發表

我覺得樓主已經唔愛你男友,分手吧啦!你唔珍惜佢,自有珍惜佢嘅人在!咁好仔都唔要,真係覺得你蠢,佢咁努力工作都係你話過要結婚買樓,佢咁努力係以後比個好生活你,咁好嘅男仔去邊度搵呀!唔好後悔! ...
男人不壞女人不愛

女人感性上會覺得有個男仔明知有阻礙都照上係會加分…

但理智上其實咁做要不得,君子不奪人所愛
作者: 山邊消失的神    時間: 2017-1-11 05:02 PM

引用:
原帖由 pretty_ugly 於 2017-1-11 01:58 PM 發表

我本身有個對我好好既男朋友,我地一齊左就快4年,我地係由朋友撮合既~~
其實我地一直都冇乜大起伏既~~係間唔中會鬧下交咁~~

咁我係一個OL,返一至五姐,見星期六得閒,所以之前就起同區搵左份part time~~可以賺錢,又 ...
首先我想講一講你現在的情況,男仔追女仔係唔會你理你有冇男朋友,佢不停追你係因為你不停俾機會佢,所以個男仔會覺得就來追到你,因為每段戀愛開始都是快樂的,你想想當初男朋友最追你時係唔係又係一樣,你覺得你男朋友好悶冇新鮮感這是正常的,因為你對得佢太長時間,愛情已變成親情了,而現在這個追你的男人,比到你的是愛情,不過三年後,佢就會變成你現在男朋友這樣一樣冇新鮮感!最後要點做你自己決定,你可以選擇同這個追你的男人偷情,但都係你自己決定
作者: 樓上的筍盤    時間: 2017-1-11 05:03 PM

長痛不如短痛,放手啦!對你對佢都好
作者: samlee    時間: 2017-1-11 05:04 PM

引用:
原帖由 樓上的筍盤 於 2017-1-11 05:03 PM 發表

長痛不如短痛,放手啦!對你對佢都好
唔好一味教人分手好無陰功,如果當事人仲有三分理智,不如教佢理智d解決問題,將傷害減至最少

你班人中意睇人變心,又多一個情傷受害者就食花生要不得
作者: samlee    時間: 2017-1-11 05:05 PM

我以為呢度個個都係白韻琴白姐姐…唯一意見就係分手,拆散無數原本或者有可能補救的關係
作者: martin101    時間: 2017-1-11 05:15 PM

提示: 作者被禁止或刪除 內容自動屏蔽
作者: 巴士野性的師兄    時間: 2017-1-11 05:20 PM

樓主,珍惜眼前人。呢五隻字係我送比你既

我想問樓主,你地最初點解係埋一齊?呢個問題係我第二樣送比你既野!

拍拖,去到某個時間,所以激情過後,都會冷卻,繼而變做平穩既感情,再行落去,會變視為家人既親情。

而家你因為感情冷淡左而要離開你既男朋友,無人可以話你唔啱唔啱!呢個係你既事。

但你唔念呢幾年你地一齊過既日子,無諗過去補救呢段感情,而又因為出面既新鮮感,好快就決定放棄你同男朋友既感情,我就認為好不值。

你而家面對既問題,你同新既男朋友之後一樣會發生,因為你呢刻並無正視你同而家男朋友既問題。

究竟愛重要?定懂你重要?定相處重要?或是新鮮感重要?

希望你能夠做到正確既決定,希望你唔好失去左之後先學會珍惜。
作者: HarrisLpm    時間: 2017-1-11 05:41 PM

lol.....

舊acc,又唔似作故仔.....

講真,如果分手,你男朋友一定會活得比你好

都係一句姐,你今日因為愛情變左淡淡感情而分手,同個新既男仔一齊,三兩年後,你習慣左新呢個男仔,再一次無左愛情,你到時候又該如何?
作者: 海邊外圍的黑頭    時間: 2017-1-11 05:44 PM

分手啦...一睇就知你仲細啦...唔鐘意仲講乜道理...直接同男友分手吧
作者: chelam624    時間: 2017-1-11 05:48 PM

引用:
原帖由 pretty_ugly 於 2017-1-11 01:58 PM 發表

我本身有個對我好好既男朋友,我地一齊左就快4年,我地係由朋友撮合既~~
其實我地一直都冇乜大起伏既~~係間唔中會鬧下交咁~~

咁我係一個OL,返一至五姐,見星期六得閒,所以之前就起同區搵左份part time~~可以賺錢,又 ...
如果同新歡一齊4年之後又淡左,又變左冇話題,又分手再揀下一個有新鮮感帶比你的人?不斷重複?
作者: MJJN    時間: 2017-1-11 05:50 PM

分咗穩唔翻咁好嘅男朋友
作者: 貓咪仔仔    時間: 2017-1-11 05:56 PM

放心,你一定會後悔。唔好拖個咁好嘅男仔,佢值得更好
作者: Ken22452    時間: 2017-1-11 05:58 PM

賤貨
作者: jacksoooo    時間: 2017-1-11 06:08 PM

乜野好長?
作者: 米奇老祖    時間: 2017-1-11 06:24 PM

首先我唔講新鮮感黻暋D,一個人對自己幾好同付出幾多,都唔一定可以令自己鍾意對方。

我覺得你唔應該俾你男友知道有第三者出現,咁樣會對佢打擊好大,你可以考慮向你男友提出想要一段冷靜期,俾自己一D時間去作出理性翵M定,另一方面都俾時間同機會你男友作出改變或者補救,亦可俾你男友知道你]儱P情出現左問題。
作者: gofreego    時間: 2017-1-11 06:33 PM

利申,我係男人...

如上面dc兄講,實情係你嫌悶,個男仔冇咩做錯,我又唔覺得你個男朋友可以咩去令你有另一個人的感覺,因為如果佢做到,那根本就唔係佢,今次因撈得過返,你嫌悶呢件事都係會再重演...

你放手啦,短痛一定有,不過時間會比機會大家搵到更好的,好過拖死大家... 過左一兩年,仲傷
作者: hermanherman    時間: 2017-1-11 06:36 PM

分手啦,人生苦短, 食多幾件。。。
作者: 雜工達人2    時間: 2017-1-11 06:37 PM

提示: 該帖被管理員或版主屏蔽
作者: 王小鴨    時間: 2017-1-11 06:38 PM

首先減低見面次數 一個月只見一兩次
唔覆短訊 等佢感覺你有啲野
之後先同佢講分手
作者: 勤力過隻牛    時間: 2017-1-11 06:42 PM

心...突然的隱隱痛...woo...
鄧你男朋友心痛,佢好慘
作者: bperle    時間: 2017-1-11 06:50 PM

都唔知咩叫好男人
第二個只係玩玩下,話左有男人,仲樁埋嚟,廣東話都唔識聽。
最憎呢啲飛來蜢
作者: 酒店幼稚的貓奴    時間: 2017-1-11 06:50 PM

引用:
原帖由 pretty_ugly 於 2017-1-11 01:58 PM 發表

我本身有個對我好好既男朋友,我地一齊左就快4年,我地係由朋友撮合既~~
其實我地一直都冇乜大起伏既~~係間唔中會鬧下交咁~~

咁我係一個OL,返一至五姐,見星期六得閒,所以之前就起同區搵左份part time~~可以賺錢,又 ...
樓主
你有好男人唔要,好似我朋友咁。
朋友個ex有車有樓,成日同佢去旅行送禮物,仲會對埋我地姊妹好,加上有心同佢結婚。
但我朋友又係拍左4年,又話唔愛佢淡曬分左手。
而家簡左個冇車冇樓既一齊拍拖,但係佢都好開心,
另外,佢個ex都已經結左婚生埋仔。
有時兩個人相愛,條件唔重要,重點係你愛唔愛佢,你唔愛佢,你自己都辛苦。
不過,你都係諗清楚,又肯上進又好男人難求。你唔要佢,佢都大把人要,你睇定追你果個係咩人,先好決定。
作者: -和也-    時間: 2017-1-11 06:50 PM

鄧你男朋友慘
打咁大篇野係咪想自己良心好過d?
sorry, NO!
你到時下個男友又係幾年後轉淡,之後又諗分手,無限loop。
放過你男朋友吧

另外個男仔明知你有男友都重追你
非奸即盗

[ 本帖最後由 -和也- 於 2017-1-11 06:52 PM 編輯 ]
作者: wing319    時間: 2017-1-11 06:55 PM

你有男友同你既關係已經在冇愛情,但你要唸清楚可能之後在揾唔到咁好既男友
作者: freetongg    時間: 2017-1-11 06:57 PM

提示: 該帖被管理員或版主屏蔽
作者: 基斯64    時間: 2017-1-11 07:08 PM

咁溝妳條仔第時又識到條新鮮菜飛妳又會有咩感受
作者: 你老闆    時間: 2017-1-11 07:20 PM

有時啲女人話點解總係遇到壞男人,又問好仔去哂邊,真係唔知點答。
作者: 不死俠    時間: 2017-1-11 07:21 PM

分手啦,放生一個好男人
你一句淡左就分手,第時你又搵另一個拍幾年又淡,你有幾多年青春吸引到男人?
一個男人咁專一,你仲要為左新鮮感而想分手。
作者: .Ckrai    時間: 2017-1-11 07:24 PM

分手啦,唔好累人
作者: madtoy    時間: 2017-1-11 07:29 PM

如果你現任男友當你係全部既話。佢既世界一定崩潰。就算你同佢講佢無錯又好。點都好。個下好難接受。係一定。仲要睇埋佢咩性格。你要三思先好落決定。5好貪一時新鮮感。不過忠言永遠都係逆耳。最後決定始終係你到。自己諗清楚啦。
作者: 631250312    時間: 2017-1-11 07:43 PM

快分吧
作者: F2477    時間: 2017-1-11 07:50 PM

自己事自己決定
作者: AugustJersey    時間: 2017-1-11 08:12 PM

分手吧,唔好浪費大家的時間
作者: ilovekumamon    時間: 2017-1-11 08:14 PM

分!
快!
作者: 莫名我就喜歡你    時間: 2017-1-11 08:18 PM

當你呢個新男友又舊左又換 換到幾時?
作者: hasonbaba    時間: 2017-1-11 08:30 PM

唔好即刻分,死緊。你不斷顯示你的缺點,等佢厭倦你。又唔好比佢攪你,佢一定會feel到。感情無話可以一刀切。
作者: pojun07    時間: 2017-1-11 08:31 PM

同兩邊都講,冷靜兩個月,睇下對方點,又等下自己心平靜下先決定
作者: C+E    時間: 2017-1-11 08:31 PM

你放手啦俾條生路你男友,你講到佢咁好大把市場
作者: lacey251642    時間: 2017-1-11 08:32 PM

提示: 該帖被管理員或版主屏蔽
作者: CFA2010    時間: 2017-1-11 08:32 PM

共你親到無可親密後 便知友誼萬歲是盡頭
別似親人那麼懷抱我 也別勉強共老朋友手拖手
已經戀到無可戀慕後 換到同情才罷休
跨出這條界線 怎去善後 也許這種愛剛足夠
散步然後吃喝 誰也別 多口
作者: HardWorkin'Man    時間: 2017-1-11 08:43 PM

唔好害人喇,將來就算結婚都唔係好事
作者: tea_break    時間: 2017-1-11 08:47 PM

新哩個拍耐咗咪又會淡,到時又開貼「原來我忘記唔到前度,有咩辦法同佢復合」,做人知足啲好
作者: elingchang    時間: 2017-1-11 08:57 PM

其實無人追你, 你男友咁悶,你會諗分手嗎?

愛第二個就愛第二個囉, 決定分手就直接講, 等男友死心

唔好揾藉口, 唔好講男友悶係原因囉, 你咁講咪俾希望男友以為做啲野可以挽救?但點解要佢挽救呢? 佢只係由始至終做自己(悶)  嗟

分手話自己唔好, 佢無錯, 或者話自己想一個人, 仲殘忍過話自己鐘意第二個。 因為呢個只會令對方一直糾結於點解會咁, 佢好難死心同重新出發架!
作者: stuntman    時間: 2017-1-11 09:04 PM

話妳係TB,所以...
作者: deary0602    時間: 2017-1-11 09:16 PM

好間單,你唔後悔既就分手,但他呢⋯⋯可能他所做的一切是為你們建立更好的將來,但他是用心用時間去建立,一個人又讀書又做兩份工去儲蓄,點解他咁辛苦為乜呢⋯⋯你有沒有諗先,新鮮感過後你又回復現況,他可能一世都唔會在企唔反身,自甘墮落去。。。時間証明好多好多。。。總之希望你不會後悔
作者: 木兄    時間: 2017-1-11 09:32 PM

做人要心足先有福,貪字得貧,遲
早出事
作者: Abcjpg    時間: 2017-1-11 09:38 PM

簡單說:遲職離場!專一才是重點
作者: 沙田中心的臂彎    時間: 2017-1-11 09:39 PM

引用:
原帖由 pretty_ugly 於 2017-1-11 01:58 PM 發表

我本身有個對我好好既男朋友,我地一齊左就快4年,我地係由朋友撮合既~~
其實我地一直都冇乜大起伏既~~係間唔中會鬧下交咁~~

咁我係一個OL,返一至五姐,見星期六得閒,所以之前就起同區搵左份part time~~可以賺錢,又 ...
做人應一心一意,人在做天在看
作者: 10500    時間: 2017-1-11 09:39 PM

樓主分手啦,你男朋友可以搵到更好既女仔

新鮮感只係一時,耐左一樣好似而家咁無新鮮感。

對你有好感果個男仔都唔會好得去邊,知道你有男朋友都咁主動追你,小心分分鐘佢只係一名有女朋友又出來搵食既食家。

[ 本帖最後由 10500 於 2017-1-11 10:19 PM 編輯 ]
作者: b2467153    時間: 2017-1-11 09:50 PM

分手啦樓主, 專一唔適合你
作者: 性戰士二號    時間: 2017-1-11 09:52 PM

提示: 該帖被管理員或版主屏蔽
作者: bj_mei    時間: 2017-1-11 09:58 PM

如果你想補救現有呢段感情, 同男朋友講「我覺得我地淡咗, 不如我哋去一個地方旅行,等多d時間大家溝通下」。旅行其間唔可以搵新歡,100%投入你男朋友度, 如果你都係覺得唔掂嘅話, 先再諗分手啦。
作者: 武涼深    時間: 2017-1-11 10:01 PM

妳見一个愛一个好5專一妳撿討下
作者: xiixiixq    時間: 2017-1-11 10:10 PM

分手了
比個機會大家
作者: klaas10    時間: 2017-1-11 10:14 PM

樓主見一個愛一個,唔會遇到真愛,到你同新歡淡左又搵另一個,只會害更多男仔。
作者: 清晨幼小的小腸    時間: 2017-1-11 10:21 PM

引用:
原帖由 samlee 於 2017-1-11 04:37 PM 發表

咁樓主應該同男朋友講感情淡左,希望大家努力補救,如果ok就繼續一齊,如果都係唔得先分手,分手後先再同第二個一齊…

咁樣係盡量理性的做法,妳亦無欠佢咁多,如果挽救失敗,妳先同第二個一齊,妳個心日後都唔會咁 ...
師兄講得好啱!呢段感情講到有啲與你無關感!一句感情淡咗,其實係你自私就真。有啲貪新忘舊。對於你男朋友係叫無理解僱!原因就是悶!為自己搵藉口,做你男朋友真係好可憐!😭😭😭😭😭
作者: 清晨幼小的小腸    時間: 2017-1-11 10:23 PM

引用:
原帖由 今天含情的貓奴 於 2017-1-11 04:38 PM 發表

我覺得樓主已經唔愛你男友,分手吧啦!你唔珍惜佢,自有珍惜佢嘅人在!咁好仔都唔要,真係覺得你蠢,佢咁努力工作都係你話過要結婚買樓,佢咁努力係以後比個好生活你,咁好嘅男仔去邊度搵呀!唔好後悔! ...
X2
作者: yuk777044    時間: 2017-1-11 10:32 PM

分手
作者: CAVOK    時間: 2017-1-11 10:43 PM

自私精!
作者: Alex1914    時間: 2017-1-11 10:48 PM

其實住得耐咗生厭,必然發生的事。新人無往事包袱當然俾到開心感覺,不過長遠都會厭
作者: amandayin    時間: 2017-1-11 10:50 PM

長痛不如短痛
作者: meowmeowcat5    時間: 2017-1-11 10:50 PM

應該
作者: 雜工達人2    時間: 2017-1-11 10:52 PM

提示: 該帖被管理員或版主屏蔽
作者: mimi_cc    時間: 2017-1-11 11:05 PM

我講埋個故事先
通常分手後女方同新男友一齊
但時間耐左都係19樣淡哂
到時人老珠黃新男友同佢分手
樓主就會懷念之前上進又對佢好既舊男友
但人地巳結埋婚生埋仔無你咁好氣

世上有好多呢d個案
講完
作者: 貪星狼    時間: 2017-1-11 11:18 PM

Rip
作者: abce8888abce    時間: 2017-1-11 11:34 PM

樓主,西痕
作者: 四十歲退休    時間: 2017-1-11 11:40 PM

引用:
原帖由 pretty_ugly 於 2017-1-11 03:10 PM 發表



咁如果真係分,有冇方法可以將個傷害減到最低??
我諗住起wts打一大段野比佢,但內容絕對冇怪佢既成分,反而係話我自己點唔好,祝福佢搵到另一半~
咁樣會唔會好d?
打咩WTS呀,用口講啦。

事實真係你唔好丫嘛,你還有什麼資格怪佢?

唔好累人,快快分,佢呢D好男人,你唔要大把人要。
作者: kennylong97    時間: 2017-1-11 11:42 PM

女人=累人
作者: 343hahaha    時間: 2017-1-11 11:46 PM

速分手,拖拖拉拉更煩。
作者: 俊楠    時間: 2017-1-11 11:49 PM

男人不壞,女人不愛,女人係不會喜歡及珍惜好男人
作者: Peace2017    時間: 2017-1-11 11:50 PM

邊個求婚先就要邊個, 一日未求婚都未confirm個男人諗乜, 話唔定佢嘟另有薏中人個喎
作者: 人之初大大    時間: 2017-1-11 11:59 PM

引用:
原帖由 pretty_ugly 於 2017-1-11 01:58 PM 發表

我本身有個對我好好既男朋友,我地一齊左就快4年,我地係由朋友撮合既~~
其實我地一直都冇乜大起伏既~~係間唔中會鬧下交咁~~

咁我係一個OL,返一至五姐,見星期六得閒,所以之前就起同區搵左份part time~~可以賺錢,又 ...
乜都會淡,睇你换到幾時
作者: j.dean    時間: 2017-1-12 12:08 AM

分手啦 唔好拖住人
作者: bbsona    時間: 2017-1-12 12:33 AM

希望第時你老公等你老左後,用同一番說話同你講,好對你唔住,但已經唔愛你了,如果件事你可以倒轉接受到,咁就ok,  唔係你就真係諗下點樣做,唔係得分手一個答案




Copyright © 2003-2017 香港討論區